Chapter 4

Kinakabahan na naman si Kristine habang naglalakad siya papasok sa opisina ni Nine. Mag-iisang linggo nang ganoon ang pakiramdam niya tuwing makaka-encounter niya ito. Ilang araw na rin niyang pinag-iisipan ang alok na kasal ni Nine. Kung hindi na talaga niya mahal si Nine, edi walang problema.

Iniisip na lang niya na para siyang nasa isang teleserye kung saan siya ang bidang babae na napilitang magpakasal sa lalaking hindi niya mahal.

"Instant rich wife ka rin, ayaw mo ba yun?," naaalala pa niyang biro ni Jacob habang kinukumbinsi siyang pakasalan si Nine. Napapatawa na lang siya tuwing naaalala iyon.

Huminga siya nang malalim at kumatok sa pinto ng lalaki. Inintay muna niyang magsalita ito bago siya pumasok.

"Ahh, Miss Paz. Fancy seeing you here. I was about to call you," nakangising sabi ni Nine.

Alam na ni Kristine na alam na rin nito ang pakay niya kaya hindi na siya nagpaligoy-ligoy pa.

"Pumapayag na ako sa gusto mo," diretsong sabi niya.

Napansin niya ang biglang pagngisi nito. Kinuha ni Nine ang telepono at may kinausap sa kabilang linya.

"Prepare everything. We'll be there in ten minutes," utos nito saka ibinaba ang telepono at agad namang inangat ang intercom.

"Joyce, cancel all my appointments for today."

Napakunot-noo si Kristine. "Teka... hindi ba dapat ako ang gumagawa niyan?"

"No. Miss Paz will be with me. Yes," iyon lang ang sinabi niya bago tuluyang ibaba ang phone.

"Come with me," malamig na utos ni Nine. Tumayo siya mula sa swivel chair, kinuha ang coat na nakasabit sa likod nito, at hinila si Kristine.

"Saan tayo—teka!" Napilitan si Kristine na sumunod sa kanya.

Parang nakuryente siya nang muling magdikit ang kanilang mga palad. Malalaki at mainit ang mga kamay nito na nakabalot sa kanya. Matagal na mula nang huling magdampi ang kanilang balat pero nanatiling pamilyar ang pakiramdam.

Habang naglalakad sila palabas, lahat ng empleyadong kanilang nakakasalubong ay nakatingin sa kanila. Alam ng mga ito ang nakaraan ng dalawa kaya hindi na nagulat, bagkus ay ipinagkibit-balikat na lang nila.

----

Lahat ng bagay ay nangyayari ayon sa plano ni Nine. Alam niyang wala nang ibang choice si Kristine kundi ang sumang-ayon sa kagustuhan niya. Mahalaga sa babae ang lupang iyon at hindi niya hahayaang mawala iyon sa kanya.

Dumiretso sila sa hukuman upang hindi na makapagbago pa ng isip si Kristine.

"Teka... ngayon na ba?" tarantang tanong niya.

"Why? Do you want a church wedding full of sweet nothings?" pang-uuyam nito.

Natahimik si Kristine. Siyempre gusto rin naman niyang magpakasal, pero pangarap niyang magkaroon ng espesyal na kasal. Minsan lang ikakasal ang isang babae at nais niyang maging memorable iyon.

"Nine? Handa na ba ang lahat?"

Napalingon si Kristine sa nagsalita. Napasinghap siya nang makilala kung sino iyon. Judge Araneta. Ninong ni Nine.

"Okay na, Ninong," sagot ng lalaki.

"Kristine, pumunta ka ba dito ng bukal sa kalooban mo?" tanong ng judge. Pinisil ni Nine ang balikat niya.

"Ah... opo," nakayukong sagot niya.

"Kung ganoon, simulan na natin ang kasal."

Lutang ang isip ni Kristine. Kanina lang ay pumayag siya sa nais ni Nine, at ngayon ay ikinakasal na sila.

"Maaari mo nang halikan si Mrs. Cervantes. Congratulations."

Itinapat siya ni Nine sa kanya.

"Tapos na? Did I say yes?" bulong niya sa sarili.

Wala siyang maalala na malinaw na pagpayag. Ang nakita na lang niya ay ang singsing na nasa kanyang daliri.

Tinitigan niya si Nine. Matiim ang mga mata nito habang nakatitig sa kanya.

"Wala ka nang kawala ngayon, Kristine," narinig niyang bulong nito sa isip niya. "Umpisa pa lang ito. I will take away your everything... starting from your freedom."

Hinalikan siya ni Nine nang puno ng poot. Marahas at maparusang halik iyon. Napakagat pa nito sa labi ng babae at nalasahan ang dugo.

"Let's go," malamig nitong sabi. Hindi mabasa ni Kristine ang ekspresyon ng asawa. Madilim ang anyo nito.

"Thank you, Ninong."

Hinila siya ni Nine palabas ng munisipyo. Tahimik lang silang dalawa hanggang makarating sa bahay ng mga Cervantes sa Villaruiz.

Pagdating nila roon, tanging guard lang ang sumalubong at nagbukas ng gate. Alam na alam ni Kristine ang pasikot-sikot sa bahay na iyon.

Kapit pa rin ni Nine ang kamay niya hanggang sa makarating sila sa kwarto nito.

"Nine, paan—hmp!"

Agad siyang siniil ng halik ni Nine. Hinawakan nito ang kanyang mga kamay at isinandal siya sa pader. Pinatong nito ang mga kamay niya sa ulunan habang idinidikit ang katawan sa kanya.

"Nine, tama na please," pagmamakaawa niya nang biglang kagat-kagatin nito ang kanyang leeg habang mariing minamasahe ang kanyang dibdib.

"Nine, please..." halos hikbing pakiusap niya pero parang wala itong naririnig. Hinila pa nito pababa ang kanyang blouse hanggang sa mapunit iyon, at tumambad sa harap ng lalaki ang malulusog niyang dibdib.

Nanghihina na ang tuhod ni Kristine. Gusto ng katawan niya ang ginagawa ni Nine ngunit tumututol ang kanyang isipan.

Hindi na nga natupad ang pangarap niyang kasal, pati ba naman ang kanyang unang pagkakataon ay biglaan at marahas ding mangyayari?

"Nine, ano ba?!" buong lakas niyang itinulak ang asawa palayo.

Nagulat si Nine. Natapakan ang ego niya. Sa kanya na nga ang babae pero ayaw pa nitong isuko ang katawan.

Muling itinulak siya nito sa pader at malakas na sinuntok ang dingding malapit sa kanyang mukha.

"Asawa mo na ako, Kristine. May karapatan na ako sa katawan mo. Sa katawang inalagaan at halos sambahin ko noon. Ni dulo ng daliri mo, ingat na ingat akong salingin pero ipinamigay mo lang sa iba! Nakakadiri ka, Kristine. Nakakadiri!"

Pabalya nitong binitawan ang kanyang mukha at nagmamadaling lumabas ng kwarto.

Narinig pa niya ang sigaw ng asawa habang nakaupo siya sa sahig kung saan siya iniwan. Malakas ang kabog ng kanyang dibdib at mariin ang pagkakahawak niya sa sirang blouse na tinatakip sa kanyang kahubdan.

Ngayon pa lang pinagsisisihan na niya ang pagsang-ayon sa kagustuhan ni Nine na magpakasal sila.