17. Pagkamuhi

[Kiara]

HALOS hindi niya na makita ang tinatahak na daan dahil sa luha niya sa mata. Nabuhay ang sakit at galit na halos apat na taon niyang binaon sa puso niya nang maalala ang ginawa sa kanya noon ng sarili niyang pamilya.

………

"KIARA, ikaw tawag telepono! Anna daw!" Malakas na tawag ng amo niyang chinese.

Narito siya nagtatrabaho bilang isang sale lady sa isang maliit na botique. May kalakasan ang benta, ngunit mababa ang pasahod, sapat lang para pambayad sa maliit nilang inuupahang bahay, pambayad ng kuryente, pambayad ng tubig, pagkain, gatas at diaper ng kanyang anak na si Kian na mahigit isang taon na ang edad.

Agad na tumayo siya para magpunta sa telepono. Nakaramdam siya ng kaba dahil oras ng trabaho niya at biglang tumawag si Anna.

"Hello—"

"Kiara, nandito kami sa hospital! Si Kian kasi bigla nalang dumugo ang ilong at sobrang taas ng lagnat!" Agad na bungad ni Anna.

Dahil sa narinig ay nagmamadali siyang tumakbo.

"Kiara, ikaw di pa tapos tarbaho! Kung ikaw alis ngayon at di b