Chapter 1: First Encounter 

Rox's POV

"Sige na po, Aling Gina. Bilhin niyo na po ang mga 'to. Hindi po kayo magsisisi rito dahil imported ang mga wine na 'to," pangungumbinsi ko sa tindera at may-ari nitong sari-sari store.

"Hay naku! Napaka-kulit mo talaga Roxine, ha! Okay lang sana kung mura lang ang benta mo sa mga 'yan! Saka, malay ko bang galing pala sa nakaw ang mga 'yan!"

"Naku! Hindi po, Aling Gina. Matagal na po akong nagbagong buhay. Padala po 'to ng tita kong nasa abroad," imbento ko.

"Sige na naman po, Aling Gina. Para kasi 'to sa pagpapagamot sa nanay ko, eh. Gusto ko pa pong madugtungan ang buhay niya," pagmamakaawa ko pa.

"Oh siya sige na nga! Akin na ang mga 'yan!" Inabot ko naman agad sa kanya ang mga dala kong wine, at kumuha na siya ng pera.

"Oh heto'ng bayad ko!" Tila nag-dalawang isip pa si Aling Gina na ibigay 'yung pera kasi antagal niyang bitawan.

"A-akin na po." Nakipag-agawan pa talaga ako.

"Ayos! Salamat po Aling Gina!" masaya kong sabi sabay hinalikan 'yung pera.

Pero maya-maya'y nawala rin ang saya ko nang makarating na ako sa isang public hospital. Napatakbo ako sa takot, nang makitang naglabas pasok ang mga nurse, sa ICU, kung sa'n nakaratay ang nanay kong matagal nang naka-coma.

"D-doc, ano pong nangyayari sa nanay ko?!"

"Lumalala na ang kundisyon ng nanay mo, Miss Caballero. Kung ayaw mong makita pa siyang nahihirapan, kailangan mo nang mag-decide na ipatanggal ang tubo sa katawan niya."

"Hindi. Ayaw ko po, Doc. Kaya pa po 'yan. Please po, 'wag niyo pong susukuan ang nanay ko," maluha-luha kong pakiusap, at napaluhod pa.

Napailing na lamang and doctor sa 'kin, saka tinalikuran na ako.

Kinagabihan, ay nasa isang private port, na ako at nag-aala ninjang kumilos papunta sa mga containers na nandirito.

Nasa madilim na bahagi ako kung sa'n wala masyadong mga guwardya. Kulay itim lahat ng suot ko at balot rin ng bonet mask ang mukha ko.

May dala-dala pa akong malaking backpack, at dito ko ilalagay ang mga imported products na nanakawin ko. Oo, galing sa nakaw ang mga binibenta ko. Pero hindi ako proud rito, ah.

Tumigil na dapat ako sa mga ganitong gawain, pero magmula nang ma-ospital si nanay, napilitan akong gawin ulit ito. May mga matino naman akong side line, pero hindi pa rin ito sapat.

Hindi rin ako makapag-apply ng magandang trabaho dahil kahit high school ay hindi ako nakapagtapos.

Nang makapasok na nga ako sa isa sa mga container, hinalungkat ko agad ang laman ng isang package rito. Pero bigla akong napahinto matapos kong makita kung anong laman nito.

T-teyka, mga baril?! Nagulat na lang ako, at sa tingin ko'y smuggled ang mga ito.

Bigla namang bumilis ang tibok ng puso ko nang makarinig ako ng yabag ng mga paa sa likuran ko.

"You fucking thief! Finally, nahuli rin kita!" Boses lalake ito, sabay kumasa ito ng baril.

"Itaas mo ang mga kamay mo at lumuhod ka!" utos pa nito at ma-awtoridad ang tono niya.

Pero itinaas ko lang ang mga kamay ko at hindi ako lumuhod. Nek-nek niya.

"Bibilang ako ng tatlo! Kapag hindi ka pa rin lumuhod, sabog na 'yang utak mo!" Pagbabanta pa niya.

"Isa!"

"Dalawa!"

"Tat…"

Hindi niya natuloy ang pagbibilang nang bigla akong humarap at mabilis na ni-high kick ang baril na hawak niya. Tumilapon iyun kung saan.

"Argh, shit!" daing niya. Matangkad pala siya at malaki ang pangangatawan. May itsyura rin siya at parang may lahing banyaga. Hindi ko matukoy kung Amerikano ba o Arabo, basta boy afam siya. At sa tingin ko’y nasa 30 plus na siya.

Tinalikuran ko na agad siya at mabilis na tumakbo papasok sa isang bodega rito.

"Damn! Get back here!" rinig ko pang sigaw niya, at bakas ang galit sa kanyang boses.

Malawak ang loob nitong bodega at punong-puno ng mga package ang paligid, kaya hindi niya agad ako makikita.

“Ting-ning ning-ning."

"Anak ng!" mahina kong sabi, sabay napatakip sa bibig ko. Dahil kasi sa kalikutan ko, may nahulog na baseball bat sa mga naka-file na package na pinagtaguan ko.

Nakarinig agad ako nang mga yabag ng paa at sure akong si boy afam na ‘yan, kaya mabilis kong pinulot ang nahulog na baseball bat.

At nang makita kong lumagpas ang mga kamay ni boy afam na may hawak na baril, pinaghahampas ko agad ito.

"Argh! Ahhh! You son of bitch!" daing niya at ramdam kong nag-aapoy na siya sa galit.

Tatalikod na sana ako para tumakbo, pero mabilis niyang nahawakan ang jacket ko.

Hinila niya ako nang malakas, dahilan para pareho kaming matumba, at tumilapon sa mga naka-file na package. May mga laman itong stuffed toy at natabunan pa kami ng mga ito.

Pero hindi ko na hinintay pang mauna siyang makatayo. Agad kong pinuluputan ang leeg niya gamit ang mga hita at binti ko.

Kahit papa'no'y marunong naman ako ng self defense, dahil no'ng maligaw ako ng landas at sumali sa isang grupo ng gang, tinuruan kami ng martial arts ng leader namin. Doon ako unang natutong magnakaw.

Akala ko'y madadaig ko na si boy afam, pero bigla niya na lang inangat ang malalaki at mahahaba niyang kamay. Marahas niyang hinawakan at pinisil ang mga Dyögä ko, dahilan para lumuwag ang pagkapulupot ko sa kan'ya.

"Bastos!" galit kong sabi sa panlalaking boses, sabay bitaw sa kanya.

Naghabol agad siya nang hininga habang hawak-hawak ang nasakal niyang leeg.

"Damn, talagang mapapatay kita!" pasigaw pa niyang banta at ramdam kong nanginginig na siya sa galit. Matalim at nanlilisik ang mga mata niyang nakatitig sa 'kin.

Tumayo na agad ako at nang tatakbo na sana, muli na naman akong napahinto dahil may dumating na mga armadong kalalakihan. Tinututukan nila ako ng baril.

"Boss!" sabi ng isa sa mga ito.

Nagmadali namang tumayo si boy afam, at marahas nitong hinila ang damit ko. Pinuluputan niya ang leeg ko gamit ang makikisig at matitigas niyang braso.

"B-bitawan mo 'ko!" Pagpupumiglas ko habang nahihirapan nang huminga. Masyado kasing mahigpit ang pagkakasakal niya sa 'kin.

Tumilapon na lamang ako sa sahig nang patulak niya akong bitawan. Naghabol agad ako nang hininga habang hawak-hawak ang leeg ko.

"Tanggalin niyo ang bonet mask niya!" pasigaw na utos ni boy afam.

Agad namang sumunod ang mga tauhan niya, at mahigpit nila akong hinawakan. Tapos marahas nilang tinanggal ang bonet mask ko.

"Ang lakas ng loob mong pagnakawan akong tomboy ka!" galit na sabi ni boy afam, matapos makita ang itsyura ko.

Halata pa rin seguro na babae ako kahit nakapanglalaking ayos na ako.

Nanlaki na lamang ang mga mata ko, nang inagaw niya ang baril ng kasama niya at tinutok sa 'kin.