Chapter 2 : Aksidente

FLASHBACK <<<

May isang aksidente na hindi inaasahan ng lahat.

Naaksidente si Red dahil sa sobrang paglalasing, broken hearted ito sa kanyang dating girlfriend. Patay lasing siya noon nag drive siya pauwi sa kanilang bahay. Sa pagiging desperado akala niya wala ng ibang taong tatanggap pa sa kanya, sinubukan niya wakasan ang buhay niya. Bumangga siya sa isang truck na nasa harap niya noon, sumuot siya sa ilalim na naging dahilan para madala siya ng hospital. Na hanggang nauwi pa sa pagiging kritikal ang kanyang lagay. Lahat nag-alala sa kanya pati ang mga magulang na walang pakealam sa kanya noon. Pero ang mas higit nag-alala ay si Sky, marahil siguro naaawa ito dahil sa nangyari. Subalit hindi rin niya sinasadya na mag-alala siya ng sobra kay Red. Dahil siguro sa guilt, dahil alam nito ang dahilan ay ang pinsan niya ang pang loloko nito. Naoperahan si Red, halos mawalan ng pag-asa ang pamilya na magiging maayos siya. Si May na pinsan niya ay iyak ng iyak pati ang mga magulang nito dahil hindi niya kayang tignan ang katayuan ni Red. Na kinasama pa ng loob ng pamilya sa sinabi ng Doctor na kahit anong oras ay pwedeng bumigay ang katawan nito.  

Subalit habang tumatagal ang panahon, unti-unting nakara recover si Red sa pagkaka aksidente nito. Hanggang malaman ng magulang nito ang tunay na dahilan kung bakit siya naaksidente.

“Nang dahil sa babae?” nagtatakang banggit ng Ina nito

“Ano ka ba naman Red, halos sayangin mo ang buhay mo ng dahil sa walang kwentang dahilan. Sa tingin mo may magandang naidulot ba yang inisip mong solusyon sa buhay mo? Sino ang nahihirapan ngayon siya ba?” galit na sermon ng Ina nito

Hindi ka ba marunong mag-isip ng tama? dagdag na sermon pa nito

Hindi naman umimik si Red, hindi siya umiimik simula ng magising ito. Wala siyang kinakausap kahit isa. Maging ang matalik na kaibigan nito na siya na rin niyang pinsan. Naiisip niya pa rin ang panloloko ng dating girlfriend nito sa kanya. Niloko siya ng isang babae na mahal na mahal niya. Iniputan siya sa ulo, meron pala itong ibang kasintahan na mas malapit sa kanya na siyang kasama niya sa araw araw. Bakit nga naman kasi mag mamahal siya ng nasa malayo at hindi niya nakikita araw-araw. Sinisisi tuloy niya ang kanyang sarili sa nangyari.

Makikita na lang ni May minsan kapag dumadalaw ito sa hospital na umiiyak si Red, hindi man niya ito pinakikita subalit napapansin pa rin ito sa kilos at sa mga mata niya. Awang awa ang pinsan niya subalit wala rin naman itong magagawa kundi ang i-comfort siya sa paraan na hindi na mag-iisip ito sa nakaraang relasyon ni Red.

Nag vibrate ang cellphone. Si May ang nakakita ng text.

“Sino ito?” reply ni May

“Si Sky” sagot ni Sky

Nagpakilala siya kay May, galit na galit si May sa nalaman niya at sinabi niya ang nangyari sa kanyang kuya na dahil sa pinsan nito napahamak ang kuya niya. Hindi ni May pinaalam kay Red na nag text si Sky. Dinala ni May ang cellphone ng kuya, ito na ang naging pasya ni Red dahil ayaw niya muna gamitin ito at maka tanggap ng mensahe kahit kanino.

Nung mga panahon kasi na maayos pa si Red at ng ex-girlfriend niya si Sky ang kinukulit nito kapag nag-aaway sila ng kasintahan. Siya ang kinukulit kung kumaen na ba ito. Kung tulog na ba ito. Kung ok lang ba ito, ano ba ang ginagawa nito, na sobrang kinaka asar ni Sky dahil pwede naman niya ito direktang tanungin sa nobya. Kaya hanggat maaari ay umiiwas ito na makausap o mag reply kay Red para maiwasan na din ang masamang iisipin ng ibang tao. Subalit iba din ang kakulitang taglay ni Red. Text ng text ito kahit hindi nire-replyan ni Sky.

Hanggang isang araw, pinag tapat ng nobya ni Red na meron itong kasintahan sa barangay nila na naging dahilan ng kalungkutan at pagiging sawi ni Red. Hindi niya matanggap kasi na niloko siya nito. Hindi niya akalain na magagawa ito sa kanya sa kabila ng pagiging seryoso nito sa kanya. Naging 1 woman man lang ito, dahil ayaw niya magaya sa mga tropa niya na iniiwan ng girlfriend kada buwan. Subalit hindi niya inaasahan kahit seryoso siya dito ay nagawa pa rin siyang lokohin.

Si Sky ay nagta trabaho sa bahay ng Lola niya para tustusan ang pag-aaral niya sa kolehiyo. Dahil ang ama ni Sky ay isang mangingisda ang ina naman nito ay isang ex-abroad at ngayon ay nasa bahay na lamang. Nahihiya kasi ito na humihingi na lang ng pera basta basta ng walang kapalit kaya napag pasyahan niya na mag trabaho sa bahay ng Lola kapalit ng pagbibigay ng allowance ng kanyang Tita na noon ay nasa abroad. Ang pinsan ni Sky ang paboritong apo ng mga Lola niya, dahil simula isilang ito ay Lola na niya ang nag-alaga dito. Kaya naman walang ibang guguluhin si Red kundi si Sky dahil magkasama sila sa bahay ng dating nobya.

Sa kabilang banda, masama man ang loob ni Red sa nangyari ay tinatanong pa rin niya kung nasaan ang dating nobya kahit alam naman niyang may kasama na itong iba. Hindi niya pa rin daw kasi matiis baka kasi tama ang nasa isip niya pinagti tripan lang siya nito.

Ito ang dahilan ng pagkaka aksidente ni Red, bago pa man mangyari ang aksidente ay kinumpirma muna niya ito kay Sky kung totoo nga aba, dahil parang nananaginip lang siya at naguguluhan kung totoo nga bang nangyayari sa buhay niya ito ngayon.

Subalit nakumpirma niya kay Sky na totoo nga ang sinabi ng dating nobya niya na meron na itong kasintahan ilang buwan na ang nakakaraan. Matagal na itong may ibang kasintahan hindi lang pinagtatapat sa kanya, hindi alam ni Sky ang dahilan o marahil ay humahanap lang ito ng pag kakataon sabihin sa kanya. Ayaw lang unang ipag tapat ni Sky kay Red dahil ayaw niyang mang himasok sa relasyon ng may relasyon at tahimik lang ang buhay niya ayaw niya makisali sa gulo.