Kabanata 59 Accepting Destiny

Agad naghiwalay sina Ethan at Hanna at inayos ang mga sarili. Mula sa panaka-nakang kidlat ay naaninag niya ang binata. Inilagay nito ang hintuturo sa kanyang bibig. Naunawaan niya na huwag siyang magsalita. Hinawakan nito ang kanyang kamay at inakay siya sa dilim. Kumakabog ang kanyang dibdib. May nanloob ba sa kanilang bahay. Mapapaanak siya ng wala sa oras sa nerbyos.

Muling may nabasag na salamin sa back door. Napakapit siya ng mahigpit sa katabi. Nagsidatingan ang limang security ni Ethan. May dalang flashlight ang mga ito.

“Sir Ethan, may dalawang lalaki po kaming namataan na tumatakbong palayo.”

“Habulin ninyo! Paano kayo nalusutan?!” gigil na sabi ng binata.

Napansin ni Ethan na nakababa ang breaker ng kuryente. Bumalik ang supply ng kuryente sa kabahayan ng itaas nito ang breaker.

Tinignan nito ang kanyang kwarto kung walang ibang tao. “Pumasok ka sa loob ng kwarto mo at huwag kang lalabas hanggat hindi ako nakakabalik. I-lock mo ang pinto.”

Sinunod niya ito. Sino ang nagtang