Chapter 5

Lexi Ignacio POV

Nakatitig pa rin ako sa labas ng bintana habang dahan-dahang nawawala sa kadiliman ang lalaking nakasuit. Nandoon pa rin si Ethan sa ilalim ng puno ng acacia, hawak ang itim na envelope at ang tablet na kabibigay lang sa kanya.

Hindi na ako nagdalawang-isip. Kumuha ako ng cardigan, isinuot ito nang mabilis, at dahan-dahang lumabas ng guest house. Gusto kong malaman ang totoo. Gusto kong makumpirma kung ano ba talaga ang pakay ng security guard na ito sa bahay namin.

Mabilis ngunit tahimik ang bawat hakbang ko sa damuhan. Nagtago ako sa likod ng malaking hedge malapit sa lumang gazebo. Ramdam ko ang mabilis na pagtibok ng dibdib ko dahil sa kaba at lamig ng hangin sa gabi.

Narinig kong nagsalita si Ethan. Nakatapat ang telepono sa tainga niya at nakatitig siya sa liwanag ng tablet.

"Nakuha ko na ang panibagong financial reports ng Aragon Group," mababa at seryoso niyang sabi sa telepono. "Puno ng iregularidad ang accounts ni Adrian. He is moving money around to cover his losses."

Napatakip ako sa aking bibig. Iniimbestigahan niya ang asawa ko?

"Don't worry," patuloy ni Ethan. "Lahat ng ebidensya laban kay Adrian, hawak ko na. Matatapos din ang kalokohan niya sa kumpanya."

Namutla ako sa narinig ko. Galit ako kay Adrian dahil sa ginagawa niya sa akin, pero ang malaman na ang sarili niyang security guard ay nagpaplano laban sa kanya ay ibang usapan na 'yun. Nagtatrabaho ba si Ethan sa kalaban? O isa siyang espiya na pumuslit sa mansyon para pabagsakin ang pamilya Aragon?

Pumasok sa isip ko ang takot. Kapag bumagsak si Adrian, paano ang pamilya ko? Paano ang negosyo ni Papa na nakatali sa Aragon Group?

Sa sobrang kaba ko, napaatras ako nang bahagya. Hindi ko napansin ang tuyong sanga ng halaman sa likod ko.

Narinig ang malakas na tunog ng pagkabali ng sanga.

"I'll call you back," mabilis na sabi ni Ethan bago ibinaba ang telepono.

Bago pa man ako makatakbo pabalik sa bahay, naramdaman ko na agad ang mabilis na paglapit ng isang anino. Sa isang kurap lang, nakatayo na si Ethan sa harap ko. Harang ang matangkad niyang katawan sa daan ko.

"Ma'am Lexi," malamig niyang sabi. Walang emosyon ang mukha niya habang nakatitig sa akin. "Anong ginagawa mo rito sa labas?"

Sumandal ako sa pader ng gazebo, pilit na itinatago ang panginginig ng mga kamay ko. "Gusto ko lang lumanghap ng sariwang hangin."

Lumapit pa siya nang kaunti. Dumilim ang mga mata niya habang nakatingin sa akin. "Sariwang hangin? O sinusundan mo ako?"

"Hindi kita sinusundan!" matapang kong sagot kahit nanginginig ang boses ko. "This is our property, Ethan. Ako ang asawa ng amo mo, kaya wala kang karapatang tanungin ako kung bakit ako nandito!"

Hindi siya natinag sa pagsagot ko. Ibinaba niya ang tingin sa hawak kong cardigan at pabalik sa mga mata ko.

"How much did you hear?" seryoso niyang tanong.

"I... I didn't hear anything," mabilis kong tanggi habang nakatingin sa malayo.

"Sinungaling ka, Lexi," pabulong niyang sabi. Sa unang pagkakataon, hindi niya ginamit ang salitang Ma'am. "Ano ang narinig mo?"

"I heard enough to know that you're planning something against my husband!" sigaw ko habang itinuturo siya. "Sinong kausap mo? Sino ang nagbayad sa 'yo para mag-espiya kay Adrian? Traydor ka!"

Tinitigan ako ni Ethan nang matagal. Walang bakas ng takot o kaba sa mukha niya kahit nalaman ko ang sekreto niya. Hahakbang pa sana siya palapit sa akin para magsalita nang biglang magliwanag ang buong paligid dahil sa malakas na ilaw ng isang sasakyan.

Bumukas ang p***o ng isang itim na SUV na katitigil lang sa may driveway ng gazebo.

Lumabas mula sa sasakyan si Adrian. N*******d ang kanyang suit jacket at gulo-gulo ang kanyang buhok. Mukha siyang galing sa isang madugong gyera kaysa meeting. Galit ang mukha niya habang nakatingin sa aming dalawa ni Ethan na nakatayo nang napakalapit sa isa't isa sa dilim.

Naglakad palapit si Adrian, mabilis at mabigat ang bawat hakbang nito.

"What the hell is going on here?" galit na tanong ni Adrian habang nakatitig sa akin, pagkatapos ay lumipat ang tingin niya kay Ethan.

"Adrian," tawag ko, nagugulumihanan kung sasabihin ko ba agad ang narinig ko o hindi.

Pumagitan si Adrian sa aming dalawa ni Ethan. Tumingin siya nang malamig sa security guard na higit na mas matangkad sa kanya.

"Ethan," galit na sabi ni Adrian habang nakaduro ang daliri sa dibdib nito. "You were supposed to be nowhere near my wife."