Chapter 4

NANG makarating si Anthony sa mansion nila ay naroon na rin ang iba.

"Good day everyone!" masigla niyang bati pagkabungad sa kanilang malawak na living room. "Aray!" daing niya ng may tumama sa kanyang dibdib. Nasundan niya ng tingin ang bagay na 'yon-tsinelas?

Nakarinig siya ng tawanan kaya napalingon siya sa pinanggagalingan ng tawanan.

Ang pamilya niya. Napadako ang tingin niya sa kanyang mommy na nakatayo habang nakahalukipkip at masama ang tingin sa kanya.

Napangiwi siya ng ma-realize na ang mommy niya ang bumato sa kanya kaya mabilis niyang sinugod ito ng yakap.

"I miss you my queen," malambing niyang sabi sabay halik sa pisngi ng mommy niya.

"Ako ay tigi-tigilan mo Anthony Dale! Saka lumayo ka nga sa akin, umaalingasaw pa ang kalandian mo! Amoy sperm ka pa, y*ck!" Pilit siya tinutulak ng mommy niya pero pilit naman siya nagsusumiksik at mas hinigpitan ang pagkakayakap dito.

Mas lumakas ang tawanan kaya napabaling siya sa mga ito. Binitiwan niya ang mommy niya at humarap sa mga tumatawa.

"Ano ang nakakatawa?" Kunot noo niyang tanong.

"Iho, maligo ka nga muna. Tama ang mommy mo, amoy malangsa ka. Saan mo na naman palengke nakuha ang inararo mo," sabi ng lola niya.

Napakamot siya sa batok dahil talagang alam na alam na ng mga ito ang likaw ng bituka niya.

"Sige na Anthony Dale! Hindi pa ako tapos sayong bata ka!" Kumaripas na siya ng takbo bago pa magtuloy-tuloy ang sinasabi ng mommy niya.

HALOS INABOT si Anthony ng kalahating oras bago bumaba. Dahil maaga pa ay nasa living room pa ang mga ito kaya duon siya dumiretso.

Naririnig niya ang ingay. Nang tuluyan siyang nakarating sa living room ay napailing siya ng makitang naglalaro ng snake and ladders board ang daddy niya, lolo, tito, ang kuya niya na si Kevin at pinsan na si Andrew habang nakasalampak sa carpet. Wala ang lola, mommy at tita niya at baka nasa kusina. Bumalik ang tingin niya sa apat na naglalaro.

'Parang mga bata!'

"Lo, lumagpas ka dapat dito ka mag-stop," reklamo ni Kevin. Si Kevin ay nakakatanda niyang kapatid pero hindi niya tinatawag na kuya ito dahil isang taon lang naman pagitan nila.

"Apo, may sinasabi ka ba?" sabi ng Lolo nila na pinamulagatan ng mata si Kevin.

"Sabi ko nga wala po." Natawa na lang siya dahil tiklop talaga sila sa mga old man.

Sabay-sabay lumingon ang mga ito sa kanya.

"Oh! Nandito na pala ang f*ck boy ng Villaflor," anunsyon ng lolo niya.

Mabilis siyang humakbang palapit sa mga ito at nakipagfist bump sa lima.

"Seriously? Para kayong mga bata." Tumabi siya sa tabi ng lolo niya.

"May premyo ang mananalo rito," sabi ni Andrew na ito na nagpapaikot sa dice.

Huminto sa five bullets ang dice. Nagsimula magbilang si Andrew. Maging si Anthony ay napasunod.

"One, two, three, four what the f*ck!" malakas nitong mura nang huminto sa may

ahas.

Bumunghalit ng tawa ang mga naglalaro dahil imbes malapit na sa finish line ay bumalik siya sa umpisa.

Nagdadabog si Andrew na ibinalik ang pato niya kung saan nararapat.

"Ang iingay n'yo!" Lahat sila ay napadako ang tingin sa nagsalita.

Ang lola niya na nakasimangot habang nakatingin sa kanila.

"Meryenda muna tayo." Bungad naman ng mommy niya at Tita Clarissa-ang mommy ni Andrew.

Lumapit ang mga ito at inilapag ang tray. Habang si Anthony ay lumapit sa mga ito at humalik sa kanya-kanyang pisngi.

"Ayan, amoy baby ka na ulit," komento ng lola niya na pinaghahalikan pa siya sa mukha. Lola's boy kasi siya. Mahigpit naman siyang yumakap dito at iginiya paupo sa malambot at malaking sofa.

Habang ang lima ay nagpatuloy sa paglalaro.

"Anthony Dale, hindi pa tayo tapos, ah! Paano mo naatim na unahin 'yang pangangailangan ng hotdog mo kaysa sa amin?!" Napatawa siya sa tinawag ng mommy niya sa kanyang alaga.

Nang tingnan siya nito ng masama ay nagtago kunwari siya sa likuran ng lola niya.

"LA, oh, si mommy. Ginagawa akong seven years old," sumbong niya.

"Leila, malaki na ang anak mo. Saka, natural na sa kanila ang bagay na 'yon kaya hayaan mo na." Napangiti si Anthony dahil sa pagtatanggol ng lola niya. "Aray, Lola!" malakas niyang daing ng pingutin siya nito sa tainga.

Nang pakawalan siya ay nakangiti pa ito tiningnan siya. "Apo, sa susunod na unahin mo 'yang hotdog mo, ako na puputol d'yan." Bigla na lang siya napahawak sa gitnang bahagi ng katawan niya.

Akala niya pa man din ay ligtas na siya, mali pala siya.

"Yes! Yes! I'm the winner!" malakas na sigaw ni Kevin na tumayo pa habang sumusuntok sa hangin ang umagaw sa atensyon nila.

Para naman pinagbagsakan ng langit ang apat na natalo.

"Ano ba premyo ng nanalo?" tanong ni tita Clarissa.

Ang lima ay dumako ang tingin kay Lola. Mukhang siya ang magbibigay ng premyo.

Malapad naman na ngumiti ang lola nila. "One week vacation in any country you want with all expenses charge to me." Napasinghap sila sa narinig. Hindi naman sa hindi nila afford pero iba pa rin kapag libre, 'di ba? "But, with your partner, as in girlfriend."

Nakita ni Anthony na bumagsak ang mga balikat ni Kevin. Habang sila ay napangisi.

"Lola naman, I don't have girlfriend. It's unfair!" Nagpapadyak si Kevin habang nakalukot ang mukha. 'Ang panget!'

"Makakapaghintay naman ito, apo. Hanggang sa makakita ka ng babaeng gusto mong isama sa isang linggong bakasyon," turan muli ng lola nila.

Mas lalong lumukot ang mukha ni Kevin at lumapit sa mommy nila. Kevin is a mama's boy. Sa kanilang mommy ito naglambing.

"Kayong tatlong pugo, ano ba balak n'yo sa mga sperm n'yo?" tanong ni tita Clarissa.

Kanya-kanya silang pagtutol sa sinabi nito.

"Mommy naman, bata pa kami," depensa ni Andrew.

"Opo nga," sabay nilang pagsang-ayon ni Kevin.

"Anong bata? Nasa tamang edad na kayo para magsipag-asawa at ng mabigyan n'yo na kami ng apo sa tuhod," singit ng lolo nila.

Pinakaayaw nilang tatlong pinag-uusapan ang pag-aasawa. Ewan ba nila. Naniniwala naman sila na may nakalaan para sa kanila. Hindi pa lang nila nakikita.

Biglang pumasok sa isip niya ang napakaamong mukha ni Clara.

"Okey ka lang ba apo?" Napalingon si Anthony sa Lola niya dahil sa tanong nito. "Bigla ka na lang nangingiti d'yan."

Naipilig niya ang ulo. Nagawa niyang ngumiti dahil sa buhay na buhay sa kanyang imahinasyon ang mukha ni Clara.

"Hoy! Anthony, huwag mong isama ang sekretarya ko sa koleksyon mo," babala ni Andrew na ikinakunot noo niya.

"Aba! Aba! At sino naman ito?" Puno ng kuryosidad na tanong ng mommy niya.

"It's not-"

"'Yung sekretarya ni Andrew mukhang type ni Anthony. Dahil pinormahan na kanina," sabad ni Kevin na ikinaputol ng sasabihin niya.

Nakita niya kung paano nagliwanag ang mukha ng mga ito na para bang isang magandang balita ang narinig.

"Humingi lang ako ng sorry sa kanya. Dahil akala ko na-offend ko siya. That's all. At hindi ko siya type 'no! Andrew, sigurado ka ba na pwede ng magtrabaho 'yon? Mukhang walang kaalam-alam sa mundo," mabilis na depensa ni Anthony.

"Oo naman, twenty-six na siya 'no! Saka hindi type, ulol!" turan ni Andrew.

'Twenty-six  na ang babaeng 'yon?'

"Language Andrew!" sita ni Tita Clarissa rito na ikingisi niya.

"Hindi ko nga siya type. Napakainosente, hindi pa nga 'ata nahahalikan 'yon. You know my type kaya no worries, hindi ka mawawalan ng sekretarya, ok."

"Sinabi mo 'yan, 'nak! Pupusta ako na kakainin mo ang mga sinabi mo. Oh, game ba kayo boys?" sabi ng daddy niya na ikinailing na lang niya.

At nagsimula na ngang mag-usap ang lima sa pustahan sa harapan niya.

"Dad, ibigay mo na rin sa akin ang share ni Anthony sa hotel." Narinig ni Anthony na sabi ni Kevin kaya napalingon siya sa mga ito na nanatiling nakaupo sa carpet habang kumakain ng cookies.

"Kevin, nagpupuyat ka ba?" tanong niya rito.

"Minsan, bakit?"

"Alam mo ba ang pagpupuyat ay nakakakapal ng mukha?"

Kumunot ang noo ni Kevin. "Talaga? Hindi ko alam, saan mo nalaman? Nabasa?" curious na tanong nito.

Gusto ng matawa ni Anthony sa reaksyon ni Kevin pero pinipigilan niya. Hanggang sa batuhin siya nito ng throw pillow na nasa tabi.

"F*ck you Anthony! Sinasabi mo bang makapal ang mukha ko?" singhal ni Kevin ng ma-realize ang gusto niyang iparating.

Saka napuno ng tawa ang buong sala.

"Ang kapal kasi ng mukha mong hingin ang share ko at talagang sa harapan ko pa!" Ibinato niya ang unan pabalik dito.

This is his family. Isa sa mga ipinagpapasalamat niya sa Diyos. Sa kabila ng katayuan nila sa buhay, nanatiling nakatapak ang mga paa nila sa lupa. His parents and grandparents are really amazing.