Chapter 26

Habang nililibot namin ni Lola Soledad ang kabahayan ay marami akong nalaman. Hindi lang tungkol sa dalaga pati na rin sa mga tao sa ampunan. Natutuwa rin akong makita ang mga bata dahil lahat sila ay mababait, masigla at magalang. Bukod sa mabait ang mga tao ay talaga naman maganda ang lugar. Nakita kong umalis na ang mga bisita pati na rin ang mga kaibigan ni Queensley. Nakatayo siya sa labas at tanaw na tanaw ko siya mula sa bintana.

"Excuse lang po," paalam ko sa kanya.

"Sige lang Hijo. Sisilipin ko lang ang mga bata bago ako pumasok sa kwarto para magpahinga," sagot niya.

"Maraming salamat po," sabi ko at nakangiti na tumango lang siya.

Kanina ko pa siya gusto lapitan pero hindi ako makuha ng tyempo lalo ng makita kong nakaakbay ito kay Dominic. Na curious tuloy ako kung totoo ba ang balita tungkol sa kanila. Napansin ko rin na umiiwas siya kapag nakasalubong niya ako. Hindi rin ito sumabay sa amin ng tanghalian at alam ko na kung bakit.

"Hi!" bati ko pagpasok niya sa loob ng b