CHAPTER 4

Kinabukasan, parang nasa sementeryo sa Luxe Life Magazine. Walang matapang na kayang bumati kay Cesar Araneta — ang CEO na trending kagabi bilang  “#HeartlessButHandsomeBoss.”

Ang post ni Gavine,  na akala niya ay simpleng joke, ay nagmistulang atomic bomb sa opisina.

Sa conference room, tahimik ang buong team,

lahat halos nakayuko, para bang nasa funeral ng kanilang mga karera.

Pumasok si Cesar, suot ang itim na suit at mukhang kalmado. May hawak siyang tablet — at nakabukas ang viral post.

Ang title: “10 Signs Your Boss Might Be Handsome but Heartless.”

By: Anonymous Intern

Malamig ang boses ni Cesar. “Anonymous?” Tumingin siya kay Gavine. “I wonder who that could be.”

Tahimik.

Ang tunog lang sa kwarto ay ang tik-tak ng relo at ang kabog ng dibdib ni Gavine.

“Sir…” mahina niyang sabi, “it wasn’t meant to insult you. It was supposed to be funny—relatable lang po sa mga Gen Z readers.”

“Funny?” ulit ni Cesar, malamig. “You think it’s funny to publicly humiliate your own boss? To make the entire company a meme?” Nilingon niya ang team.“Look around, Miss Gutierrez. Do you see anyone laughing?”

Tahimik. Si Zoila napayuko. Si Joshua parang gustong maglaho. Si Amanda pinipigilan ang hikbi.

Pero sa kabilang banda — habang lumalala ang galit ni Cesar —nagpapatuloy ang notifications sa phone ni Amanda. “Sir… there’s something you should see,” sabi niya, nanginginig.

Pinakita niya ang trending tag:

#HeartlessButHandsomeBoss — 1.2 Million Shares. 

At ang mga comments:

“Omg this is so me! Crush ko si prof ko pero parang bato rin.”

“Relate much! Shoutout sa boss kong cold pero pogi.”

“If this article is about you, Sir Cesar Araneta, so it's  true that your a heartless bachelor in town!!”

"Crush ko nga iyan ang gwapo kasi ni Mr. Araneta kahit hindi marunong ngumiti🫰"

Habang binabasa ni Cesar ang mga comments, lalong namumula ang mukha niya.

“So now I’m an internet crush?!” sigaw niya.

“Sir, technically… yes,” sagot ni Miggy, natatawa pero takot.

“Do you think this is good publicity?!”

Tahimik ulit ang lahat.

Tumingin siya kay Gavine. “Miss Gutierrez, answer me honestly — why would you write something like this? Do you really think I’m heartless?”

Hindi agad nakasagot si Gavine.

Pero nakita ng lahat — nanginig ang baba niya, at unti-unting namuo ang luha sa mata.

“Sir… hindi po iyon ang ibig kong sabihin. Hindi  po sa sinisiraan  kita. I was  trying to show that… even someone who looks so cold can be admired. Kasi minsan, ‘yung pusong bato, may dahilan kung bakit naging gano’n.”

Tahimik si Cesar.Pero hindi niya pinigilan ang inis niya. “You’re not a psychologist, Miss Gutierrez. You’re an employee. And you’ve crossed a line.”

Bumagsak ang luha ni Gavine, sabay tayo niya.

“Sir, I’m sorry. I didn’t mean to embarrass you or the company.”

“Embarrass?” ulit ni Cesar. “You’ve turned Luxe Life into Love Life! We’re a luxury magazine, not a diary of your delusions!”

Lahat napatingin kay Gavine.Tahimik lang siya, pero kita sa mata niya ang sakit.

“Understood, Sir,” mahinahon niyang sagot, nanginginig ang boses. “It won’t happen again.”

Lumabas siya ng kwarto, bitbit ang folder at ang luha na pilit niyang pinipigilan.

Paglabas niya, biglang nag-tilian ang mga kasama niya dahil sa notipikasyon sa social media wall ng kumpanya.

#HeartlessButHandsomeBoss — now trending #1 Worldwide.

At may isa pang trending tag:

#ProtectTheIntern.

May libu-libong Gen Z users na nagtatanggol kay Gavine.

“She’s a genius! I actually followed the page because of her!”

“This girl saved Luxe Life — and she’s right, sometimes cold people just need warmth.”

Habang tinitingnan iyon ni Zoila, napabuntong-hininga siya. “Sir, I know you’re mad… pero she made Luxe Life viral for the first time in ten years.”

Si Cesar ay tahimik lang, pero halata sa mukha niya ang inis. At sa loob ng opisina, kahit galit pa rin siya, ang mga salitang binitawan ni Gavine ay paulit-ulit na tumutugtog sa isip niya:

“Minsan, ‘yung pusong bato, may dahilan kung bakit naging gano’n.”