Chapter Fifty Four 

KAHIT na gigil na gigil si Ester sa asawa ni Grayson Brian, kailangan na niyang manahimik. Natuklasan kasi siyang hindi ito ang tipo ng babae na mananahimik lamang at tatanggapin lang ang sinasabi ng nakatatanda. Dahil doon ay mas bumigat ang loob niya rito. Malayung-malayo talaga ito sa anak niyang si Jean. 

Isang sitsit pa lang niya kay Jean ay nagagawa na niya itong pasunurin. Alam na alam kasi nito kung paano siyang magalit kaya wala itong lakas ng loob na suwayin siya. Sa ngayon ay hindi niya alam kung magagawa pa niya itong masaktan kapag umuwi ito sa kanila. Sa sobrang pag-aalala niya kasi rito ay wala na siyang nais kundi ito’y makita, mayakap at mahalikan. 

Ngayon niya napagtanto na mahal na mahal niya ang kanyang anak at hindi niya ito makakayang mawala sa kanyang buhay. May mga pagkakataon kasing alam niyang sumisibra siya kapag nakik