Chapter1

"Sa wakas biyernes na naman ngayon guys, pwede na naman tayong lumabas mamayang gabi. Ilang linggo din tayong hindi nag bar. Boring na boring na ako lagi na lang trabaho...trabaho...trabaho...kaylangan din nating mag relaks," nakangusong sabi ni Cheska.

"Hindi ako pwede dahil may trabaho ako mamayang gabi. Alam naman ninyong kaylangan kong magtrabaho ng magtrabaho dahil alam niyo na malapit na akong ikasal. Gusto kong tulungan ang aking mapapangasawa sa mga gagastusin namin. Ayoko naman na iasa lahat dito, gusto kong makatulong at may pera din dahil marami akong mga pinsan na darating that time. Alangan naman na hihingi pa ako sa kanya diba," mahabang paliwanag naman ng kaibigan naming napaka bait.

"Alam mo Aya kung hindi ko lang alam na mayaman ang pamilya ng mapapangasawa mo baka masabihan na kitang ikaw yung groom at siya na yung bride to be. Hindi mo naman kaylangang patayin ang iyong sarili dahil lang diyan. Ang yaman yaman nila at si Jake may stable naman ng trabaho kaya bakit kaylangan na pati ikaw mag doble pa ng trabaho para lang makatulong sa kasal na yan," paliwanag ko dito.

"Mahal ko nga siya bess...mararanasan niyo din ito balang araw kapag nahanap na ninyo ang taong mahal niyo," sagot nito kay Cheska habang nakatingin sa aming dalawa.

"I already found my one," wala sa sariling sabi ko.

"Huwag mo nga kaming pinaglolokong imapakta ka. Ikaw na puro trabaho lang ang ginagawa tapos sinasabi mo ngayon na nahanap mo na ang the one mo," sagot ni Cheska sa sinabi ko.

Hindi kasi nila alam ang story namin ni William. Hindi naman ako nag kwento sa kanila noon basta ang alam lang nila pinsan ko si William at close lang kaming dalawa. Lihim lang kasi ang relasyon naming dalawa noon, ayoko namang sabihin sa kanila at natatakot ako na baka hindi nila matanggap ang pinaggagawa ko. Gusto ko nang sabihin sa kanila ngayon ang lihim ko, ngayong mahigit limang taon na ang nakaraan. 

Nakauwi na siya at hindi ko alam kung sakaling mag krus pa ang landas naming dalawa pareho pa rin ba kami ng nararamdaman. Nandito na siya at halos dalawang buwan na siyang naninirahan dito. Patago ko siyang sinusundan at tinititigan. Lalo pa siyang gumwapo ngayon at tumangkad, nagkaroon na rin siya ng matikas na pangangatawan. Napansin kong hindi na siya gaya dati na pala ngiti at lalong hindi na siya nagpupunta sa bahay.

"Hoyyyy bruha ka...kanina pa kami nagsasalita dito tapos ikaw tulala lang diyan. Ano bang iniisip mo at mukhang napakalalim nito," sabi na naman ni Cheska. 

"Kaya nga bess...May problema ka ba, hindi ka mapakali diyan. Tell us hindi naman kami mangangain ni Cheska. Nandito lang kami bess if ever you need us. Ako nga wala akong masabihan dahil nasa probinsiya ang aking mga magulang at lalong hindi ko masabi sa aking mga kapatid dahil puro sila busy at lagi akong kinukutya ng mga yon kaya mahirap nang magsabi sa kanila. Kayo lang ang mga taong nasasabihan ko ng problema. Kayong mga kaibigan ko lang ang kayang umintindi sa akin kaya nagpapasalamat ako lagi dahil nakatagpo ako ng kaibigang gaya ninyo," mahabang paliwanag ni Aya. 

"Sana ganoon ka rin...I know sa expression mo pa lang yan may problema ka ng dinadala. Ilang araw ko ng nahahalata yan hindi lang ako umiimik. There's something on you na hindi mo lang masabi," dagdag pa niya. Napabuntong hininga ako at napaisip na kaylangan ko ng sabihin sa kanila ang problema kong matagal ko ng kinikimkim. Bahala na kung tatanggapin nila ako o hindi sa isip isip ko.

"Ok...If you wanna know my problem come with us tonight sa bar. Sasabihin ko ang matagal ko ng problema na hindi ko masabi sabi sa inyo," seryoso kong pahayag sa mga ito.

"Come with us Aya for the sake of Jam. Let this shit family dine together and let them cook for themselves," mura nito. Napangiti tuloy ako sa kanya, derederetso kung magsalita walang pakealam kung masaktan man ang kaibigan niya o hindi. Nagpapakatanga kasi itong kaibigan naming ito sa lalaking yun na mukhang ginagamit lang naman siya.

"Ok ok...you don't need to insult them duhhh!!!!" nakataas kilay din na sagot nito.

"Great...see you all there at 7 pm," ani ko sa kanila. 

"See you bess... dating gawi...see you also Aya make sure you will come or else...." pabitin nitong pahayag kay Aya saka tinuro at sumenyas na "your dead" kung hindi pumunta. Naiiling ako sa inaakto ng gaga kong kaibigan.

"Sure...magpapaalam ako sa aking trabaho at kay Jake...kung makaasta naman ang gagang to akala naman wala akong isang salita," dakdak din ng isa.

"Hindi nga ba? Lagi lagi na ngang sila ang rason mo, make sure na makakapag paalam ka diyan sa mga biyanan mong hilaw na mas hilaw pa sa mangga," patama na naman ni Cheska kay Aya.

"Oo na nga ang kulit talaga ng impakta...Gotta go Jam, see you tonight and make sure to tell us every detail of your problem. We are here bess, we got your back." Sabi ni Aya ng humarap sa akin hindi niya na pinansin si Cheska na dakdak ng dakdak sa tabi namin. Naantig ako sa sinabi nito kaya I will make sure na masabi ko na ng tuluyan sa kanila para mawala na ang bigat na aking dinadala.