KHMB: Kabanata 7

Sa loob ng grand ballroom ng Shangri-La The Fort, nagtipon ang mga pinakamakapangyarihang pamilya at bilyonaryo ng Pilipinas para sa taunang Elite Tycoons Charity Gala. Dati, pumapasok si Thunder sa mga ganitong kaganapan nang naka taas-noo, at may kumpyansa sa sarili. Ngunit ngayon, ramdam niya ang bigat ng mga pasimpleng tingin at bulungan ng mga kapwa niya negosyante sa kanya.

Alam ng buong industriya ang nangyayari. Paubos na ang pondo ng Alcantara Group, nag-pull out na rin ang mga malalaking investors at nasa bingit sila ng bankruptcy dahil sa mga maling desisyon ni Alexa.

"Babe, why is everyone staring at us?" bulong ni Alexa habang mahigpit na nakakapit sa braso ni Thunder. Suot nito ang isang kumikinang na gold sequined gown na masyadong masakit sa mata,"Are they admiring my dress? Galing pa 'tong Paris eh."

Napatiim-bagang si Thunder. Pilit niyang inalis ang braso niya mula sa pagkakakapit ng babae. "They are staring because our company’s stock is bleeding, Alexa. Kaya please, umayos ka ngayong gabi. We are here to find the CEO of the De Leon Investment Group. Sila na lang ang pag-asa natin. Kapag hindi natin nakuha ang pondo nila, babagsak ang kumpanya."

Umirap si Alexa at tila walang pakialam sa seryosong problema. "Chill, Thunder. We'll just charm them. Ako ang kakausap sa CEO nila. I’ll just use my connections."

Hindi na sumagot si Thunder. Sumasakit ang ulo niya tuwing naririnig ang boses nito. Kumuha siya ng champagne sa dumaang waiter at nilagok iyon. Habang nagmamasid siya sa paligid, hinahanap ng mga mata niya si Mr. Sy, umaasang mapapakiusapan pa itong bumalik.

Ngunit imbes na si Mr. Sy ang makita niya, biglang tumahimik ang buong ballroom. Nawala ang mahinang musika ng orchestra. Ang lahat ng atensyon, pati na ang mga flash ng camera ay napunta sa grand double doors ng hall.

Pumasok ang tatlong lalaking nagtataglay ng kapangyarihan at authority na hindi matatawaran. Si Don Fernando De Leon, kasama ang dalawang apo nitong sina Marco at Leandro. Ang presensya pa lang ng mag-lolo ay sapat na para yumuko ang mga pinaka malalaking CEO sa silid.

Pero hindi ang mga lalaking De Leon ang nagpatigil kay Thunder. Kundi ang babaeng nasa gitna ng mga ito.

Nakasuot ng isang custom-made crimson red gown ang babae kaya naman super perfect ng hulma nito. Ang buhok nito ay naka-ayos nang elegante, nagpapalitaw sa isang diamond necklace na kumikinang nang higit pa sa lahat ng ilaw sa buong silid. Ang kanyang mga hakbang ay banayad ngunit puno ng kapangyarihan. Wala na ang maamong mukha ng abbae, ni wala na ang nag-aalangang ngiti nito noon.

Nanlamig ang buong katawan ni Thunder. Nabitawan niya ang baso ng champagne kaya naman nabasag ito sa sahig. 

"Oh my god," bulong ni Alexa sa tabi niya’t halatang nandidiri. "Is that, Sabrina? Paano nakapasok ang basurang 'yan dito? Sino'ng sugar daddy ang nauto niya para makapasok sa VIP event na 'to?!"

Hindi pinansin ni Thunder si Alexa. Tila may magnet na humihila sa mga paa niya. Naglakad siya papalapit sa direksyon kung nasaan ang mga De Leon, hindi alintana ang mga nagtatakang tingin ng mga tao. 

Gusto niyang bawiin ang asawa niya. Gusto niyang alamin kung bakit kasama nito ang pinaka makapangyarihang pamilya sa buong Asya.

Nang makalapit sila, eksaktong nakikipag-usap si Sabrina kay Mr. Sy, ang kliyenteng nag-pull out sa kumpanya ni Thunder. Nakangiti ang matanda kay Sabrina. Isang ngiting punong-puno ng respeto.

"Sabrina," tawag ni Thunder sa babae. 

Dahan-dahang lumingon si Sabrina. Tiningnan niya si Thunder mula ulo hanggang paa na para bang nandidiri.  Walang bakas ng pagmamahal at sakit. Blangko lang ang ekspresyon nito at napakalamig ng tingin sa kanya. 

Bago pa man makapagsalita ulit si Thunder, sumingit na si Alexa. Lumapit ito nang nakataas ang kilay at tiningnan si Sabrina na para bang nandidiri. 

"Well, well. Look who we have here," matinis at mapanuyang sabi ni Alexa, sapat para marinig ng mga taong malapit sa kanila. "Ang lakas din talaga ng loob mo, 'no? After you abandoned your job and left Thunder’s company in a mess, nandito ka ngayon naghahanap ng bagong maloloko? Kaninong imbitasyon ang ninakaw mo para makapasok dito? Or are you serving drinks tonight?"

Katahimikan ang bumalot sa buong paligid. Namutla si Mr. Sy sa narinig at mabilis na umatras, tila takot na madamay sa gulong paparating. 

Gusto sanang patahimikin ni Thunder si Alexa, pero hindi siya makapagsalita. Nakatitig lang siya kay Sabrina, pilit hinahanap ang asawang dating sumusunod sa lahat ng utos niya.

Ngunit imbes na mapahiya, isang mahina at nakakapasong tawa ang kumawala sa mga labi ni Sabrina. Tumingin siya kay Alexa. 

"Serving drinks?" kalmadong tanong ni Sabrina. Kinuha niya ang isang baso ng wine mula sa waiter at marahan itong pinaikot. "Alexa, right? The fashion expert wanna-be na nagpabagsak sa stocks ng Alcantara Group sa loob lang ng dalawang linggo. Hindi na ako nagulat na nandito ka. Sanay ka namang pumulot ng mga tira-tira sa basurahan."

Namula si Alexa sa galit. "How dare you?! Alam mo ba kung sino ang binabangga mo?! Thunder, do something! Pinalayas mo na 'yan ah pero ang yabang-yabang pa rin!"

"Sabrina, stop this. Umuwi na tayo. Mag-usap tayo."

"Umuwi?" Tinaasan ng kilay ni Sabrina si Thunder. "Saan? Sa penthouse mong amoy cheap na pabango? Thunder, the moment I signed those annulment papers, we stopped being US. Wala kang karapatang utos-utusan ako."

"Wag kang magmatigas, Sabrina!" nagtitimping asik ni Thunder. "You have nothing! Wala kang trabaho at wala kang pamilya rito! Kung bumalik ka sa akin ngayon, papatawarin ko ang ginawa mong panggugulo sa kumpanya. I can still give you a comfortable life!"

Natahimik ang paligid. Bago pa man makasagot si Sabrina, isang mabigat na kamay ang dumapo sa balikat ni Thunder, sinundan ng isang malamig at nagbabantang boses.

"Sino ang binibigyan mo ng komportableng buhay, Alcantara?"

Napalingon si Thunder, nakatayo sa likuran niya si Leandro habang nandidilim ang mukha. 

Sa kabilang gilid ay lumapit din si Marco. Ang dalawang haligi ng De Leon Empire ay nakatayo sa magkabilang tabi ni Sabrina, tulad ng mga haring nagbabantay sa kanilang reyna.

Napakunot ang noo ni Thunder at unti-unting kinabahan. "Mr. De Leon… Sir. I-I was just talking to my ex-wife."

"Ex-wife?" Isang mapanganib na ngiti ang sumilay kay Leandro. Tumingin ito kay Sabrina at maingat na inalalayan ang bewang nito. "I think you're mistaken. Hindi mo asawa ang kausap mo. Binabastos ng basurang kasama mo ang nag-iisang APO ni Don Fernando De Leon."

Nanlaki ang mga mata ni Thunder. "A-Apo? De Leon?"

Naglakad papalapit si Don Fernando,"Meet the CEO of the De Leon Investment Group, Mr. Alcantara. Ang apo kong nag-iisang tagapagmana, si Sabrina Isabel De Leon."

Napaatras si Thunder, bigla ata siyang naliho. Pakiramdam niya ay guguho ang sahig na kinatatayuan niya. Ang asawang inapi niya at binalewala niya ay ang mismong taong luluhuran niya para maisalba ang kumpanya niya?

Nanginginig naman si Alexa sa takot. Namumutla itong napakapit sa braso ni Thunder, "I-Impossible, hindi ba’t isa lang siyang ulila?"

"Nandito ka ba para humingi ng pondo, Mr. Alcantara?" malamig na tanong ni Sabrina.

"S-Sabrina, I didn't know…" puno ng pagsising bulong ni Thunder.

"Don't worry," ngumiti si Sabrina, ngunit hindi umabot sa mga mata niya. "Hindi ako madamot. Bibilhin ko ang Alcantara Group pero sa isang kondisyon." 

Lumapit siya nang bahagya at bumulong sa paraang silang dalawa lang ang makakarinig, "Luluhod ka muna sa harapan ko at titingnan mo kung paano ko unti-unting susunugin ang buong buhay mo. See you in court, Thunder."