CHAPTER FIFTY-FOUR

THIRD PERSON:

Huminto ang lahat ng ingay sa loob ng lumang bodega nang pwersahang itinulak ni Sebastian si Rodulfo—nakagapos ang mga kamay, duguan, at halos wala nang lakas—diretso sa harapan ni Rocco. Kasunod nito, mabilis ding ibinagsak sa malamig na sahig si Ethan, nakatali, sugatan, at walang kalaban-laban.

Madilim ang paligid, ang kisame’y tanging may isang sirang fluorescent na ilaw na kumikislap-kislap, tila ba naghihingalo. Amoy kalawang ang hangin, hinalo pa ng baho ng natuyong dugo at pawis. Mula sa sulok, rinig ang tuloy-tuloy na lagaslas ng tumutulong tubig sa kalawangin at basang sahig. Ang bawat tunog at hinga nila’y umaalingawngaw sa loob, para bang nasa isang hukay na walang labasan.

“Boss, malinis po. Walang nakabuntot sa kanila!” sigaw ng isa sa mga tauhan ni Rocco habang nakabantay sa paligid.

“Ayan na ang hinihingi mo, Rocco!” malamig at mariing tinig ni Sebastian, nanginginig ang panga at umaapoy ang galit sa kanyang mga mata. “Pakawalan mo na sila Isabella!”

Ngun