Papatayin Kita... Mamaya! (Mamamatay Na Ako... Bukas! Sequel) - Prologo

Dumilat ang mga mata kong maga sa pag-iyak. Ramdam ko ang kabigatan ng mga ito sanhi ng pagod. Sa aking pagdilat, nakita ko ang paligid na nababalot sa kadiliman.

"Nasaan ako?" ang tanong na unang pumasok sa isip ko. Nataranta ako bigla.

Nilibot ko ng tingin ang paligid, pero kahit anong pagdilat ang gawin ng mga mata ko ay wala akong makita. Bulag na ba ako o sadyang madilim lang? Bukod sa masikip ang lugar na kinalalagyan ko ngayon, mainit dito at mabaho.

Huminga ako. Ah! Hindi ko kinaya ang paghinga! Ano ba yung amoy na iyon? Nakasusulasok! Tinakpan ko ang ilong ko ng aking mahina at nanlalatang mga kamay, pero tagos pa rin ang mabahong amoy. Amoy bulok! May katabi ba akong bangkay? Ganito nga ba ang amoy ng bulok na katawan? Hindi ko rin alam. Pero, paano kung may katabi ako? Paano kung "siya" pala ay nandito?

Hinahanap ng mga kamay ko ang pader na aalalay sa akin sa aking pagtayo. Kinapa-kapa ko ang pader. May nakapa akong 'di ko nagustuhan! Hindi ko