Kabanata 5

Itinago ni Graciella ang ATM card na binigay ng Kuya niya, hindi para gamitin iyon kundi para itabi kung sakaling mangangailangan ng tulong ang kapatid niya sa hinaharap.

Nang tuluyan ng tinanggap ni Graciella ang ibinigay ni Garett ay hindi nito mapigilan ang sarili na mapangiti dahil sa tuwa. "Kapag may oras ka, huwag mong kalimutang ipakilala sakin ang lalaking pinakasalan mo."

Pilit na ngumiti si Graciella. "Hayaan mo, Kuya. Sasabihan ko siya na bibisita kami dito sa susunod."

Sumapit ang alas singko ng hapon. Nagpaalam na si Graciella sa kanyang kapatid lalo na at susunduin pa nito ang kanyang pamangkin sa eskwelahan. Hindi narin siya nagtagal, lalo pa't mukhang hindi parin maganda ang loob ni Cherry sa kanya.

Pero kahit hindi sila magkasundo ni Cherry, hiling pa rin niya ang maayos na pagsasama nito kasama ang kapatid niya. Wala ng mas sasaya pa sa magkakasundong pamilya.

Nang makaalis siya sa bahay ng Kuya ay dumiretso na siya sa pharmacy. Unang pagbubuntis niya ngayon at halos wala siyang ideya kung ano ang dapat niyang gagawin. Nagsearch pa siya sa internet kung ano ang mga dapat niyang bilhin para magiging malusog ang anak niya.

"Ang ganda-ganda niyo po Ma'am. Sigurado akong magmamana sa inyo ang magiging baby ninyo," magiliw na papuri ng pharmacist nang magbayad na siya.

"Salamat," nahihiya niyang sambit.

Hindi niya inaasahan ang papuring iyon mula sa isang estranghero.

Nang makaalis siya ng botika, dahan-dahan siyang naglakad papunta sa kanyang scooter. Mukhang ngayon palang nagsync in sa kanya ang mga nangyari. Wala sa sarili siyang napahaplos sa manipis niyang tiyan. Sino bang mag-aakala na may dinadala na siyang sanggol sa kanyang sinapupunan? 

Nasa ganung kaisipan siya nang tumunog ang kanyang telepono. Nang sagutin niya iyon ay ang kanya palang kliyente na nais bumili ng bagong sasakyan.

"Sige, papunta na ako…" Aniya bago pinatay ang tawag.

Day-off niya dapat ngayon pero dahil nagdadalantao na siya, kailangan niyang kumayod para may pambili siya ng gatas at iba pang kakailanganin ng anak niya sa hinaharap, agad siyang nagtungo sa kanyang pinagtatrabahuan niya para asikasuhin ang kliyente niya.

Nagtapos siya sa kursong accounting.

Noong nag-aaral pa siya ng highschool, iyon ang indemand na kurso kaya naman, yun ang kinuha niya, subalit nang makagraduate na siya, sobrang dami na ring accounting graduate na gaya niya. Isa pa ay kailangan niyang magtake ng board exam kung gusto niyang makakuha ng mataas na posisyon sa trabahong papasukan niya.

Pero nang makapagtapos siya ay hindi siya nakapagtake ng exam dahil may kamahalan iyon. May mga utang pa siyang binabayaran dahil sa pag-aaral niya.

Kaya naman naisipan niyang pumasok bilang sales associate sa Dynamic Wheels lalo na at malaki ang commission na nakukuha niya. Mabuti nalang at sanay siya sa trabaho mula ng maliit pa siya kaya hindi siya nahihirapan nang magsimula siya sa Dynamic. Thanks to her experience.

Dalawang buwan na ang nakalipas nang makuha ng Dynamic Group of Companies ang Dynamic Wheels. Balita niya ay bago narin ang CEO ng naturang kumpanya. Pagkatapos ng ilang reporma, isa na ang Dynamic Group sa pinakamayamang kumpanya sa bansang Pilipinas. Malaki ang naging positibong epekto nito sa Dynamic Wheels na pinagtatrabahuan niya na ipinagpasalamat niya.

Pero kasabay ng pagbabago ng management ng Dynamic Wheels, may bago din silang manager. Mahigpit na patakaran ang ipinatupad nito. Kailangan nilang makabenta ng higit sa sampung sasakyan sa loob ng isang buwan para sa mas malaking sahod at sandamakmak na bonus at commission.

Kaya naman hindi siya mag-aaksaya ng panahon at palalampasin ang pagkakataon na makabenta.

Halos kalahating oras lang ang itinagal ng transaksyon at agad na siyang nakabenta. Mabilis nang lumapit sa kanya si Kimmy, ang baguhan niyang kasamahan na nagsimula dalawang buwan na ang nakalipas.

"Grabe ka talaga Graciella. Biruin mo yun. Nakabenta ka kaagad ng kotse na isa't kalahating milyon ang halaga sa loob lang ng kalahating oras!" Puno ng paghanga nitong bulalas.

Napangiti naman si Graciella.

"Marami kasing customer ang walang ideya sa kotse. Tanungin mo lang sila kung bakit sila bibili ng sasakyan. Konting salestalk lang yan. Gaya kanina, kakapanganak palang ng babaeng kasama ng bumili. Kaya naman yung malaking SUV Van ang inoffer ko para magamit nila sa hinaharap lalo na kapag bumiyahe silang magpamilya," kaswal niyang paliwanag.

Napatango-tango naman si Kimmy. Sana pala ay nagdala siya ng notebook para mailista niya ang tip na ibinigay ni Graciella at makabenta din siya ng marami.

Ilang sandali pa'y lumitaw sa harapan nila ang isang  babae na nakasuot pa ng maikling palda na hapit na hapit sa katawan nito—ang kasamahan nilang si Brittany.

Isa-isa silang tiningnan ni Brittany bago umismid. "Let me guess, nandito ka na naman Kimmy para purihin si Graciella at naghihintay ng mga tip kung paano makabenta gaya niya… Huwag ka ng umasa dahil kung tutuusin, bumibili lang naman ang mga customer natin sa kanya dahil sa itsura niya."

Imbes na mainis sa sinabi ni Brittany ay ngumiti pa si Graciella. "Thank you Brittany. I will take it as a compliment for my beauty," kaswal niyang turan.

Nagpunta siya doon para kumita at hindi para sa mga walang kabuluhang bagay at argumento na hindi naman siya kikita.

Tila hindi naman natuwa si Brittany sa sinabi ni Graciella. Pinukol niya ng isang malamig na titig ang babae bago ngumisi. "Oo nga pala Graciella, sabi ni Manager Lucas na itransfer mo sakin ng mga papeles ng sasakyan at information ng buyer na naibenta mo kani-kanina lang."

Agad na tumigas ang ekspresyon sa mukha ni Graciella.

Hindi na nakatiis pa si Kimmy at agad na pumagitna sa dalawa. "Pangatlo mo na yan ah! Bakit mo kukunin ang mga papeles? Si Graciella ang nakabenta ng sasakyan, Brittany tapos nanakawin mo na naman sa kanya?!"