Chapter 18: Hatred

LUMIPAS ang mga araw at nanatili pa ring walang malay si Doña Divina at nanatili pa ring malamig ang pakikitungo ni Stefan kay Eunice. Hindi na sinubukan ni Eunice na magpaliwanag kay Stefan dahil alam niyang wala rin mangyayari lalo pa’t masama ang loob nito sa nangyari kay Doña Divina.

Naging nakakailang ang katahimikan ang bumabalot sa kanilang dalawa sa tuwing nasa iisa silang lugar ngunit pinilit na lang ni Eunice na indahin ang sitwasyon. Nanatili rin ang kanyang distansya mula sa binata para iwasan ang mas nakakailang na hangin sa kanilang dalawa.

Biglang tumunog ang cellphone ni Stefan dahilan para mapalingon si Eunice sa kinauupuan nito.

“Hello?”

Nakita ni Eunice ang biglang pagseryoso ng mukha nito habang nakikipag-usap.

“May problema kayang nangyari?” mahinang tanong ni Eunice ang kanyang sarili habang nakatingin kay Stefan.

Patuloy na pinagmasdan ni Eunice si Stefan hanggang sa nakita n