CHAPTER 17 "JACKET"

DAHIL nga niyaya siyang kumain ng bibingka at puto bumbong ni Vincent pagkatapos ng misa, pasikat na ang araw nang makauwi at makabalik sila ng bahay. Ganoong oras nagigising ang mga magulang ni Vincent, at katulad ng inasahan ni Isla, inabutan nila ang mga ito na kumakain ng agahan sa komedor.

"Good morning Mama, Papa," bati ni Vincent saka hinalikan sa pisngi ang mga magulang nito.

"Good morning, ma'am, sir," ang nahihiya rin niyang bati pagkuwan sa mga magulang ng binata.

Mabait na ngumiti sa kanya si Manuel. Habang si Ruby naman ay katulad parin ng dati, nasa mukha nito ang formality nang sulyapan siya ng babae.

"Where did you come from at bakit suot ni Isla ang jacket mo?” tanong ni Ruby sa anak nito habang nakataas ang isang kilay siyang sinulyapan muna bago ibinalik ang paningin at atensyon kay Vincent.

“Ah kasi po---,” sinubukan niyang magpaliwanag pero naunahan siya ni Vincent

“Niyaya ko si Isla na