Chapter Sixty Two

Keith's POV

Tatlong araw na simula nang dalhin ko si Genevieve sa Villa namin. Tatlong araw na din simula nang magpropose ako sa kanya. Hindi niya ako sinagot nang araw na iyon hanggang ngayon. Hindi ko alam kung bakit? Hindi ba niya ako mahal? Bakit ayaw niya akong pakasalan? Hindi pa ba siya sigurado sa akin? Iyan ang mga katanungang tumatakbo sa isipan ko.

Pinagsisisihan niya ba na naging kami?

Wala akong nakuhang sagot mula sa kanya. Ni hindi niya sinabi sa akin na pag-iisipan niya ang alok kong pagpapakasal sa kanya.

Nasa harapan ko lamang siya ngayon. Seryoso ito sa pagsasalansan ng mga dapat kong pirmahan. Nakakunot ang noo nito habang nakatingin sa isang papeles. Tapos inilagay niya iyon sa in review ko.

Hindi ko maintindihan kung bakit hindi niya sinagot ang alok ko sa kanya. Sa tuwing nagtatangka kasi akong tanungin siya ulit iniiba niya ang usapan. Ano ba kasi ang problema? Baka hindi niya nagustuhan ang proposal ko? Baka masyadong casual iyong ginawa kong pagpo-propose