Chapter 12: Stronger

MALAMIG ang kanyang mga kamay nang hawakan ang seradura at mahinang pinihit iyon para buksan. Nang unti-unti niyang maitulak ang pinto, huminga siya ng malalim at itinulak din ang sarili papasok.

Mula sa pagsusulat, nag-angat ng tingin si Kevin. Rumehistro sa mukha nito ang gulat nang makita siya. Halatang hindi inaasahan ng lalaki ang kaniyang pagpunta.

"Phoebe." Halos pabulong nitong sambit sa kaniyang pangalan.

Mahigpit niyang hinawakan ang folder na dala at naglakad palapit sa mesa ng lalaki. Tumayo naman ang huli at hindi malaman kung sasalubungin ba siya o hindi.

"I came here for this," banayad niyang saad.

Inilapag niya sa mesa ang dalang folder na sinundan naman agad ng tingin ng lalaki. Kumunot ang noo nito at sinulyapan siyang muli.

"I want you to review these papers. Marami akong hinahabol na meeting at may mga problema din akong sinubukang ayosin