Kabanata 5

Ayaw na sanang makipagtalo ni Margaret sa kalsada dahil sa bagay na wala namang kabuluhan.

Matapos makuhanan ng litrato ang nakita niyang eksena, hinila niya si Shaina papunta sa kotse sa kabilang kalsada upang umalis na agad. Ngunit bago pa sila makalayo, may humarang na agad sa kanila.

Si Rio, personal na assistant ni Xander, halos ituring nang anino ng asawa. Mula pa noong high school, trabaho na niyang sumunod kay Xander. Tapat siya, walang inuurungan, at tanging si Xander lamang ang sinusunod.

Hindi siya nakikihalubilo sa iba. Para siyang robot, walang emosyon, walang pakialam, at walang habag.

Bahagyang hinigpitan ni Margaret ang hawak sa kanyang cellphone.

Walang emosyon ang mukha ni Rio habang iniaabot ang kamay kay Margaret.

Hindi nagsalita si Margaret. Hindi rin siya nagpakita ng intensiyong sumunod. Sa halip, lumingon siya patungo sa direksyon ni Xander .

Doon niya nasilayang masaya itong nakikipag-usap kay Cassandra, ang babaeng kabit nito. Hawak ang kamay ng isa’t isa, masinsin ang kanilang usapan, at dama ang lambing na kailanma’y hindi niya naranasan mula sa asawa.

Hindi na kinaya ni Margaret ang tanawin. Ibinaling niya ang tingin pabalik kay Rio, malamig na ang kanyang mga mata.

"Paano kung hindi ko ibigay?"

"You know I never take that as an answer, Madam. Give it." sagot ni Rio, walang bahid ng pakikiusap.

"Ano?! Gusto mo pang magnakaw sa kalsada?! May batas pa ba kayo sa katawan?!" sigaw ni Shaina na agad pumagitna kay Margaret.

Tahimik na pinagmasdan ni Rio ang mukha ni Shaina bago dahan-dahang magsalita.

"Shaina Ramos. You've been a lawyer for six years, five months, and eighteen days. You specialize in civil and commercial appeals, intellectual property disputes, and corporate legal services. Right now, you're working for a law firm that's one of the top in the country."

He paused for a beat before continuing.

"The Ramirez Group is a client and a partner of your firm. I’m sure your firm won’t run out of good lawyers to replace you... if it comes to that."

Namutla si Shaina.

Malinaw ang ibig sabihin, Kung manghihimasok siya, puwede siyang tanggalin sa trabaho. May kapangyarihan ang pamilyang Ramirez para sirain ang kanyang career.

Pero best friend niya si Margaret…

Pinilit ni Margaret ang isang ngiti, pilit pinapawi ang sakit at galit. Hinawakan niya ang kamay ng kaibigan.

“Hintayin mo na lang ako sa kotse”

Hindi niya kayang makitang masira ang career ng kaibigan niya dahil lang sa kanya. Magsisisi sya habang buhay.

Ngunit bago pa makaalis si Shaina, muling humarang si Rio. “Sorry, but I also need to check Ms.Ramos's phone.”

Biglang nagdilim ang mata ni Margaret. “Ano'ng kinalaman niya rito?!”

Sa inis, tumakbo siya palapit kina Xander at Cassandra. Ngunit mabilis siyang hinarang ni Rio, inilagay ang braso sa harap ng kanyang balikat.

Napangiti ng mapait si Margaret, sinubukang tumakas, ngunit nabigo. Pilit siyang bumuwelo, ngunit nadulas siya at naramdaman ang kirot sa kanyang likod.

Agad siyang tinulungan ni Shaina. Kunot na kunot ang noo ng kaibigan, hindi niya gusto ang nangyayari at kahit anong oras ay sasabog siya.

Hindi na napigilan ni Shaina ang sarili. Hindi na mahalaga kung mawalan siya ng trabaho. Bumwelo siya gamit ang handbag upang ipukpok ito, ngunit hinawakan siya ni Margaret. Masakit na ang katawan ni Margaret sa kasasalo ng pukpok mula sa kaibigan.

“Margaret! Huwag mo akong pigilan! Kung gumagamit sila ng kapangyarihan para mang-api, hindi na ako papayag! Nagche-cheat sa public, tapos galit kapag pinicturan? Mga hayop sila!”

Pawis na pawis ang noo, nanginginig, ngunit pilit na pinigilan niya ang kaibigan.

“Kalma lang... tingnan mo.”

Napalingon si Shaina.

Hindi niya napansin kanina, ngunit may apat o limang itim na sasakyang nakaparada sa dulo ng kalsada. Nakababa ang mga bintana, at sa loob ay mga bodyguard na naka-itim na suit.

Alam nila kung para kanino ang mga iyon.

Muling iniabot ni Rio ang kamay. “You ladies were smart enough to know what will happened if you continue that barbaric act”

Tulala si Shaina. Hindi makapaniwala.

Hindi niya alam na ganito na kasama ang lagay ng kasal ng kaibigan. Sa halip na protektahan, ang asawa pa ang nanggigipit.

Mula sa malayo, tiningnan ni Margaret si Xander

Wala itong pakialam. Tuluy-tuloy ang usapan nila ni Cassandra. Masaya, malambing, tila ba sila ang tunay na mag-asawa. Si Margaret ang legal na asawa, ngunit halos durugin siya sa harap ng lahat ng tao.

Napakasakit.

Isinara ni Margaret ang kanyang mga mata.

Pagdilat niya, malamig na ang kanyang titig. Bahagya siyang ngumiti, ngunit walang damdamin ang kanyang mga mata.

"Tingnan mo," mariing wika niya, "puwede mong burahin ang picture sa cellphone ko. Pero si Shaina, hindi siya kasali rito."

"We'll see," mariing sagot ni Rio.

"Hinding-hindi puwede." Tumindig si Margaret..

"Kung kaya mo akong patayin sa kalsadang ito sa harap ni Xander at ng publiko, sige, gawin mo. Pero kung hindi, huwag mong gagalawin ang cellphone ng kaibigan ko."

Bagama’t pasado alas-diyes na ng gabi, maraming tao sa lugar na iyon. Bar, kainan, at maraming nakamasid. May mga nagsimula nang kumuha ng litrato.

Ngunit mabilis silang pinigilan at dinala ng mga bodyguard sa itim na suit.

Maaaring mapigilan ang balita, ngunit kapag may nangyaring masama, hindi ito matatakpan.

Tumahimik si Rio.

Alam niya ang limitasyon, si Margaret pa rin ang legal na asawa ni Xander.

Tinuro ni Margaret ang security camera sa labas ng bar. “Tingnan niyo ang CCTV kung gusto niyong malaman kung sino ang kumuha ng litrato.”

Tahimik na tumitig si Rio kay Margaret. Maya-maya, tumango siya at sinigurong nabura na ang larawan sa cellphone ni Margaret.

Matapos iyon, bumalik siya kay Xander.

Ngunit hindi man lang siya tiningnan ng asawa. Sa halip, inaya nito si Cassandra patungo sa isang private restaurant sa di kalayuan.

Habang naglalakad, tumingin si Cassandra kay Margaret. Isang mapanuksong ngiti ang ibinigay nito, habang pinupunasan ang lipstick sa kanyang labi.

"Mga hayop!" bulalas ni Shaina, halos maiyak sa galit.

Tahimik lamang si Margaret..

Hindi siya nagpadaig. Sa halip, binuksan niya ang cellphone. Isang itim na screen na puno ng code ang lumitaw. Mabilis siyang nag-type ng ilang command.

Sa screen, lumitaw ang isang invisible lock icon.