Kabanata 17

PINALAYAS niya ako sa loob ng kaniyang opisina dahil ayaw niya raw akong maging kaibigan.

Putragis!

Kaysa naman ipagpilitan ang sarili ko sa kaniya ay bumalik na lang ako sa aking mesa. Naiinis man ay kinumusta ko pa rin ang very reliable source ko para manghingi ng impormasyon.

Sigurado akong isasama na ako ni Yevhen kapag nalaman ko kung nasaan si Lucas Rivera.

“Miss Masien.” Napalingon ako at napatayo nang makita ko si Kimberly. Naitago ko rin ang aking cellphone sa bulsa ng blazer ko bago ko napansin ang kasama niyang tatlong lalaki na may dala-dalang tig-iisang kahon.

“Ano’ng masamang elemento ang nagdala sa’yo rito? May sasabihin ka ba?” Hinarap ko siya at humalukipkip. Ngumisi lang naman siya saka niya sinenyasan ang mga lalaki na ilagay sa mesa ko ang mga kahon.

Sinamaan ko naman sila ng tingin kaya hindi natuloy ang kanilang binabalak.

“Kinakausap na kasi ni Chairman si Sir Xavier. Narinig kong boss ko ang ipapalit niya kay Sir Yevhen,” aniya na hindi ko na ikinagulat.

“T