Chapter 2

Andami report na dapat tapusin, tambak ang paperworks sa table ko, di na nga ako nakapag lunch dahil di ko namalayan ang oras.

" Miss Montana pa email ng mga ito. And book a 5 star restaurant for tonight 8PM. Under Sir Ashton and Miss Ara Cortez. And pa deliver ka ng bouquet narin. Asap yan ha, dadalahin ni Sir Ashton yan mamaya sa dinner date nila ni Miss Cortez. " si Sir Leomore pinatawag ako nito sa office nya para sa pinapagawa nya sa akin.

" Copy, Sir. " habang tina-type ko sa hawak ko na ipad ang mga instructions at utos nya.

" And please bring me a black coffee, thank you! "

Agad akong tumalima at naghanda ng kape na hinihingi ni Sir Leomore. After ko mahatid ang coffee sa office ni Sir Leomore ay kaagad ako naghanap ng available fine dining restaurant while nag ddial ng number ng flower shop para naman sa bouquet.

"All set na po, Sir. " sabi ko sa kabilang linya ng itercom na hawak ko.

" Alright, Miss Montana." narinig ko na sagot nito sa kabilang linya.

Sobrang swerte ni Miss Cortez, ang effort ng date nila palagi ni Sir Ashton. Fiancee ito ni Sir Ashton, at palaging may pa ganito si Sir Ashton para dito. Sweet na gwapo pa, sobrang blessed ni Miss Cortez. Sabagay napaka-ganda rin naman ni Miss Cortez isa itong model at galing din sa kilalang pamilya, bagay na bagay sila ni Sir Ashton. Mapapa sana all ka nalang talaga sa lovelife ng iba.

"Beks, naglunch ka na? " chat ko kay Domini

" Tapos na, ikaw?" reply nya.

" Di ko namalayan yung oras, pero nagco- coffee ako ngayon. " sabay higop ng kape na hawak ko.

" Kumain ka parin hoy! Baka tumagos ka na nyan!" ni-kaugh react ko yung chat nya na yun.

" Beks, sa weekends wag mo kakalimutan baka mamaya maglast minute cancel ka ha. Masasabunutan talaga kita! " nagbanta pa talaga ang bakla.

Natatawa akong nag reply ng " Oo nga!" sa kanya.

" Miss Montana, nandito na po ang delivery ng flowers. " si Rita isa sa mga ka officemate ko sa department na'to.

" Okay, Rita. " nakingiti kung tugon dito.

Agad ko itong dinala sa office ni Sir Leomore. At nang makita ako ni Sir Leomore na bitbit ang bouquet tinuro nya ako pinto ng private office ng Boss namin.

Biglang bumilis ang tibok ng puso ko. Paanong hindi masisilayan ko na naman ang ultimate crush ko. Bibihira lang ako makapasok sa private office na iyon. Kung hindi importante ang sadya di ako naakakalapit doon.

Kumatok muna ako sa pinto at nag antay ng permiso bago ito buksan.

" Come in. " anang ng baritonong boses mula sa loob.

Dahan-dahan kong binuksan pinto. At maingat na naglakad papasok.

" Here's the flowers, Sir. " mahina ang boses kong sabi.

Nag angat ng tingin si Sir Ashton at tiningnan ang dala ko.

"Put it, there." mwestra nya sa mini table sa tapat ng sofa sa gitna ng office nya. Agad akong kumilos at nilapag ang bulaklak doon.

Magpaalam na ako bago umalis ng bigla itong nagsalita muli.

"Hmm, Miss-?"

" R-Rafaela Montana, Sir. " nauutal kong sabi.

" Miss Montana, I need you to buy me some chocolates."

" Okay po, Sir. " mabilis na sagot.

Agad akong nagpaalam at nagmamadaling naglakad palabas ng private office ni Sir Ashton.

Pagbalik ko sa table ko ay agad kong dinampot ang bottled water na kinuha ko sa mini ref ng office kanina at tinungga ko ito ng derecho. Pakiramdam ko kasi uhaw na uhaw ako.

Gwapo talaga ni Sir lalo na sa malapitan at yung boses nyang may pa bedroom voice effect. Sino ba naman ang di magkakandarapa dun.

Naranasan ko rin namang magcrush noong highschool ako pero ewan ko ba at malala ata ang pagka crush ko sa Boss ko ngayon dahil buong sistema ko ang nabubulabog kapag nasisilayan ko ito ng malapitan.

Agad kong binura ang kung ano anong nasa isipan ko. Naupo na ako sa desk ko at tahimik na pinagpatuloy ang ginagawa ko.

-------------------------------------------------------

" Raf, balak ko magloan ng car. What do you think beks? " sabi ni Domini.

Kasalukuyan kaming nasa sala ng apartment ko nakaupo sa sofa at nanood ng netflex, kakatapos lang namin maghapunan dahil ang baklang to dito pa nakikain at nakitambay narin.

"Ikaw, kung sa palagay mo ay handa ka sa monthly problem. Why not." sagot ko sa kanya sa pagitan ng pag nguya ng popcorn.

"Kapagod na kasi magmoto taxi. Yung sexy kong wetpaks nabubogbog eh. " maarteng reklamo nito.

Napapanahon kasi ang moto taxi, mas convenient ito at mas mabilis lalo na kapag peak hour. Medyo risky nga lang lolo na kapag careless ang driver na makukuha mo.

"Marunong ka bang magdrive?" tanong ko sa kanya.

" Oo naman, may jeep si Tatang diba? Doon ako nakapagpraktis noon. Tsaka may sasakyan ang tyahin ko minsan kapag nagpapasama yun sa akin ako ang tiga park nun kasi di sya marunong magpark. "

"Yun naman pala eh, di push mo na. "

" Balak ko sanang magcash kaya lang baka masaid naman ang savings ko."

" Sabagay, magloan ka nalang tiyak naman ma-approved ka nyan. " pag eencourage ko sa kanya.. Stable naman ang posisyon ng trabaho namin sa La Ortega.

" Pero pag nakapagloan na ako beks araw araw akong makikihati sa baon mo. At araw araw ako makikikain ng hapunan dito." kunwaring malungkot ang mukha nyang pagddrama.

Hinampas ko sya sa braso habang natatawa. Imbes kasi malungkot ako sa pagddrama nya eh yung itsura nya naman ayaw makisama. Mukha syang komedyamte na natatae.

" Kaso diet na ako sa mga susunod na araw paano ba yan?" kunwaring seryoso ako pero pilit pinipigil ang tawa.

" Edi diet narin ako." nakanguso nyang sagot sakin. Nagtawanan kami lalo. Sinong maniniwala eh ang takaw takaw nya pa naman.

Ganito kami madalas, nasa kabilang kanto lang kasi ang apartment nya. Pagtinatamad ito magluto pupunta to dito sa apartment ko at mambuburaot ng makakain. Pero minsan sa labas kami kumakain at libre nya naman.

Mag 11pm na ito umuwi at inaantok na raw sya, ako rin naman nakaka idlip na nga ako sa sofa kanina.

Nakahiga na ako at nagbbrowse muna ng hone ko, pag swipe ko may nahagip akong paparazzi article post.

" Exclusively dating! Kilalang young businessman at model spotted na magkasama." naka-caption sa post. Si Sir Ashton at Miss Cortez ang nasa litrato ng article.

Kanina marahil to sa pina-set na date sa akin ni Sir Leomore. Hawak ni Miss Cortez ang flowers at paperbag ng mga chocolates na binili ko rin kanina.

May kung anong pinong kirot akong naramdaman sa dibdib ko. Di ko maintindihan bakit nakakaramdam ako ng ganun, ang weird naman. Nilapag ko ang cellphone ko sa side table ng kama ko, at mariing pumikit para makatulog na.