Chapter 68

Habang itinuturo ng receptionist ang daan patungo sa fashion event, biglang may lumabas na nagmamadaling lalaki— na muntik ng mabangga si Zach.

“I’m sorry!” Itinaas nito ang kamay dala ang isang bag at mabilis na nilampasan siya.

Napailing siya at hindi na lang ito pinansin. Nang nasa tapat na sila ng elevator ni Olivia, narinig pa niya ang pangalan na tinawag ng lalaki.

“Katie!”

Napakunot-noo siya na nilingon ang lalaki. Nakita niya na may kausap itong babae pero natatakpan ang kabuan nito ng pader. Hanggang pumasok sila sa elevator at sumara iyon ay hindi na niya nakita pa ang itsura ng babae. Bigla kasing pumasok sa isip niya ang nag-iisang taong kilala niyang nagmamay-ari ng pangalan na iyon.

“LTG Zachary Silva?” tanong ng babaeng coordinator ng fashion show nang pumasok sila sa fashion hall. Malawak itong nakangiti at niyakap siya. “Welcome! I’m happy to have you here!”

Ngumiti siya nang pakawalan nito. “Thanks for inviting me,” aniya.

“Well, thanks to Zaira!” Tumawa ito. Itinu