I MARRIED A DUMMY STRANGER

● Third Person POV ●

Nagsuot si Yazmin ng beige na turtleneck sweater at itim na pleated skirt na may gintong botones, pinatungan ng mahaba at eleganteng beige na coat, at naglagay ng light makeup para mas mapansin ang kanyang natural na ganda. Bitbit niya ang isang itim na leather na bag na may top handle, at kumpleto ang kanyang outfit sa itim na boots na lampas tuhod niya. 

Kahit na sinasabi nilang ibebenta siya ngayong gabi, hindi ibig sabihin noon na kailangan niyang magmukhang miserable. Napangiti siya nang mapakla habang tinitingnan ang sarili sa salamin nang maalala ang sinabi ng kanyang ama kaninang umaga.

Kumatok ang kasambahay, senyales na kailangan na nilang umalis. Alas singko pa lang, excited na excited na silang mawala siya sa eksena. Huminga siya nang malalim bago lumabas ng kwarto.

"Yazmin..." bati ng Daddy niya pagkakita sa kanya habang bumababa sa hagdan.

Sa sala, tahimik na nagbubulungan at nagtatawanan si Darcy at ang ina nito, pero halata ang pagkayamot. She just gave them a cold stare at bumaling sa kanyang ama na tila manghang-mangha sa kanya. “Ang ganda mo anak. Kamukhang kamukha-” ngunit hindi pa man natatapos ang sasabihin ng kanyang nang sumingit si Darlynn. 

“Eon, tara na," 

Napaikot nalang ang kanyang mga mata. Alam na alam na niya kung gaano ka-OA ang stepmother niya kapag naalala ng Daddy niya ang mama niya. Magaling magpanggap si Darlynn kaya laging may tampuhan ang mag-ama. Bulag si Daveon sa katotohanan; kaya hindi nito makita na pera lang ang habol ng pangalawang asawa sa kanya.

Umupo si Daveon sa tabi ng driver.

Binuksan naman ni Mardly ang pinto para kay Yazmin, pero biglang humarang si Darcy at naunang sumakay. 

Tiningnan niya ito nang masama. 

"Miss Darcy..." sabi ni Mardly habang tinuturo ang ikalawang upuan sa Fortuner.

Suminghap si Darcy. "Hindi ako diyan uupo. Ayoko."

"Ayaw ni Miss Yazmin na may katabi sa upuan niya," pormal na sagot ni Mardly.

Naka-sunglasses siya kaya hindi halata na sinusulyapan niya ang reaksyon ni Darcy. Inis na inis ito, pero may binulong si Darlynn para kumalma ang anak.

Padabog itong lumipat sa likuran, pati na rin ang si Darlynn.

Tahimik ang naging biyahe papuntang MonteHotel. May staff ang sumalubong at nagsabi na nasa taas na raw ang kabilang pamilya. Kaya ayun, siya ang huling dumating. Magkatabi sina Daveon at Darlynn, habang sumusunod si Darcy.

"Magandang gabi po, Architect..." bati ng isang waiter na naka-uniporme.

"Magandang gabi. Reservation para sa Montemayor," sagot niya.

"Dito po kayo, Sir," anito. "Naka-book na po ni Mr. Elias Montemayor ang buong lugar,"

Malaki ang restaurant. Tatlong staff lang ang nakita niyang tahimik na nagtatrabaho.

Kinakabahan siya, pero desidido na siya. Kahit ayaw niya sa kasal na ito, gagawin pa rin ng Daddy niya ang lahat para mapasang-ayon siya. Sobrang mahal nito ang negosyo, kaya pati karapatan niya, binabaliwala nito.

"Mr. Montemayor," masayang bati ni Daveon sa isang matipunong lalaki na medyo may edad na.

Tumayo ang lalaki. Halos kasing-edad lang ito nang ama niya at nagkamayan sila. Kasama nito ang isang maganda at pormal na babae na sa tingin niya ay asawa nito. 

"Audriana," bati ni Darlynn sa babaeng mapostura.

Ngumiti ang babae, pero ramdam niya na hindi close ng babae si Darlynn.

"Darlynn," malambing ang boses nito.

"Oh, this is Yazmin Paige Kortez," pakilala ni Darlynn sa kanya nang buong pagmamalaki.

Ngumisi si Darcy.

"Hi, hija. I am Audriana Montemayor," ngumingiti at inabot nito ang kamay niya.

Magaan ang loob niya dito. Hindi siya katulad ng stepmother niya. Ngumiti siya at inabot ang kamay nito.