122.

“MR. HAN!!!” Makailang ulit na kinalampag ng may edad na si Mrs. Macaro ang malaking gate na bakal, wala itong tigil sa kakasigaw, nasa boses nito ang pagmamakaawa. “Mr. Han, nakikiusap ako, lumabas ka!!!”

Umatras ang ginang nang bumukas ang malaking tarangkahan. Nahintatakutan ito na umatras nang makitang lumabas ang binata kasama ang anim na tauhan.

“Nasa iyo na ang kailangan mo, Mr. Han. Kaya bakit mo kami kailangan pahirapan pa nang ganito?!!! Ano ba ang kailangan naming gawin para tigilan mo na ang pamilya namin? Hindi pa ba sapat na pinagmukha mo kaming kaawa-awa sa harapan ng board members sa huling nakaraang pulong natin?”

Nagngingitngit ang loob nang ginang. Noong nakaraang araw lamang ay lumuhod silang mag asawa sa harapan ng lalaking ‘to, kasama ang kanilang anak na si Bill. Naging katawa-tawa sila sa harapan ng lahat! Pero wala silang pagpipilian kundi ang gawin iyon kundi ay pupulutin silang mag anak sa putikan. Batid nilang kaya silang itapon ni Mr. Han sa mas mababa pa k