Chapter 6

“Anong nangyayari?” tanong ni Edward sa kanya ng lapitan siya nito sa gilid. Hindi muna nila ipinapakita ang kanilang mga sarili bilang mag asawa upang makapagmanman muna sa paligid.

“Inaway ako ni Leona.. Galit na galit siya sakin,” kaswal na sagot niya.

“Baka nagagandahan sayo ang ex mo, at naiinsecure naman ang babaeng iyon,” nakangiting sabi ni Edward sabay tiningnan sina Caleb at Leona.

Nakatingin ang mga ito sa kanila, subalit may pekeng ngiti habang nakatingin kay Edward.

“Siya ba si Edward Ignacio?” tanong ni Leona kay Caleb habang sumisimsim ng alak na nasa kopita.

“Oo, at siya ang kailangan natin, para makakuha ng project sa ibang mayayaman. Simula noong maghiwalay kami ni Hannah, parang nag back out ang ibang investors..” sagot ni Caleb na hindi inaalis ang tingin sa dating asawa.

‘Parang sinasabi mong swerte siya sayo, at malas ako?” nakataas ang kilay ni Leona habang sinipat ng masamang tingin ang lalaki.

“Wag kang magtantrums ngayon, may kailangan tayong gawin. Baka mamaya, sinisiraan pa tayo ni Hannah sa taong iyan. Ayusin mo ang sarili mo, at kailangan natin siyang lapitan,” bilin ni Caleb sa kanya.

Pinili nilang lumapit sa lalaki, matapos umalis ni Hannah sa tabi nito. Binati ni Caleb ang lalaki.

“Mr. Ignacio, kumusta?” nakipagkamay siya dito.

“Oh?” bahagyang inabot ng lalaki ang kanyang kamay, “do I know you?”

Bahagyang umurong ang dila ni Caleb. Sino ba ang hindi nakakakilala sa kanya? Bakit parang hindi siya kilala ng lalaking ito?

“Ako si Caleb Endaya, Mr. Ignacio, and this is my assistant, Miss Leona Bermudez,” pagpapakilala niya sa kanilang dalawa.

“Hmmm,” bahagyang tumango ang lalaki.

“Baka interesado kayo sa pakikipag merge? Or pag iinvest? Available ang kumpanya namin para diyan,” nakangiting sabi ni Caleb. “Maaaring ipaliwanag ni Miss Bermudez ang lahat sa inyo, through dinner perhaps? Baka makakapag- spare kayo ng isang araw para mailahad namin ang aming proposals.”

“Sounds interesting,” nakangiting sabi ni Edward, saka hinagod ng tingin si Leona, “assistant mo lang ba siya?”

“Ah, yes.. Yes.. assistant ko lang siya,” tugon ni Caleb.

“So, si Mr. Endaya ay binata pa?” panunuri ni Edward.

“Actually sir..” nagbigay ng malungkot na tinig si Caleb, na parang inaapi, “kakahiwalay lang namin ng asawa ko. Iniwan niya ako at ipinagpalit sa ibang lalaki. Kaya wala akong panahon ngayon, para sa pag ibig..” paliwanag ni Caleb, “masakit ang aking pinagdaanan sa relasyon.”

“Ah, ganun pala,” hinawakan ni Edward ang balikat niya, “baka hindi kayo para sa isa’t isa. Tara doon, ng makilala niyo ang iba pang mga negosyante..”

Naglakad sila palayo sa lugar na iyon, ng hindi namamalayan, na naroon lang sa sulok si Hannah, at tahimik na nakikinig sa kanila.

“Napangisi siya at napailing. Ibang klase talaga ang mga ito. Gagawin ang lahat, kahit paninira sa iba, umangat lang talaga.

Pinanood iya ang paglayo ng mga ito.

“Kahit kailan talaga, wala ng ginawang mabuti ang mga ito,” bulong niya sa kanyang sarili.

SAMANTALA… sa kabilang banda..

May isang babaeng nasa kalagitnaan na ng kanyang edad, maganda pa rin ito, at naglalakad sa harap ng bulwagan.

Agad niyang napansin si Hannah, na nasa gilid, patungo sa banyo.

Nang makita siya ni Hannah, ngumisi ito, na parang nakakita ng demonyo.

Agad na naningkit ang mga mata ni Miraflor sa klase ng pagtingin ng kanyang dating manugang.

“Hoy,” lumapit siya kay Hannah ng dahan dahan, habang mahina lang ang kanyang boses. “Anong ginagawa mo dito?”

Nilingon ni Hannah ang kanyang paligid, saka napatingin muli sa babae.

“Ikaw ang kinakausap ko, t*nga!” naiinis si Miraflor kay Hannah na parang nagtatangatangahan, “anong ginagawa mo dito?”

“Nanlalalaki ako, bakit?” sagot ni Hannah habang nakataas ang ulo.

“Aba’t–” nagulat si Miraflor sa paraan ng pagsagot nito. Si Hannah ba ito? “Hindi ka na nahiya!”

“Bakit ako mahihiya, maganda ako? Kung kayo ngang bilbilin nakapagsusuot pa ng ganyang damit, ako pa bang maganda ang katawan,” nakangisi niyang sagot.

Lalong namula sa galit ang matanda, at nais na siyang daklutin nito sa sobrang inis.

“Ooh, wag kayong magalit, nagmumukha kayong dragon eh,” nakangisi pa rin niyang sabi sa dating biyenan.

“Anong karapatan mong pagsalitaan ang biyenan mo ng ganyan?” singhal ito sa kanya.

“Dati..” pagtatama niya sa sinasabi nito, “dati ko kayong biyenan, at isa pa, hindi niyo naman ako tinanggap na manugang, sino kayo para sabihan akong biyenan ko kayo?”

“Hannah, sumusobra na ang bunganga mo!” duro sa kanya ng matanda.

Hinawakan niya ang kamay na iyon, saka siya natumba, “aaah– wag po.. Wala akong ginagawang masama sa inyo,” malakas ang kanyang tinig na pumukaw sa mga taong nakapaligid. Lahat ay napatingin sa kanila.

‘A-anong ginagawa mong babae ka?” mahinang tanong nito, “tumayo ka nga!” akma siyang hahawakan ng babae.

“Aah! Tama na po!” muli niyang sigaw.

Agad nagsilapitan ang ilang kababaihang naroroon, at tinulungan si Hannah na tumayo.

“Misis, bakit naman kayo nananakit?” tanong ng isang babae.

“Ah, siya yung ina ni Caleb..”

“Kaya pala ganito din ang ugali ng babaeng si Leona, kasi ganito ang biyenan niya.”

“Grabe na talaga ang pamilyang yan.”

“Okay ka lang ba miss?”

“Okay lang ako.. Salamat,” sabi niya sa mga ito, at nakangising tumingin sa matanda.

“Anong kalokohan ang sinasabi niyo? Ang babaeng iyan ay–” hindi na nakapagsalita pa ang matandang babae, dahil dumating na ang mga incharge na security.

“Ma’am, umalis na lang po kayo kung mang gugulo lang kayo..”

“Anong manggugulo? Ang babareng ito ang nanggugulo!” dinuro siya ng matanda.

“Mommy!” tawag ni Caleb sa ina, kasunod si Leona.

“Tulungan niyo akong makalayo, please..” pakiusap ni Hannah sa mga kababaihang naroroon. Inalalayan siya ng mga ito ng hindi man lang napapansin nina Leona.

“Ang babaeng iyon!” mahinang sabi ni Miraflor sa anak.

“Sir, iuwi niyo na po ang inyong ina, ipinagbabawal po ang panggugulo sa party na ito..”