CHAPTER 62

“LET ME GO!” Nagpupumiglas ako sa lalaking may hawak sa braso ko habang hinihila ako nitong makalabas sa likod ng building.

“Bilisan mo! Baka maabutan pa tayo rito ng mga parak!” pagalit na saad ni Wigo saka ito lumapit sa akin at hinawakan din ang kabilang braso ko.

Kahit nasasaktan na ako at wala akong lakas na maglakad dahil sobrang nanghihina ang mga paa ko, wala akong magawa kun’di ang humakbang.

“Wigo, please! Sumuko na lang kayo. Nandito na ang mga pulis.”

“Gago ka ba? Bakit naman kami susuko?” Tanong naman ni Lailani habang nagmamadali rin itong naglalakad at nakaagapay sa amin. May hawak din itong baril. “Papatayin ka muna namin bago kami mahuli ng mga pulis, Jass Anne.”

“Napakasama mo talaga, Lailani.”

“Sige na! Pasok! Bilisan mo.”

Wala akong nagawa kun’di ang pumasok sa backseat ng kotse nang makalapit kami roon. Kaagad ding sumakay at umupo sa tabi ko si Lailani habang si Wigo naman ay nagmamadaling umikot sa driver’s seat.

“Salubungin ninyo ang mga pulis!”

“Opo, Boss!”