Chapter 106- SNAP

HERMES LAURENTE?

Natigilan si Leopold sa narinig at muling nanumbalik sa kaniyang alaala ang mga naganap noon sa Maldives.

Year 2015. MALDIVES.

“Target on site.”

“Capture the man alive, Cpt. Rodriguez. Understood?” utos kay Leopold ng commanding officer niya na siyang nag padala sa kaniyang grupo sa lugar na ito.

“Roger!” tugon ng binata.

Sinenyasan niya si Bart, malapit niyang kaibigan at tumatayong second in command sa kanilang Elite group.

Tumango naman ito at inatasan ang ilan pa sa mga kasama nila na sumunod dito. Umikot sila Bart upang surpresahin ang mga kaaway mula sa likuran habang sina Leopold naman ang sasalakay sa harapan.

Ang misyon nila para sa gabing iyon ay ang dakpin si Hermes Laurente. Isang kriminal na nagtatago sa huwad na pagkakakilanlan. Isa kasi itong underground syndicate leader.

At naririto ito ngayon sa hideout nito sa Maldives upang magtago dahil maging ang Interpol at FBI ay hinahanap na rin siya para sa mga kasong pag labag sa mga karapatang pantao ng mga