6

ISANG LINGGO matapos ang insidente na iyon, balik bossy at strikto na ulit si bossing, lagi akong pinapagalitan, pero tinuturuan din naman ako kung paano gawin.

Ilang araw na rin akong hindi tumatawag sa probinsya, tinuon ko na lang ang atensyon ko sa trabaho, siguro nga tatawag na lang ako pag magpapadala na ko ng pera.

Nagbilin na rin si sir Kalix na mamili ako ngayon, dahil may bisita siyang darating bukas, tinapos ko lang ang pag lilinis ko, tsaka ako naligo, at pumunta sa supermarket. Inilbas ko ang listahan ko, nakaready na ang pang tatlong araw na ulam ni bossing. Tinanong ko sya kahapon kung ano ang mga ulam na gusto niya.

Gusto nya daw ng afritada, nilaga, bicol express, at syempre, adobong baboy. Naging instant favorite nya yon. Pumunta muna ako sa meat section at namili ng mga gagamitin ko, isinunod ko ang mga gulay, at rekado. Mas gusto ko sana kung sa palengke ako bumili, at least don, makakatawad ako, at makakapag ikot, kung saan mas mura, kaso sabi ni bossing, mas safe