Pangalawang Pahina

"Bakit po kayo nagrerehistro ng kasal, ma’am? Basi po sa record namin… kasal na po kayo. Alam niyo po bang krimen ‘yon?"

Yun lang ang linya na paulit-ulit na tumatakbo sa isip ni Trina habang hawak niya ang papel na ibinigay ng clerk — isang marriage certificate daw niya.

As in, kasal daw siya.

Hindi niya alam kung matatawa ba siya o matataranta.

Nanginginig ang mga daliri niyang tinanggap ang papel at dahan-dahang lumabas ng opisina, habang nakasunod sa kanya ang lalaking binayaran niya para magpanggap na asawa niya.

Paglabas nila, agad itong nagsalita, halatang may inis sa tono.

 “Kasal ka naman pala! Para saan pa’t binayaran mo ’ko?”

Hindi siya sumagot. Parang walang tunog ang paligid, tanging tibok lang ng puso niya ang maririnig.

 “’Wag ka nang umasa, ha. Hindi ko na ibabalik ang binayad mo,” dagdag pa ng lalaki bago ito tuluyang umalis.

Hinayaan na lang niya.

Wala siyang energy makipag-away — hindi pa rin siya makapaniwalang may asawa raw siya.

Paano ako magiging kasal kung ni minsan, wala pa nga akong boyfriend?

Napabuntong hininga na lamamng si Trina at ibinaba ang kanyang ulo para tingnan ang kopya ng marriage certificate na hawak hawak niya simula pa kanina.

Kung titingnan ang litrato sa ID, ang itsura ng babae ay mukang may pagkamahiyain, pilit ang ngiti, at may nunal sa gilid ng kanyang mata. Walang dudang siya nga iyon.

Samantalang ang lalaki ay may matipunong katangian, matangos ang ilong, at bahagyang nakangiti ang manipis nitong labi. Ang malalim nitong mga mata ay nakatitig sa camera ng matalim na para bang kaya nitong butasin ang papel. Kahit ang itim at puting ng litrato ay hindi kayang itago ang kanyang misteryoso at makapangyarihang aura.

Ng makita ang pangalan ng lalaki ay mahina niya itong binasa.

"Luke Montenegro"

Pagkatapos ay inisip kung pamilyar ba ito pero sumakit nalang ang kanyang ulo kakaisip dahil siguradong siyang wala siyang kilala na kagaya ng lalaking nasa litrato.

Dahil sa gulong-gulo na siya sa mga nangyayari minabuti niyang humingi ng tulong sa isang ka kilala.

Kinuha niya ang kanyang cellphone at kinuhanan ng litrato ang lalaking "asawa" daw niya.

Pagkatapos makunan ng litrato ay pinindot niya ang isang itim na profile picture at nagsimulang mag type ng mensahe.

"Tulungan mo kong malaman kung sino ito."

Pagkatapos matanggap ang pagsang-ayon ng kakila ay pinasok na niya ang kanyang telepono sa kanyang bulsa at sumakay sa kanyang electric scooter upang pumunta sa marangyang mansyon ng kinikilalang pamilya.

Pagkarating siya ay bumungad sa kanya ang mga naggagandahang mga ilaw at makukulay na dekorasyon. Mapapansin din namga kasambahay na abala sa trabaho sa maayos na paraan, at may mga katulong na pansamantalang kinuha.

Abala ang mga tao sapagkat ngayong araw ay pupunta ang pamilya ng nobyo ng kapatid niya upang mamanhikan.

Sa kanilang banda habang papasok ay nakarinig siya ng bulungan galing sa mga kasambahay.

"Sino siya? Napakaganda naman niya!"

"Shh... wag kang maingay ha. Siya lang naman ang anak sa labas ng amo natin. Si ma'am Sandra ang nanay niya na siyang kabit ni sir Andrew noon."

"Siya ang anak ng bruhang matapobre?"

"Oo, pero magkaiba sila ng ugali. Kung iyong nanay niya mapakasama ng ugali at walang hiya. Akalain mo ba naman pumunta yun dito ng walong buwan ang tiyan niya para mag iskandalo at awayin si Ma'am Dani dahilan para manganak silang pareho sa wala sa oras. Pagkatapos noon, ginawa niya lahat ng paraan manatili lang sa bahay na ito."

"Grabe naman pala yung babaeng yun."

"Sinabi mo pa, pero iba si Ma'am Trina. Alam niya limitasyon niya. Alam mo bang umalis siya dito noong nasa junior high school siya at hindi na bumalik ng maraming taon. Hindi ko lang alam kung anong nangyari na nagtulak sa kanya para bumalik dito."

Napangiti lang si Trina ng mapait. Sanay na siya sa mga bulung-bulungan. Hindi na bago sa kanya ang mga matang mapanghusga.

Malayo pa ay kitang kita na niya agad ang kanyang inang si Sandra na nakabantay sa pinto na para bang bagot na bagot kakahintay sa kanya.

Pagkarating niya ay agad na hinila ng kanyang ina ang kanyang braso at bumulong.

"Nakapagrehistro kana ba ng kasal mo" tanong nito habang binabaybay nila ang daan papunta sa silid ng kanyang kapatid na si Gabriela.

"Oo." sagot niya sa kanyang ina kahit na hindi siya sigurado dahil sa nangyari kanina.

"Mabuti. Tandaan mo, anak ka lang sa labas at wala kang karapatan na makasal sa isang mayamang pamilya. Si Gabriela lang ang may karapatan kasi siya ang tunay at legal na anak. Kaya tigilan mo na si Xander dahil ikakasal na siya sa kapatid mo." wika ng kanyang ina.

Napangiwi nalang si Trina ng marinig ang ina.

Si Xander Montenegro ay ang panganay sa mga apo ng Pamilyang Montenegro, ang pinakamayamang angkan sa buong mundo. At niligawan siya nito ng apat na taon sa kolehiyo pero kay Gabriela nagpropose noong graduation day.

Nang malaman ito ng kanyang ina ay ipinilit nitong maghanap siya ng mapapangasawa at magpakasal agad para mapigilan ang ano mang pwedeng makasira sa pagsasama nina Gabriela at Xander.

At hindi na bago sa kanya ang ganyang turing ng ina. Dahil simula pagkabata ay palagi siya nitong pinipilit na magparaya kapag kasali sa usapan si Gabriela. At lagi niya itong sinusunod noong bata pa siya pero hindi na ngayon. Nagising na siya sa katotohanan na hindi sa lahat ng oras kailangan niyang magparaya kay Gabriela dahil lang anak siya sa labas.

Pagkarating sa kwarto ay agad nilang nakita si Gabriela.

Ang magandang dalaga ay nakasuol ng magarang damit gaya ng isang prinsesa at nakaupo sa sopa habang pumipili ng mga alahas. Ang buong kwarto ay kumikinang dahil sa mga iton.

Habang si Trina ay nakasuot ng kupas at simpleng dagmit at nakatayo ng tuwid.

Nang makita siya ni Gabriela ay agad siyang tinanong nito.

"Trina, ano ginagawa mo dito?"

Bago pa man makasagot si Trina ay nagsalita na ang kanyang ina.

"Gabriela, kakakasal lang ni Trina ngayong araw!"

"Bat ang aga naman? Sino ang napangasawa mo? Nahigitan ba naman si Xander?" gulat na may halong pang-uuyam na tanong ni Gabriela

"Imposible! Malabo yan, ang kagaya niya ay walang nararapat mapangasawa. Kahit ang pinakamahirap na tao ay hindi gugustuhing pakasalan siya. Pinatulan lang naman siya ni Xander para pampalipas oras. Ikaw lang Gabriela..."

Naputol ang pagsasalita ng kanyang ina ng pumasok ang kanyang ama na si Andrew Lopez.

"May darating na espesyal na bisita at ang ingay ninyo" kunot noonh sabi nito.

"Wala naman, sinabi lang samin ni Trina ikinasal siya ngayong araw." wika ng kanyang ina.

"Kinasal? Bat hindi mo sinabi samin ng mahanapan ka namin ng nababagay sayo. Tingnan ko nga kung sino 'yang pinakasalan mo."

Kinakabahan man ay iniabot niya ang papel na hawak ngunit bago pa man ito makuha na kanyang ama ay hinablot na ito ng kanyang ina.

"Ako na titingin kung sino napakasalan niya." wika ng ina.

"Dad, sino ang espesyal na bisita ang tinutukoy mo?" malambing na tanong ni Gabriela sa kanilang ama.

"Si Luke Montenegro" may kislap sa matang sambit ng ama.

Biglang nanlamig si Trina.

Luke… Montenegro?

Parang huminto ang mundo niya.

Iyon an

g pangalan na nakasulat sa marriage certificate na hawak niya.