Chapter 40

Nanatili muna sina Chelsea sa burol at inaasikaso rin ang ilang kaibigan na dumating. Lahat ng mga ito ay hindi pa rin makapaniwala na wala na si Allyana. Nalulungkot ang mga ito dahil nga naging mabait sa kanila si Allyana.

Hindi na rin nag usap sina Chelsea at Keane, talagang iniiwasan nilang magkasalubong silang dalawa, dahil baka magkapikunan na naman sila. Halos tatlong oras din na nanatili sila roon, bago sila nagpasiyang umalis at nagpaalam sa mag asawa, maging sa ilang bisita. Hinayaan naman silang makaalis ng mga ito.

Habang nasa sa sasakyan sila ni Dion, ay nagtanong siya sa lalaki.

"Nakontak mo na ba si Seb?" tanong niya dito.

Umiling si Dion sa kanya.

"Hindi pa, iwan ko ba kung bakit, may signal naman doon sa resthouse niya.. kaya nakakapagtaka at hindi ko siya makontak. Ngunit, posible rin na baka wala siya sa resthouse at naglibot sa isla," tugon ni Dion sa kanya.

"Na kasama si Allyana? Wow, mukhang nag e-enjoy na ata silang dalawa doon," napapailing na sabi ni Chelse