CHAPTER 45 "THE CONTINUATION"

PRESENT DAY…

MALUGOD ang naging pagtanggap ng mga magulang ni Vincent kay Matthew. Kitang-kita sa mukha ng dalawang matanda ang labis na kaligayahang dala ng anak niya sa mga ito. Pero sa kabila ng lahat ng iyon ay hindi pa rin talaga madaling kalimutan ang lahat. At sa totoo lang, kailangan niyang aminin kahit sa sarili man lang niya na hanggang ngayon ay nasasaktan pa rin siya, para sa kaniyang ama at madrasta. Pakiramdam kasi niya ay hindi kumpleto ang mansyon kung wala ang mga ito.

“Kumusta ka na, Isla?” si Manuel na nakangiti pa siyang niyakap.

Gumanti rin naman siya ng yakap sa matandang lalaki. Habang kapansin-pansin sa ang blangkong emoyon ng mukha ni Ruby habang nakatitig ito sa kanya.

“Aakyat na muna kami, Ma,Pa,” paalam ni Vincent na kinarga si Matthew saka pagkatapos ay mahigpit na hinawakan ang kamay niya.

Sinubukan niya iyong bawiin mula rito pero mas higit pang humigpit ang pagkakahawak ni Vincent sa kamay niya nang maramdaman nito marahil ang kaniyang pagtatangka.