Ika Limang Pahina

Samantala, pinilit na habulin ni Trina si Mr. Montenegro kaya dali-dali siyang sumakay sa kanyang electric bike ngunit pagkalabas pa lang niya ng villa area ay tuluyan ng nawala sa kanyang paningin ang lalaki.

Habang naiinis at nadidismaya ay biglang tumunog ang kanyang cellphone.

Pagkasagot niya sa tawag, isang lalaking tinig ang narinig niya sa kabilang linya. Ito ang kanyang tauhan

na si Drake.

“Boss, maraming tao ngayon ang naghahanap at nagtatanong kung sino si Dr. Nan.” saad nito

Agad na kumunot ang noo ni Trina.

"Hindi pa naman siya nabubunyag, ’di ba?" may halong pag-aalalang tanong niya.

“Siyempre hindi pa" sagot ni Drake.

“Sino ba naman ang mag-aakalang si Dr. Nan, na nakasolve ng problema sa hydrogen oil fuel, ay isang babaeng bagong graduate lang at mukhang inosente?” natatawang wika nito.

“May iba pa?” putol ni Trina sa madaldal niyang tauhan.

“Ah, oo! Nahanap ko na rin ang impormasyon ni Luke Montenegro.!”

“Sabihin mo.”

“Si Luke Montenegro ay ang ikalawang anak ng pamilyang Montenegro. Ayon sa mga sabi-sabi, siya raw ay marahas at malamig ang dugo, kaya ipinadala siya sa ibang bansa noong bata pa. Akala ng lahat, ang panganay na anak, ama ni Xander Montenegro, ang magmamana ng mga ari-Arian ng pamilya nila. Pero hindi inaasahan ng sinuman na babalik si Luke Montenegro sa dito noong nakaraang linggo at, sa pamamagitan ng ilang matitinding paraan, pinilit niyang magbitiw ang matandang Montenegro at siya ang pumalit bilang chairman ng Montenegro Group.”

“Maiba ako boss, hindi ba dapat isang madaling kontroling tao lang ang napili mong pakasalan para sa huwad na kasal na ’yan? Bakit bigla namang naging malamig at nakakatakot ang groom? Boss, kung magkagulo dahil sa status mo, maaapektuhan ang IPO ng kumpanya!” pagtatanong ni Drake na may halong pagtataka at pag-aalala.

Napabuntong-hininga na lamang si Trina.

“Kunin mo ang contact information at schedule niya,” utos niya.

 “Ako na ang makikipag-usap sa kanya.”

Tinanggap niya noon ang katawa-tawang alok ni Sandra na magpakasal agad dahil mas madali ang proseso ng IPO kung ang legal representative ay kasal na.

Pero ngayon, tila bigla siyang napasok sa kasal na hindi niya maintindihan, at hindi malinaw kung anong

pakana ang nasa likod nito.

Dahil komplikado ang pagkatao ni Luke Montenegro, ang pinakamainam na solusyon ay ang makipaghiwalay agad upang maiwasan ang anumang hindi kailangang gulo.

Pagkababa ng tawag, pinisil ni Trina ang kanyang sentido, tila inaalis ang pagod at inis na bumalot sa kanya.

Medyo kumplikado ang sitwasyon sa isip niya. Kaya dapat ay iwasan na mga problemang maaaring mangyari sa hinahanap.

Ang isang taong tulad ni Luke Montenegro, na palaging may kasamang mga bodyguard, ay hindi basta-bastang malalapitan.

Hindi na sana niya tinawag na “asawa” ito kanina — dahil sa ginawa niyang iyon, nainis ito at umalis agad.

Napabuntong-hininga siya at pinaandar ang kumikiriring niyang lumang sasakyan at nagsimulang baybayin ang daan pauwi.

Pagkalabas sa maingay na sentro ng lungsod, nakarating siya sa isang baryo sa labas ng siyudad.

Naalala niya noong lumayas siya mula sa pamilya Lopez noong siya’y high school pa lang, kakaunti lang ang pera niya, kaya nagrenta siya ng lumang bahay sa lugar na iyon. At makalipas ang ilang taong pananatili ay nasanay na siya roon at hindi na muling lumipat.

Ngunit bago siya lumiko sa kanto, isang matandang babae, na tinatayang nasa otsenta o nobenta anyos, ang biglang lumitaw sa gilid ng kalsada!

Mabilis namang inapakan ni Trina ang preno, at muntik na niyang mabangga ang matanda!

Tinitigan ni tiningnan ang matandang babae — sa una’y inakala niyang isa lang itong scammer, pero agad niyang napansing may kakaiba.

Bagaman payat at pandak, ang matanda ay maayos ang pananamit ay halatang galing sa isang may-kayang pamilya.

Sa leeg nito ay may nakasabit na karatula na may contact number at nakasulat sa dulo na

“Kung sakaling mawala ang matanda, pakitawagan ang numerong nasa baba. Magbibigay ng malaking pabuya.”

Mukhang may Alzheimer’s nga sa isip-isip niya.

Hindi niya alam kung kaninong kamag-anak ang nawawalang matanda. Kaya agad na niyang kinuha ang kanyang cellphone at tinawagan ang numerong nakasulat sa karatula.

Ngunit bago pa man niya marinig ang tugon sa kabilang linya, ang tulala at malabong matang matanda ay biglang kumilos.

Hinawakan nito ang pulsuhan ni Trina, at kumikinang sa saya ang dating malabong mga mata.

 “Asawa ng apo ko! Ikaw ang asawa ng apo ko!” sigaw ng matanda, puno ng tuwa.

Napangiwi si Trina, bahagyang napailing.

Dalawampu’t dalawang taon na siyang walang asawa, maski boyfriend nga ay wala tapos ngayon, bigla na lang ulit siyang may mister? Ano na ba itong nangyayari sa buhay niya.

Ano ’to, naka-wholesale na ba ang Local Civil Registry Office ngayon?

Napatawa siya sa sarili, saka mahinahong nag tanong sa matanda.

“Lola, sino po ba ’yung apo ninyong tinutukoy? Ano po pangalan ng apo niyo?”

Nakunot ang noo ng matanda, halatang pilit naalala ang pangalan.

Sandaling katahimikan, pagkaraan ng ilang minuto ay bigla siyang ngumiti

at buong saya na sinabi,

“Ah, oo! Si Luke!”