KABANATA 9

KABANATA 9

Wala pa si mama nang dumating ako sa bahay. Basang basa ako pagkauwi dahil sa lintik na Levi na 'yan! Damn it! Pag talaga nagkasakit ako ilulublob ko siya sa inidoro. Pagkatapos kong magbihis sa pajama ay nagluto ako ng pagkain sa dinner. Ako talaga madalas ang nagluluto ng dinner dahil laging late si mama dumating galing sa work.

Matapos kumain ay muli akong umakyat sa aking kwarto at tinapos ang mga assignment. Maagap akong natapos sa aking assignment kaya meron pa akong time mag scroll sa social media pero halos mapabangon ako nang may makita ako sa aking wall! At ang nag-post nito ay walang iba kundi si Leviticus Galford!

Leviticus Galford:

Astrid Naomi Wadler is a scam.

Nanlaki ang mata ko nang makita kung ilang shares, comments at angry react ito! At hindi ako makapaniwala nang mabasa ang mga comments! Lahat ito ay masasamang patama sa akin! Halos maitapon ko ang aking phone buti na lang nakita ko ang message ni Hannah at Chloe sa group chat namin.

Chloe:

What is happening Astrid? He posted on your wall!

Hannah:

This is disaster.

Ako:

Damn him! Kung ginagawa niya ito para asarin ako mas lalo lang ako naiinis sa kanya!

Chloe:

Sobra na talaga 'yang lalaking 'yan. Kung hindi lang siya gwapo baka nasugod ko na siya. Pero dahil gwapo siya baka masugod ko siya ng halik.

Napangiwi ako sa chinat ni Chloe.

Ako:

Tumigil ka nga Chloe!

Napabuntong hininga ako at pinatay ang aking phone.

"Nakakainis!" Nanggagalaiti ako sa inis bago nakatulog. Pagkagising ko ay si mama agad ang bumungad sa akin. As usual bangayan sa umaga ang almusal ko.

Para akong lantang gulay habang naglalakad patungo sa aking room. Pakiramdam ko ay nakatingin sa akin lahat ng tao at pinag-uusapan ako. S'yempre si Levi ang nag-post no'n! Malamang na halos lahat ng fan at humahanga sa kanya ay alam 'yon at nakita 'yon! At alam nating lampas sa kalahati ng populasyon ng school na ito ay gustong gusto si Levi. Kasama nga ako dati 'di ba?

"Now I know why boys likes her. She might be telling them scam to seduce them," narinig ko ito habang dumadaan sa kiosk ng school. Halos mapatungo ako habang dumadaan. I gritted my teeth at mas binilisan ang paglalakad.

Nang makapasok sa room ay mabilis akong napahinga nang maluwag. Agad lumapit sa akin si Hannah at Chloe.

"Kamusta? Nagpakita ba si Levi sa'yo ngayon?" Tanong ni Chloe. I sighed.

"Hindi! Pero...pinag-uusapan na ako ng buong campus ngayon!" Bwisit kong sinabi. Napabuntong hininga ang dalawa. Tinapik pa ako ni Chloe sa balikat.

"Patulan mo na lang kaya siya? Tutal gusto mo naman siya noon. Isa pa...kung papatulan mo siya matitigil ang lahat ng ito," Chloe suggested. Sinamaan ko siya ng tingin.

"Anong akala mo sa akin? Talunan? Hindi ako takot sa kanya! At alam mo kung anong klase siyang lalaki! Hindi siya ang tipo kong lalaki!"

"Kung ganito na lang kaya ang gawin mo? Tell him you want him in a relationship. Titigil na siya sa mga kalokohan niya since he have you already. Pero...restrain yourself from falling for him and play him with your hands! 'Wag mong hahayaan na ikaw ang matalo dito," si Hannah naman.

Natigilan ako doon. Pero agad ding umiling.

"Hindi ko kaya Hannah-"

"It means you really are still in love with him," putol sa akin ni Hannah. Napakagat labi ako at nag-iwas ng tingin. Napakadelikado nang sinasabi ni Hannah. Para itong apoy at kung magkamali man ako siguradong masusunog ako. Kung hahayaan kong mangyari 'yon, hindi kaya ako ang matalo sa huli? Baka ako ang maging luhaan sa huli.

"Hindi naman sa gano'n. Pero..." natigilan ako at muling napabuntong hininga.

"Hannah...hindi magandang paglaruan natin ang sitwasyong katulad nito. The right thing to do is to stay away from him. 'Yon lang," saad naman ni Chloe. Kahit ako ay naguguluhan na. Hindi ko na alam ang gagawin ko. Hindi ko alam kung anong gusto sa akin ni Levi at bigla niya na lang ginulo ang tahimik kong mundo.

Napabuntong hininga ako at patuloy na nilipad ng hangin ang aking utak kahit pa nagtuturo na ang teacher namin. Nang dumating ang lunch ay mas napili naming kumain sa mall kaysa sa cafeteria. Ayaw ko rin kasing makita si Levi at mas lalong ayaw kong marinig ang mga tsismis sa akin, na hindi naman totoo.

Masaya kaming kumakain sa isang fast food restaurant sa isang mall nang biglang tumunog ang phone ko sa isang tawag. Tiningnan ko ang caller at halos manlamig ang aking mukha sa pamilyar na number. Hindi ko man na-i-save ang number niya, natandaan ko naman ito!

Si Levi!

I cancelled the call and pretend it was nothing. Bumalik ako sa kwentuhan pero natigilan na naman ako nang tumunog na naman ito.

"Sino ba 'yan? Why are you keep ignoring it?" Hannah asked. Ngumisi sa akin si Chloe.

"Wag mong sabihing si Levi 'yan?" Tanong niya, nang-aasar. Umirap ako at kinancel ulit ang tawag.

"Tigilan mo nga ako Chloe," saad ko at sumubo ng isang fries. Halos itapon ko ang aking phone nang tumunog na naman ito. Napakakulit naman nito! I was about to cancel it again when someone spoke behind me.

"How many times you'll ignore my calls?" Nanigas ako sa aking kinauupuan. Narinig ko ang mahinang tili ni Chloe at nakita ko naman ang natatagong ngisi sa labi ni Hannah. Umupo si Levi sa harapan ko. Nakangisi na siya at maaliwalas ang mukha.

"Bakit ka nandito? Pati ba naman dito ay guguluhin mo ako?" Iritado kong tanong.

"Masama bang pumunta dito? Sa'yo ba 'to?" Balik niyang tanong na mas lalong nagpainis sa akin. Pakiramdam ko ay isa akong dragon na nag-iipon ng apoy para ibuga sa kanya.

"Oo nga naman Astrid. Hindi nga naman sa'yo 'tong fast food chain," saad ni Chloe sa tono nang nang-aasar. Sinamaan ko siya nang tingin pero mas lalo siyang ngumisi.

"And seriously? Bakit dito ka kumakain? Fast foods isn't healthy Astrid," he added. Nag-igting ang panga ko at padabog na tumayo at kinuha ang mga gamit ko.

"Pakielam mo ba?! Kapal ng mukha!" Singhal ko at padabog na umalis do'n. Sumunod sa akin si Chloe at Hannah.

"Paano niya nalaman na nandito tayo?" Tanong ni Chloe.

"Alam mong madaming galamay ang isang Leviticus Galford. S'yempre alam niya lahat," Hannah answered her.

Umupo ako sa isang bench malapit sa game station. Tumabi sa akin si Hannah at Chloe.

"Anong gagawin mo?" Tanong ni Hannah. Bumuntong hininga ako. Buo na ang loob sa desisyon. Hindi ako titigilan ni Levi hangga't gumaganito ako. Mas lalong tumatakbo ako sa kanya mas lalo siyang magiging pursigido. Hindi ko alam kung anong pakay niya at kailangan kong alamin 'yon. Alam kong nagbubulaan siya na gusto niya ako. Bulaan siya! Hindi 'yon totoo! Dahil sa limang taon na nagpapansin ako sa kanya hindi niya ako napapansin! Napansin niya lang ako nang isauli niya ang purse na naiwan ko!

"Gagawin ko ang sinabi ni Hannah," determinado kong sinabi. Napamaang si Hannah at Chloe sa akin. Hindi sila makapaniwala sa narinig.

"Sigurado ka ba diyan? Alam mong delikado 'yan! Paano kung ikaw ang masaktan sa huli-"

"Hinding hindi ako mahuhulog sa kanya! Never again!" Saad ko ng may punong puno ng determinasyon.

Tama Astrid Naomi. Gawin mo ang lahat nang makakaya mo para matalo siya. Kung akala niya ay easy girl ako nagkakamali siya. Kung akala niya ay mapapasama ako sa listahan ng mga babae na sinaktan niya...pwes hindi ako!

Pero wait...hindi ba't sinaktan niya na ako nang makita ko siya na may ibang...kasama sa garden at...mabilis akong umiling at tinanggal ang isipin na 'yon!

Hindi! Hindi ako mapapabilang sa mga babaeng sinaktan at pinaluha niya!