LAB— 4

Nagpa-wax na lang ako at body scrub, para hindi masayang ang paglabas ko. Pagkatapos ay naisipan kong tumingin ng mga magandang night gown sa mall.

May mga nanghuhusgang tingin ang ilan sa mga sales staff, pero pinili ko na lang na huwag pansinin.

Kailangan ko ng night gown. Sanay na ako sa tshirt at short kapag natutulog pero ngayon dapat masanay na ako sa mga proper night dress dahil magkakaroon na ako ng asawa.

Dalawa lang ang nabili ko dahil nahirapan akong pumili. Siguro o-order na lang ako online. Mas madaming choices doon para sa isang plus size na kagaya ko. Before the wedding ay made-deliver na din siguro iyon.

Nalukot ang mukha ko nang muli ko na namang naramdaman pagkirot ng aking pang-ibaba dahil sa wax, kaya pinili kong umuwi na.

Wala pa din si Cora pagdating ko. Nakakapanibago na hindi siya umuwi kagabi. May boyfriend na kaya siya? O baka may lalake na siyang natitipuhan. Hindi naman niya gawain iyong hindi uuwi. Alam niyang mag-aalala ang kaniyang Nanay sa kaniya.

Nag-cold compress ako upang mabawasan ang discomfort na nararamdaman ko. Nag-text din ulit ako kay Jacob but still he didn't replied.

Sana magkita-kita din kami bago ang kasal namin, upang makapag-usap at makapagkilanlan. Gusto kong malaman ang ilan sa mga gusto niya, paborito niya lalo na sa pagkain at sa kulay ng mga damit. I stopped stalking him since I graduated. Naging busy na ako at bukod doon, natanggap ko ng hindi niya ako kailangan magugustuhan. That time he's in a serious relationship. Hindi basta-basta ang babae. Kaso nabalitaan ko na lang na nagkahiwalay na sila. His ex went abroad and soon after napabalita na kinasal na ito sa isang sikat na businessman.

Hindi mo talaga masasabi ang takbo ng buhay. Hindi man ako kagandahan, pero pinapangako ko na magiging mabuti akong asawa. Aalagaan ko siya ng mabuti at pagsisilbihan.

After two days umuwi din si Cora.

"Sorry na." Niyayakap-yakap ako nito dahil nagtatampo ako sa kaniya. Hindi siya nag-reply sa mga text ko, kaya nagtatampo ako.

"Saan ka ba galing? May boyfriend ka na ba?"

"Wala akong boyfriend." Ngumisi ito ngunit napaiwas ng tingin nang mariin ko siyang tingnan. Dahil mababa ang kaniyang suot na blouse nasisilip ko ang pulang marka sa kaniyang dibdib.

Ako na lang ang napaiwas ng tingin dahil sa biglang naisip ko. Wala naman siguro siyang boyfriend. Kasi sasabihin niya iyon sa akin kung mayroon man. Normal lang naman sa kaniya ang mamula ang balat dahil maputi siya.

"Magpapahinga na muna ako, ha. Napagod ako sa biyahe." Hinayaan ko na lang din siya. Lumabas din muna ako dahil magkikita kami ngayon ng Mommy ni Jacob.

May text na si Jacob sabi niya ay bukas pa daw siya makakabalik. Magkita daw kami bukas ng gabi.

"Okay, hubby." Gusto ko pa sanang dagdagan ng I miss you ang sasabihin ko pero hindi na lang. Nahiya ako bigla. Fiance ko siya pero naiilang ako dahil hindi naman kami dumaan sa pagiging boyfriend-girlfriend.

Pumili kami ng design ng cake ng aking magiging byenan. This time ay iyong design na gusto ko ang nasunod. Hinayaan ako ni Mommy.

"Mag-tea muna tayo, hija," aya niya nang matapos na kami. May lakad pa sana ako pero c-in-ancel ko na lang dahil may mga gusto akong malaman sa mommy ng magiging asawa ko.

"Huwag kang maiilang sa akin, okay? Ituring mo na akong isang ina." Wala akong ina na kinalakihan. Lahat ng maids namin ay tinuring ko ng ina, sila ang tumayong parang Nanay ko, kaya masaya ako na mabait sa akin at anak na din ang turing sa akin ng Mommy ni Jacob.

______

"Papunta na ako sa restaurant." Nag-send ako ng message kay Jacob around four thirty pm.

"Nandito na ako." Message ko mga quarter to six. Wala pa ding reply si Jacob.

Lumapit ako sa receptionist. Sa loob na ako maghihintay. May reservation naman si Jacob.

"Ma'am, o-order na po kayo?" Pangatlong balik na ng waiter dito, pero wala pa din si Jacob.

Sinilip ko ang phone ko bago ako um-order sa waiter. Salad at wine. Iyon lang muna. Hindi ko naman ito kakainin o iinumin. Hihintayin ko si Jacob. Masakit na ang puwet ko at nangangalay na ang liked at mga paa ko sa pagkakaupo. Dalawang oras na ako dito.

Alas-otso nang sa wakas ay dumating din siya.

"I'm sorry, galing ako ng Manila."

Ngumiti siya sa akin at ang pagod at pagkainip ko kanina ay agad nawala.

"Ayos lang," nakangiti kong sabi.

Lumapit ang waiter at binigay sa amin ang menu. Um-order ulit ako. Hindi heavy meal kahit na nagutom na ako sa paghihintay. Kailangan kong mag-diet at hindi puwedeng makita ni Jacob na masiba ako, baka ma-turn off pa.

Halos ako lang ang nagsasalita. Si Jacob ay sumasagot lang sa tanong ko. Tinatanong ko ang mga gusto niyang pagkain. Ano ang ayaw niya at kung ano-ano pa.

"Black and white," sagot niyang sa paborito niyang kulay.

"Ako red... At black din," sagot ko. Black kasi nakakapayat daw iyon. Hindi siya sumagot. Nakatingin siya sa kaniyang phone. May nag-text.

"Favorite dessert?"

"Ayaw ko ng sweets." Nahiya tuloy ako. Body and health conscious talaga siya. Kitang-kita naman sa kaniyang katawan, na alagang-alaga.

Okay, hindi na din ako magsi-sweets. Dark chocolate na lang kapag nag-crave ng chocolate.

Natapos ang aming dinner. Umuwi siya sa kaniyang bahay at ako ay umuwi na din sa bahay. May dala siyang kotse tapos ako naman ay may kasamang driver. Dapat pala sana hindi na lang ako nagpa-drive para nag-offer siya na ihatid ako.

Nang makauwi ako ay naka-recieve ako ng text mula kay Jacob.

"Just got home, love."

Namula ang pisngi ko sa kilig. Love? Iyon na ba ang magiging tawagan namin? Hindi na hubby at wifey?

Agad akong nag-reply.

"Okay, Love. Goodnight po."

Hindi na siya nag-reply, kaya tinabi ko na ang aking celphone.

Dahil masaya ako, maaga akong gumising upang mag-jogging. Jogging na naging walking dahil masyadong mabigat ang aking katawan. Hingal na hingal ako pero kailangang kayanin ko 'to.

Pawis na pawis ako, pero I feel good.

Umakyat ako sa aking silid upang mag-hot bath. Tapos bumaba din ako upang saluhan sa breakfast ang daddy.

"Maagang umalis, Ma'am."

Gano'n?

"Sige po, hindi na lang po ako kakain. Sayang ang na-burn kong fats kanina."

Lumabas ako at hinanap si Cora. Nakita ko siya sa may garden. May kausap siya sa celphone.

"Ikaw talaga, Love. I miss you."

Nang makita niya ako ay kinawayan niya ako at nagpaalam na sa kaniyang kausap.

"May boyfriend ka na?"

"Loka, wala. Si Lovelyn iyon. Iyong kaklase natin nang elementary."

"Iyong mataba din?"

"Yes. Siya nga!"

"Akala ko naman may boyfriend ka na hindi mo lang sinasabi sa akin."

"Kapag meron, ikaw ang unang makakaalam."

"Promise mo iyan, huh?"

"Oo."

"Sige. Mag-boyfriend ka na para hindi ka malungkot kapag kinasal na ako. Hindi na tayo oras-oras magkikita."

"Kaya nga, e. Naiinggit tuloy ako." Nangalumbaba siya.

Tumawa naman ako. "Sino'ng mag-aakala na ako pala ang unang ikakasal sa atin."

Tipid siyang ngumiti. "Kaya nga, e."

"Akala ko nga ikaw ang mauunang mag-aasawa sa atin dahil ikaw ang maganda sa atin."

Umangat ang dulo ng kabilang labi niya. "Mas mayaman ka, e."

"Huh? Ano'ng connect?" Tumawa siya. "Wala. Sabi ko, we never know what lies ahead."

Matamis siyang ngumiti.