Kabanata 13

Albana’s POV

Nakalublob ako sa ginintuang bathtub na puno ng gatas. Yes! Gatas ang pinapaliligo ko. Umahon ako. Dama ko paano dumausdos ang likidong may mabangong aroma mula sa aking mukha patungo sa ibabang mga bahagi ng aking katawan.

Umahon ako at agad na tinungo ang shower room na hindi kalayuan. Nakatitig ako sa patak ng tubig na humahalik sa aking balat.

Matapos akong nagbanlaw ay sinalubong ako ng isa sa mga katulong ko na tagapangalaga ko kapag naliligo ako.

“My Lady,” aniya at hinanda ang bathrobe ko.

Sinuksok ko ang mga kamay ko sa bathrobe at agad na tinaas ang aking mga kamay. Tinali niya ang tali ng bathrobe sa aking katawan.

“Done, My Lady,” aniya.

Tumungo kami sa dressing room. Umupo ako sa silya na yari sa ginto at nakita ko ang aking repleksiyon.

The goddess has arrived. Ito na ako ngayon. Ito na ang Jenissa na inakala nilang patay na. Umahon ako at babalikan ko sila. Hinding-hindi ako titigil hanggang may isang tao akong hindi nasisingil sa lahat ng kataranta