Chapter 1

" Rafaela!" malakas ang boses na sigaw ng baklitang kakapasok lang ng pantry.

Agad kong nilingon ito at kinawayan, mabilis itong naglakad papunta sa table kung saan ako nakaupo at kasalukuyang kumakain.

" Ikaw ang bibig mo talaga! Kailangan mo talagang sumigaw?" pabulong na sabi ko dito ng makalapit ito sa akin.

Agad naman itong humila ng upuan at naupo sa tapat ko.

" Sorry naman girl! Na-excite kasi. Anniversary kasi ang Company at alam mo bang malaking party iyon! Maraminh malalaking tao ang darating dun!" kumikislap ang mga matang sabi nito.

" So? " nakataas ang kilay na tanong ko.

" Anong so? Gaga, baka sa gabing yan may makilala tayong pag-ibig natin na syang aahon sa atin sa kahirapan! "

Inirapan ko ito. " Di naman yun oras para blind dates or love search, tangek! " nakanguso kong wika.

" Ah, basta paghahandaan natin yun gurl! "

" Talaga naman need natin paghandaan yun kasi mandatory ang pag attend natin dun noh! "

" Alam mo ikaw- " naputol ang sasabihin nya ng mag ring ang cellphone ko na nakalapag sa lamesa.

Tumatawag si Inay, agad ko itong sinagot.

"Nay! Napatawag po kayo? " bungad ko.

"Anak, Rafa? Kamusta ka dyan? " boses ni Inay iyon.

"Mabuti naman po Inay, kumakain po ako ng tanghalian ngayon, kasama ko po si Dominador." tumaas ang kilay ni Domini ng banggitin ko ang buong pangalan nya. Nginisihan ko sya habang sinimangutan nya naman ako.

" Ay sya nga ba? Ikamusta mo nalang ako kay Dominador ha. Oo nga pala anak, napatawag ako sa iyo para sabihing magpapatanim na si Itay mo sa palayan nya kung maaari sanang makahingi kami sa iyo ng pandagdag pambili ng binhi. "

" Osige po, Inay. Mamaya po ay magpapadala po ako sa bank account ni Augustine." Sumunod sa akin at bunsong kapatid ko si Augustine kasalukuyang nag aaral at 2nd Year College na.

" Maraming salamat anak! Sasabihan ko si Augustine mamaya. " kahit di ko nakikita alam kong nakangiti ang Inay ngayon.

" Isasabay ko narin po ang pang grocery mo Inay at pandagdag mo narin sa mga paninda mo sa iyong tindahan. " masaya kong wika.

" Hay naku anak ko, Rafaela namin! Sobrang maraming salamat anak ko! Mag-iingat ka dyan sa Maynila ha anak! Mahal na mahal ka namin ng iyong Itay at mga kapatid mo dine.

Napangiti ako,sapat na ang mga salitang iyon upang lalo ko pang sipagan at galingan sa trabaho ko. Nagpaalam na ako sa Inay at ibinababa ko na ang tawag.

"Bait naman talaga ng kaibigan ko! Huwarang anak at mapagmahal na kapatid! "

"Heh! Kumain ka na nga dyan, at maya maya matatapos na ang lunch time natin! " natatawa kong sagot sa pambobola nya sa akin.

Sinimangutan nya ako habang nilalabas ang lunch box mula sa paper bag na dala nito at nagsimula narin itong kumain.

" Hoy! Basta paghahandaan natin yung Anniversary ha, mamimili tayo ng susuutin natin at dapat bongga tayo! " , maarteng sabi neto habang ang mga mata at kumikinang sa excitement. Ngitian ko lang sya, habang nag bbrowse ako ng cellphone ko.

"Bilisan mo ng kumain dyan beks," sabi ko na di inaalis ang mata sa screen ng cellphone ko. Nagttransfer ako ng pera galing sa online banking ko papunta sa account ng kapatid ko. At ng makapagtransfer na ako ng halagang kailangan nila Inay ay tinawagan ko ang kapatid ko.

Tatlong ring bago nya ito sagutin.

" Ate Rafa? " bungad nito sa akin.

"Nagsend ako ng pera Icchat ko sayo kung magkano ang ibibigay mo kay Itay at ang pang grocery at pambudget naman kay Inay. At kung magkano naman ang para sa iyo pang allowance mo. "

"Okay, Ate. Thank you!" masayang sagot nito.

"Sige na, ibaba ko na tong tawag ha. Mag-aral ng mabuti Agus ha! "

"Yes Mam! Ingat ka po dyan ate ha! I love you! "

Huminga ako ng malalim, nag usal ng pasasalamat sa Panginoon para sa nga blessing na ipinagkaloob nya sa akin. Kung kaya nakakatulong ako sa magulang at mga kapatid ko. Salamat sa La Ortega at nabigyan ako ng magandang trabaho na may malaking sahod. Salamat at unti-unting naaabot ko ang mga pangarap ko. Mag-isa man dito sa Maynila ay masasabing maayos naman ang kalagayan ko. May maayos na apartment akong tinutuluyan maliit man pero masasabing maayos at safe itong tirahan. Nakapag ipon na rin ako kahit papaano at nakakatuwang di ko ito nagagalaw kahit pa nagkakaroon ng pangangailangan sila Itay para sa aming sakahan. Salamat talaga ng marami panginoon, mahinang usal ko.

" Beks ha, wag mo kakalimutan. Magsshopping tayo sa weekends ha! Punta tayo Divisoria makakamura tayo dun. " napukaw ang diwa ko ng marinig ko ang boses ni Domini na nagsalita.

" Sige.". tipid na sagot ko bilang tanda ng pag agree ko sa sinabi nya.

Nasa Executive Department ako naka assigned samantalang itong kaibigan ko ay nasa Marketing Department Sabay kaming na promote ako naman ay naging Assistant Secretary ng Executive Assistant ng isa sa Big Boss na si Sir Ashton Ortega. Ang boss namin ay isa sa lalakeng apo ng Matandang Founder ng La Ortega. Kasalukuyang hinahasa si Sir Ashton sa La Ortega Corporation bago ito pahawakin ng sariling negosyo at kompanya. Kilalang pamilya ang mga Ortega sa larangan ng negosyo. Marahil isa sa dahilan kung bakit nagkakandarapa ang mga babae sa mga Bachelors ng Ortega. Mga gwapo at makikisig ba naman na para bang mga main lead character sa telenovela. Tall, dark and handsome ika nga nila pero kung para sa akin nahigitan iyon ni Sir Ashton, talaga namang napaka-gwapo almost perfect nga eh pero sablay sa ugali. Masungit at istrikto ito.. Di namamansin, ni hindi nga ako nito natatapunan ng tingin kahit pa na assistant secretary ako ng secretary nya na Sir Leomore.

Huminga ako ng malalim, crush na crush ko kasi si Sir Ashton. Pero di naman ako umaasang pamansin nito, sapat na yung nasisilayan ko sya sa malayo. Ang mahalaga maganda na ang posisyon ko sa kompanya at ang may napakalaking sahod. Di na ako mag aambisyon na makapag asawa ng mayaman mukhang magulo ang mundo nila.

At si Dominador ang kababata at kaibigan ko na nakasama ko noong napadpad kami sa Maynila Mga iskolar kami ng La Ortega, pusong babae at malambot pa ito sa akin. Dito lang sa Maynila ito nakakapagladlad dahil tiyak matataga sya ng kanyang Itay kapag natuklasan nito na lalaki rin ang nais ng kanyang anak.

Napailing nalang ako, buong akala pa naman ni Tatang Domeng ay nagkakamabutihan kami ng anak nya sa sobrang close namin ni Dominador di nya alam na ako ang tanging hingahan ng baklitang ito. Napangiti nalang ako dahil kung makikita nya lamang ang anak nya ngayon. Jusmiyo mapula pa ang labi sa labi ko.