Kabanata 18

Sumimangot si Luna. “Bakit?”

“Masama po ang intensyon ng babaeng ‘yun!” mabilis na sumagot ang emosyonal na si Neil, “Mommy, hindi ko po maipapaliwanag kung paano ko nalaman, pero halata na gusto niya pong saktan si Nellie. ‘Wag po kayong sumama sa bukas!”

Nagbuntong hininga si Luna. “Neil, ang iniisip moa ay iniisip ko na rin, pero alam mo naman na wala akong kapangyarihan. Hindi ako pwedeng mag desisyon para kay Nellie. Lagi siyang binabantayan ni Joshua.”

Kapag pinigilan ni Luna ang ‘bonding’ nila Nellie at Aura, mas lalaki ang paghihinala sa kanya ni Joshua. Maliit lang ang kapangyarihan niya para protektahan si Nellie dahil sa katayuan niya, kaya’t talagang nagalit siya nung pinadala ni Neil si Nellie kay Joshua.

Huminga siya ng malalim. “‘Wag kang mag alala. Gagawin ko ang lahat para protektahan si Nellie.”

Kung sabagay, maraming tao sa loob ng amusement park. Sa publiko, kasama si Luna at ang mga bodyguard na pinadala ni Joshua, hindi magagawa ni Aura ang mga gusto niya.

“Pero…” alam ni Neil ang sitwasyon ng nanay niya. Tinikom niya ang kanyang mga labi, malungkot ang kanyang boses, “Hindi ko na po dapat pinagtagpo si Nellie at si Joshua Lynch…”

Gusto lang naman niya gamitin si Nellie para mabilis natapos ng Mommy niya ang kanyang plano, ngunit hindi niya inaasahan na desperadong susubukan ni Aura na saktan ang isang anim na taong gulang na babae!

“‘Wag na nating pag usapan ‘to.” Nagbuntong hininga si Luna. “Hindi ka mababantayan ni Mommy ngayon. Kaya’t makisama ka muna sa ninang mo. Naiintindihan mo ba?”

“Okay po.” Mahina ang boses si Neil. “Ibababa ko na po pala ‘to, Mommy.”

“At,” sumimangot ang babae. “Maging mabait ka. ‘Wag ka nang gumawa ng mga plano tungkol kay Aura at Joshua, naiintindihan mo ba?”

“Opo.”

...

Kinaumagahan, dumating si Aura sa Blue Bay Villa.

Dahil sa mga utos ni Joshua, pinigilan siya ng bodyguard sa labas ng pinto.

Habang nakatayo sa labas ng villa, ngumiti si Aura at tinawag ang pangalan ni Nellie. “Nellie, tara na!”

“Ilalabas kita para gumala tayo!”

“Nellie!”

Sa loob ng kwarto ni Nellie, nakaupo sa harap ng maliit na salamin si Nellie at pinanood niya si Luna nagsusuklay ng buhok, makikita sa mga labi niya na hindi siya natutuwa. “‘Ayaw ko po ng tita na katulad niya. Ayaw ko po sa kanya! Ayaw na ayaw!”

Patuloy sa pagbulong ang batang babae, “Bakit po ako pinapasama sa kanya ni Daddy? Sinabi ko na po sa kanya na ayaw ko sa babaeng ‘yun, pero pinapasama niya pa rin po ako sa kanya!”

Napahinto ang kamay ni Luna na nagsusuklay. “Si Aura ang taong gusto ng tatay mo at siya ang magiging asawa ng tatay mo. Naalala mo ba ang sinabi ko sayo? Hindi mo pwede sabihin na ayaw mo sa ibang bagay kapag gusto niya yung bagay na ‘yun. Ganun din sa mga tao.”

Tinikom ni Nellie ang kayang mga labi, makikita at pagrereklamo sa kanyang mukha. “Naglalabas lang naman po ako ng sama ng loob…”

“Simula ngayon, hindi na dapat.”

“Okay po.” hindi masaya ang batang babae, ngunit hindi niya na ito ipinagpatuloy.

Sa labas ng villa, patuloy sa pagsigaw ang babae, “Nellie, oras na para umalis!”

Maigsi lang ang pasensya ni Aura.

Sa loob lang ng kalahating oras, maraming beses niyang sinabi sa mga katulong na madaliin sila habang sumisigaw mula sa labas.

Dahil naiirita na si Nellie, hindi na siya kumain ng agahan habang hinila niya palabas si Luna.

“Nellie—”

Nung lumabas na sina Luna at Nellie, nakatayo pa rin sa labas si Aura at nakatingin siya sa direksyon ng kwarto ni Nellie. “Dadalhin kita sa amusement park, Nellie. Maglalaro tayo! Tara na!”

“Busy ang tatay mo, at duwag ang nanay mo dahil hindi pa siya umuwi, kaya’t bilang isang tita mo, gagawin ko ang tungkulin ng isang magulang at sasamahan kitang gumala—!"

“‘Wag ka nang sumigaw.” nakatayo si Nellie sa tabi ng pinto ng villa habang may malamig na ekspresyon sa kanyang mukha. “Ang ingay niyo.”

May malamig na tingin na namuo sa mga mata ni Aura bago ito naglaho. Naglakad siya patungo kay Nellie, puno ng lambing ang mga mata niya, at niyakap niya ang maliit na katawan ni Nellie. “Akala ko tulog ka pa!”

Tumingin siya sa mga damit at buhok ni Nellie. “Ang ganda ng itsura mo ngayon!”

Masaya ang boses niya, mahinay ang mga kilos niya, at mabait din ang mga mata niya, ngunit kinilabutan si Nellie sa pagpapanggap niya.

Lumingon si Nellie at napatingin siya kay Luna. Ngumiti ang nanay niya at sumenyas na kumalma siya.

“Pumasok na tayo sa kotse.”

Nang mapansin niya ang tinginan nila Luna at Nellie, dinala ni Aura si Nellie sa backseat ng kotse. Tinaas ni Luna ang kanyang paa para pumasok rin sa kotse.

“Sa tingin mo ba makakaupo ka sa kotse na ‘to?” malamig na suminghal si Aura at pinigilan niya si Luna. “Yaya ka lang. ‘Wag mong tingnan ng mataas ang sarili mo! Doon ka na lang sa kotse ng mga bodyguard. ‘Wag mong istorbohin ang bonding namin ni Nellie!”

Sumimangot si Luna. “Hindi kumain ng agahan si Nellie, at may tinapay ako sa bag. Pwede ko siyang pakainin.”

“Ako rin naman!”

Inagaw ni Aura ang bag sa kamay ni Luna, yumuko siya papasok ng kotse, at pumasok sinara niya ang pinto.

“Pumasok ka na sa kabilang kotse!”

Walang nagawa si Luna kundi tumitig siya kay Nellie bago siya pumasok sa kotse sa likod nila.

Nagsimula na sa biyahe ang kotse.

Nakaupo si Luna sa pagitan ng ilang security guard at nagsuot siya ng headphones.

Matagal niya nang inasahan na gagawa ulit ng gulo si Aura, kaya’t sadya siyang gumawa ng pagbabago sa necklace na suot ni Nellie.

Maririnig ang masamang boses ni Aura sa kabilang dulo ng headphone.

“Nellie, pwede mo bang sabihin sa akin kung nasaan ang nanay mo, please?”

“Nellie, tinuro ba ng nanay mo sayo na maging masama sa akin?”

“Bakit hindi pa siya bumalik? Pinapunta ka niya, isang maliit na bata, para bumalik sa tatay mo dahil gusto ka niyang gamitin para matuwa ang tatay mo, para makuha niya ang mga benepisyo? Anim na taong gulang ka lang, at nakakaawa na gamitin ka ng nanay mo ng ganito…”

Nanatiling malamig si Nellie sa buong biyahe, kahit na anong sabihin ni Aura, at hindi nagtagal bago dumating ang kotse sa amusement park.

Maraming tao sa amusement park sa dulo ng linggo, ngunit tila natuwa si Luna nang makita niya ito.

Mas maraming tao, mas ligtas dito.

Habang may pekeng ngiti sa kanyang mukha, bumili ng mga ticket si Aura para kay Nellie at pinakita niya ang iba’t ibang mga ride na pwede. Tulad ng payo ni Luna, tinanggihan ni Nellie ang lahat ng mga laro na mapanganib at nagpanggap na natatakot siya dito.

Walang masabi ang hindi natutuwa na si Aura.

Ngunit, habang nakatayo sila sa Ferris Wheel, hindi makatanggi si Nellie.

Tumingala ang bata at tumingin siya sa Ferris Wheel ng may pananabik. “Pwede… po ba ako sa ride na ‘to?”

“Siyempre!” may bahid ng tuwa sa mga mata ni Aura.

Agad niyang inutusan ang bodyguard sa tabi niya, “Bumili ka ng ticket para sa Little Princess; dalawang tickets!”

Nang mabili na ng bodyguard ang mga ticket, lumingon si Aura at tumingin siya kay Luna ng nakangiti. “Nag aalala ka sa bawat bagay buong umaga, na para bang papatayin ko si Nellie.”

Pagkatapos, umupo ng komportable ang babae. “Pakiusap, samahan mo siya Ferris Wheel habang nagpapahinga ako. Pati, maghihinala ka rin naman kung hindi.”

Sumimangot si Luna at naramadam niya na may kakaiba sa kinikilos ni Aura, ngunit bago niya pa pag isipan ang layunin ni Aura, sabik na kinuha ni Nellie ang kamay niya at nag madali siyang pumunta Ferris Wheel. “Auntie, buong araw ko na pong gusto pumunta sa Ferris Wheel kasama kayo!”

Alam niya na mahilig si Mommy sa Ferris Wheel, ngunit habang nakatira sila sa ibang bansa, masyado siyang busy at wala silang oras para magpahinga at mag relax.

Ito na ang pagkakataon nila!

Sabik na hinila ng batang babae si Luna, binigay ang kanilang ticket, at umupo na sila. “Ang saya ko po!”

Walang magawa si Luna kundi umupo sa tabi nila.

Nagsimula nang umikot ang Ferris Wheel.

Nagbago ng posisyon si Aura ng mas komportable at umupo siya sa upuan, malamig siyang nakatingin sa taong nasa paligid. “Nakahanda na ba ang lahat?”

“Opo, Ma’am.”

Ngumiti ng matagumpay ang babae.

Gusto nila ang Ferris Wheel? Puwes, habang buhay silang mananatili diyan!