Chapter 50: Stone Heart

MATAPOS na maihatid ni Eunice ang kanyang ina at sina Vicky at Olga sa terminal ay bumalik siya sa mansyon ng mga Salvatore.

Pinagmasdan ng dalaga ang kabuuan ng mansyon at kahit na handa na ang kanyang isipan sa maaaring mangyari ay hindi pa rin mawala sa kanyang katawan ang kaba sa sandaling makita siyang muli ni Stefan.

“I don’t want to see your face anymore.”

Nanariwa sa kanyang isipan ang malamig na awrang ipinakita ni Stefan sa kanya nang sandaling bitawan nito ang mga katagang iyon. Alam niyang labis ang pagkamuhi nito sa kanya pero kahit na anong pilit at kumbinsi sa kanya ng ibang tao na iwan niya na ang kanyang asawa ay hindi niya magawa. Dahil may parte ng kanyang puso ang nagsasabing kailangan siya nito, may nagsasabing kailangan niya tuparin ang ipinangako niya kay Doña Divina at may parte sa kanyang puso nagsasabing hindi niya kayang iwan si Stefan sa hindi niya malamang rason.

Humugot nang malalim na paghin