CHAPTER 51 - HE'S NOT DEAD

"Pumunta ka ng ospital, alamin mo ang sitwasyon ngayon ni Rihanna. Daanan mo na rin ang forensic Department, alamin mo kung sino ang dalawang bangkay na nasunog sa mansyon natin." Tumayo siya at kinuha ang bag niya. Sumunod na rin sa kanya si Joaquin na tahimik lang nagmamasid sa kanila kanina."

Nagtataka ang mga mata ni Thomas habang nakatingin sa ate niya.

"T..teka ate, saan ka na naman pupunta?"

"Saan pa? Ipagpatuloy muna namin ni Joaquin ang naudlot naming kaligayahan kanina dahil istorbo ka." pabalang na sagot nito sa kanya.

"Huh? Ate naman! Nasa alanganin na ang sitwasyon natin ngayon, kaligayahan pa rin ang naiisip mo? Teka, nasaan na ba ngayon ang anak ni Dustin at Rihanna?" hindi mailarawan ang mukha niya habang tinatanong ang ate niya.

Humagalpak ng tawa si Shane ng maalala ang anak ng dalawa. Pakiramdam niya kahit papaano nabawasan ang bigat na nararamdaman niya. Nakangiti niyang binalingan si Thomas. "Tinangay ni King Frexner pabalik sa kanyang kaharian ang batang 'yon