Chapter 76

Sandra's POV

NABABALOT ng kakaibang amoy ang paligid. Napakunot ang aking noo dahil sa amoy ng gamot na nananatili sa aking ilong.

"Anak, gising ka na ba?" narinig kong sabi ni nanay.

Maya-maya lang, unti-unti kong ginalaw ang aking katawan at marahang binuksan ang talukap ng aking mga mata.

"N-Nay?" nauutal kong wika saka hirap magsalita.

Marahan kong nilubot ang aking paningin. Noong una ay malabo hanggang sa unti-unti itong lumilinaw.

"Bakit ako nasa ospital?" muli kong tanong."

"Hinimatay ka kanina, Anak. Bakit ba ano bang nangyari?" nag-aalalang tanong ni nanay.

Maya-maya lang, sabay kaming napalingon sa pinto nang bumukas ito. Niluwa ng pintong iyon ang doktor sa ospital na ito. Lumapit siya sa amin habang hawak ang ilang papel sa kanyang clipboard paper.

"Good day, Ms. Sandy. I'm your assigned doctor. You feeling better?" tanong sa akin ng doktor.

Nang tuluyan siyang makalapit sa aming kinaroroonan. Hinawakan niya ang balikat ni nanay na nooy nababakas ang pag-aalala sa mukha.