Chapter 31

CHAPTER 31

NASA salas lang si Frances buong maghapon. Hinintay niya si Jony na dumating sa kaniyang bahay. Pero ilang oras na ang lumipas at malapit na rin ang pagsapit ng gabi ay hindi pa rin ito dumating.

Kahit papaano ay nakaramdam naman siya ng kaba baka ay hindi nito natanggap ang kaniyang text. Gayunpaman, ayos lang din sa kaniya na ipagbukas na lang ang pag-uusap nila dahil malapit na rin namang gabi. Baka ay bisi ito sa kung ano man ang trabaho nito.

Wala siyang magagawa kung ganoon nga. Liban na lang kung umiwas na ito sa kaniya dahil noon pa man ay may nagawa na siya nitong bagay na maaaring ikakaiwas nito sa kaniya.

Napatigil si Frances nang marealize niya iyon. Bakit parang gusto pa niyang nandito ito? Kunsabagay, kailangan niya si Jony dahil marami pa naman siyang itanong dito. Marami pa rin ang bumabagabag sa kaniyang isipan. Ang nais niyang mangyari ay maliwanagan sa lahat kahit wala pa siyang maalala sa nakaraan niya.

Dahil hindi siya nawalan ng pag-asang dadating din