Chapter three

Chapter three

JAMIE

Tinulungan ako ng kasama ko sa karindirya na mamili ng isusuot ko sa pupuntahan kong kasal, nakakatuwa lang kase medyo gumaan ang pakiramdam ko hbang ginagawa ko yun, kailangan din pala talagang lumabas para magunwind.

Nakakagaan sa pakiramdam, araw araw na lang kse ang trabaho at maghanap ng pagkakakitaan kaya naman yung mood ko paiba iba din kung minsan, kailangan pala gumala din at maglibang, kaso nga lang iniisip ko yung gastos kapag lalabas ako, pero kagaya kanina magaan naman ang pakiramdam ko kapag lumalabas ako, gagawin ko na iyon isang beses sa isang linggo.

May binili na rin akong regalo para sa kaibigan kong ikakasal sana magustuhan niya, dalawang araw bago ang kasal niya at pinaalam ko na din sa mga kasama ko sa karindirya na magsasara muna kami, parang day off na rin nila iyon.

Nag aayos na ako ng gamit ko dahil tutuloy ako sa hotel ng dalawang gabi at isang araw, hindi naman kase ako makakauwi agada gad pagkatapos ng kasal, ang sab isa akin ni Martha mayroon daw siyang ibibigay na kwarto ng hotel para sa akin, mayaman ang mapapangasawa niya kaya sa hotel ang venue.

Habang nag aayos ako ng gamit ko biglang may nahulog sa sahig. Yung kwintas na niregalo sa akin ng dati kong asawa, ito yung mamahaling iniregalo niya sa akin, itinatago tago ko pa kase sayang din. Bakit kaya nahulog ito? ang layo naman ng lagayan niya dito sa kinukuha kong gamit.

Isuot ko kaya sa kasal?

Wala naman siguro si Lance doon?

Hindi naman siguro niya inimbita ang dati kong asawa sa kasal niya?

At kahit iimbita man niya ito ay masyado siyang abala, mayaman at negosyante na si Lance malamang abala na iyon sa mga negosyo niya.

Bagay kase ito sa isusuot kong damit sa kasal, wala man lang akong kahit anong palamuti sa katawan na maisusuot, mabuti na lang pala nakita ko ito.

Malaking halaga ito kapag sinanla pero hindi ko ginawa, ewan ko ba sa sarili ko, wala naman na akong pakealam sa dati kong asawa kaya pwede ko itong ibenta anytime, kaso nanghihinayang kase ako, yung pakiramdam ko ang nagpipigil sa akin.

Kaya isusuot ko na lang ito sa araw ng kasal ng kaibigan ko.

Nagbukas pa ako ng karindirya ng ilang araw, sayang ang kita at sayang din daw ang sasahurin ng mga kasama ko kaya pinagbigyan ko na, kinagabihan ay umalis na rin ako papunta sa hotel na sinasabi ni Martha.

May dala akong cellphone, ito yung luma kong phone pero gumagana pa naman, kaya pang pantext at pantawag, hindi ako mahilig sa social media dahil hindi naman kaya ng phone ko yun, wala din naman akong kokontakin kaya hindi na ako bumili ng bago.

Nakarating ako sa pupuntahan ko ng ligtas, sinalubong ako ng kaibigan ko sa may lobby ng hotel. “ Akala ko hindi ka pupunta.”

“ Pwede ba yun? syempre pupunta ako.”

“ Halika dadalhin kita sa kwarto mo.”

Ngayon lang ulit ako nakarating sa lugar na ito, dati man akong nagtatrabaho sa Maynila ay naninibago parin ako ngayon parami na kase ng parami ang mga tao lalo ang mga buildings dito.

Hinatid niya ako sa kwarto ko, room 406 ang kwarto ko at napakalawak ng lugar na ito. “ Ako lang ang tutuloy dito?”

“ Marami pa kayo, pero tig iisa kayo ng kwarto, hindi naman pwedeng may kasama ka dito baka mamaya bigla kang magkababy ng walang ama hahaha.”

“ Baliw ka talaga, kahit isang babae lang sana na kasama ko dito ang lawak ng kwarto oh.”

“ Ayos lang yan mag enjoy ka dito, nasa kabilang kwarto lang din ako tapos ang family ko nandito din at ibang kamag anak, para naman may privacy kayo.”

“ Salamat ah.”

“ Bakit ikaw ang nagpapasalamat? Ako dapat ang magpasalamat kase aattend ka.”

“ Heto pala regalo ko, ibibigay ko na sayo, nakakahiya kase ibigay sa araw ng kasal mo.”

“ Nako nagabala ka pa.” nabot niya din lang yung munti kong regalo. “ Oh siya magpahinga ka na, may libreng dinner naman dito, ihahatid mamaya, kung may kailangan ka nasa kabilang kwarto lang ako room 405.”

Hindi naman ako nagutom, bumili ako ng tinapay at juice kanina sa may labas bago ako pumunta dito, nilibot ko na lang ang buong lugar at huminto malapit sa may bintanang malaki, kitang kita dito ang ganda sa labas, ang nagliliwanag na matataas na gusali at ang mga maliliwanag na sasakyan, buhay na buhay ang Maynila kahit gabi, sa probinsya lang talaga maaga natutulog ang mga tao.

Sakto naman ang pagdating ng dinner ko, mag isa ko lang sito para akong pasyente, dapat pala dinala ko yung kasama ko sa karindirya pwede naman sabi ni Martha kanina, ang boring tuloy.

Pwede naman kong makihalubilo sa pamilya nila Martha kaso nahihiya ao at pagod na rin ako, bukas na ang kasal kaya kailangan ko magpahinga, nagbyahe ako ng matagal dahil sa traffic, galing pa akong Pampanga tapos naabutan ako ng traffic, probinsya na ang pinanggalingan ko pero matraffic parin.

Maaga na lang akong nagpahinga kaya maaga din akong nagising, lumabas ako ng room ko at napakatahimik, mga staff ng hotel lang ang nasasalubong ko.

Mamaya pang hapon ang kasal doon pa talaga sa rooftop ng hotel gaganapin yung wedding, hindi naman gaanong mataas doon pero maganda kase ang view kaya doon nila gaganapin.

Gising na rin ang bride, syempre excited sa araw niya, habang ako? Lumabas muna ng hotel at naglakad lakad, mabuti na lang may nakita akong nagtitinda ng taho malapit sa hotel kaya bumili ako, mamaya pa kase yung almusal na ihahatid, maaga akong nagising kaya nagutom ako agad.

Nagpalipas lang ako ng oras at bumalik na sa hotel, naipon tuloy yung breakfast at lunch ko, ang dami kong kakainin.

Sayang din kung hindi ko uubusin, lumabas pa kase ako ng hotel at naglakad lakad, ang daming bilihan sa paligid kaya natagalan akong bumalik, binilhan ko ng pasalubong ang mga kasama ko sa karindirya.

Naghanda na ako dahil dalawang oras na lang at gaganapin na ang kasal, ako ang mag aayos ng sarili ko kahit hindi ako gaanong marunong magmake up.

Natagalan ako mag ayos ng buhok ko, kumpleto naman ako ng gamit kase alam kong walang mag aayos sa akin, sinuot ko na rin yung dress na binili ko.

Pansin ko tuloy sa katawan ko na mas sumexy ako, natawa na lang ako habang nakatitig sa may salamin. Sa kakatrabaho ko ito, yung everyday routine ko hindi ko na namamalayan ang sarili ko, hindi ko na naaalagaan, pinapagod ko ang sarili ko para kumite ng pera.

Mabuti na lang hindi pa ako mukhang matanda, alam kong baby face pa ako. Hindi kase ako palaging nagmamake up, ngayon lang na may okasyon.

Lumabas na ako sa kwarto ko at pumunta sa venue, ang dami ng tao. Dito na rin nila dadalhin yung pastor na magkakasal sa kanila, ito na rin yung reception.

Wala man lang akong kakilala ngayon dito, ngumingiti lahat ng makasalubong ko kaya ngumingiti na lang din ako sa kanila.

Wala akong makausap kahit na sino, lahat sila dito magkakakilala.

Naghanap ako ng pwedeng maupuan, lahat occupied na pero may mga bakante naman, naghanap ako banda sa gilid para hindi naman ako masyadong expose.

“ Pwede makitable.”

“ Sige po.”

Mabuti may nakita akong babae kasama ang baby niya at ang nanay ata niya, baka kaibigan ni Martha ito kaya nasa gilid din hindi nakikihalubilo.

Nakipagkwentuhan ako sa kanila at tama nga ang hinala ko, kaibigan nga siya ni Martha.

Ilang minuto lang ay nagumpisa ng tumunog ang musika at sabay nun ay ang paglabas ng mga ikakasal. Nakangiti ako habang nakatingin sa kanila na pumapasok, bigla kaseng sumagi sa akin ang kasal ko.

Ganiyan din ako kasaya noon.

Ganiyan din ako kaexcited.

Pero anong nangyari sa amin ngayon ng napakasalan ko. “ Lance?” habang nakatitig ako ay bigla kong nakita ang dati kong asawa sa pangatlong table. Sinusundan ko kase ng tingin si Martha habang naglalakad kaya ng masagi ng mata ko yung pangatlong table ay nandoon din si Lance.

Kinusot ko pa ang aking mga mata kahit na may make up ako upang malinawan lang kung si Lance ba ang nakita ko, at hindi nga ako nagkakamali.

“ Nandito din siya.” Sambit ko.

“ Po? Ano po yun?” tanong ng katabi ko.

“ Ha? Ah eh wala wala.”

Bakit ganito ang pakiramdam ko, bigla akong kinilabutan at kinabahan. Ang bilis ng tibok ng puso ko ng makita ko siya, hindi naman pagmamahal ito, siguro nagulat lang ako, kalma self, wala ka namang ginagawang masama.

Napabuntong hininga ako, hindi ako nakapagconcentrate sa kasal dahil hindi ko maiwasan na mapatingin sa dati kong asawa na si Lance.

Mabilis lang naman ang palitan nila ng sumpa, este sumpaan, ganito na ang naiisip ko ng makita ko ang dati kong asawa, sumpa tuloy.

Ang dami lang pinagsasabi, hindi talaga ako mapakali ngayon, may nakita akong bar counter sa may gilid kaya doon muna ako pumunta lalo at wala namang gaanong pumupunta banda doon.

Bakit ba ako umiiwas? Wala naman akong kasalanan sa dati kong asawa ah.

Bakit ganito ang pakiramdam ko? Para akong kriminal?

“ Maam want some drinks?” aya sa akin ng bartender, may paganito pa sila sa loob ng venue, siguro para din mamaya after ng wedding, may mga malalasing. 

Uuwi na lang ako agad mamaya pagkatapos nito, magpapaalam na lang ako kay Martha, ayaw ko magstay dito ng matagal, hindi ako komportable.

Binigyan ako ng drinks nung bartender. Ininom ko ito agad. “ Nakakalasing ba to?”

“ Konti lang maam, gusto niyo po ba yung nakakalasing?”

“ Huwag masyado.” Sagot ko.

Nakakain naman na ako kanina, ang sarap ng alak nila, hindi ko alam kung anong timpla ito pero parang juice lang, hindi pa naman ako lasing.

Abala na ang lahat, ang ibang bartender nagdadala na ng alak sa mga table, ako tog nandito sa bar counter sa gilid mag isa.

“ Can you give me some whiskey?” may lalaki sa gilid ko habang umiinom ako ng alam.

“ Okay sir.”

“ Maam sir pwede po ba namin makuha ang mga pangalan niyo para sa souvenir na ibibigay?” may lumapit sa harapan ko na bartender din, anong souvenir kaya yun.

“ Sure, I’m Lance.”

“ Jamie.”

Sabay kaming bumangit ng pangalan ng lalake sa gilid ko at pagkatapos nun at para na akong estatwa na nakatitig lang sa bartender.

Tama ba ang rinig ko?

Dahan dahan akong lumingon sa tabi ko at nakatingin din pala siya sa akin, hindi nga ako nagkakamali, ang dati kong asawa ang nandito sa gilid ko.

“ Okay sir, maam pakihintay na lang po yung souvenir.” Sabi ng bartender na hindi na namin pinansin.

Hindi ko alam ang sasabihin ko, magsasalita ba ako o hindi? Pero nasa tabi ko na ang dati kong asawa, kailangan ko bang kamustahin siya?

“ Long time no see.” Siya na ang nagumpisang magsalita.

“ Oo nga.” Napalihis ako ng tingin at napapikit, bakit baa ko nasa ganitong sitwasyon ngayon, akala ko hindi ito invited.

Kanina lang nakatayo siya pero ng makita niya ako ay umupo siya sa tabi ko, dito na din siya uminom ng alak.

Ang tahimik naming dalawa, pero ang ingay ng music dito sa loob ng venue. Pareho kaming umiinom, ako kuha lang ng kuha at utos lang ng utos sa bartender.

“ Baka masobrahan mo.” bigla nanaman siyang nagsalita.

“ Konti lang naman to.” Pero nakakailang baso na ako, hindi ko alam ang sasabihin, hindi ako makatayo sa kinauupuan ko, baka kung anong isipin ng lalakeng ito kapag umalis agada ko, ayaw ko naman ng ganun.

Wala naman akong ginagawang masama kaya dapat ay hindi ako mahiya sa kaniya.

“ Kamusta ka na?”

“ Okay na okay naman ako.” Yung ngiti ko paran ngiting aso.

“ Halata nga.” Napakanatural lang niya ngayon pero ako tong naiilang.

Ikaw ba naman makita mo ang dati mong asawa after ilang taon, tapos dito pa sa kasalan? Kahit sabihin kong wala na akong nararamdaman sa kaniya ay naiirita parin ako.

Uminom na lang ako ng uminom sabi naman ng bartender konti lang ang tama nitong iniinom ko, pero bakit parang tinatamaan na ako?