123.

[Alena]

Panay ang buga niya ng hangin habang nakatingin sa salamin. Kinakabahan siya na kinikilig. Ngayong araw kasi tatapatin na niya si Kairo na mahal din niya ito. Bakit pa niya patatagalin kung pareho naman sila ng nararamdaman.

“Relax, Alena okay? Inhale… Exhale…”

Siya mismo ang nag alok kay Kairo na kumain sila sa labas. Nagpatulong pa siya kay Apol para magpareserve sa isang maganda at mamahaling restaurant.

“Ate Alena, tara na. Baka maunahan tayo ni Kuya Kairo do’n sa resto.” Lumapit sa kanya si Apol at tatawa-tawa na tiningnan siya mukha. “Parang bibitayin ka naman, magdi-date lang naman kayong dalawa. Mukhang harmless naman si kuya Kairo, pero kung mamutla ka parang hindi ka na sisikatan ng araw bukas.” Buska nito.

“Tse. Ang ingay mo. Parang hindi ka nanginginig sa takot sa asawa mo noon ah.”

Naikwento kasi nito sa kanya ang pinagdaanang takot sa asawa nito. Kung makaasar akala mo naman hindi takot na takot sa asawa noon. Siya naman ang natawa ng ngumuso ito.

“Bakit ka nga