Chapter 43

Chapter 43

TATLONG araw na ang lumipas ay patuloy pa rin ang pagbabantay ni Jony sa wala pang malay na katawan ni Frances. Hindi siya kampante sa paglipas ng mga oras.

Sabi ng doktor sa kaniya na binigyan muna ng sleeping pill si Frances para tuluyang makapagpahinga ito kahit papaano. Dahil sa desisyon ng doktor, hindi na siya umalma dahil alam niyang ikakabuti iyon ni Frances.

Panay din ang kaniyang bantay sa cell phone sakaling may update na galing sa kaniyang attorney. Dalawang araw na rin kasing hindi nag-update sa kaniya ang mga ito. Baka ay napano na at hindi niya alam ang pangyayari.

Umupo siya sa sofa. Gusto niyang lumabas pero ayaw naman niyang gawin iyon dahil baka may mangyayari na namang masama kay Frances kapag wala siya. Kaya minamabuti na lamang niyang huwag nang lumabas.

Habang bisi si Jony sa kaniyang cell phone, hindi niya napansin ang paggising ni Frances.

NAGISING si Frances na para bang may malaking nawala sa kaniya. Humagod ang kaniyang tingin sa buong pali