Chapter 7: Smack Kiss

Hinila ni Mr. Raven si Ms. Nica at parang nagtatalo pa nga ang dalawa. Hindi ko rin maiwasan maiyak dahil nakakabigla naman talaga ang ginawa niya, ako ba naman gawin niyang sinungaling.

"Girl, are you okay? Anong nangyari?" Tarantang tanong ni Kiko habang niyayakap ako.

"Okay lang, may misunderstanding lang kami ni Ms. Nica."

Bigla naman dumating si Ms. Jenica at hinihila ako dahil may importante raw siyang sabihin sa akin.

"Alexis, meron lang akong kailangan sabihin sayo. Ang daddy ni -"

"Alexis!" Sigaw ni Mr. Raven.

Hindi na natapos ni Ms. Jenica ang sasabihin niya dahil bigla rin akong tinawag ni Mr. Raven. Lumapit rin si Mr. Raven at hinila niya rin ako. Kung alam ko lang na hilaan pala ang mangyari ngayon sa akin, sana hindi nalang ako pumunta sa event.

Nagmamadali sa paglakad si Mr. Raven habang hawak ang kamay ko.

"Saan ba tayo pupunta?"

"Sumunod kana lang."

Nagtaka naman ako bakit papunta kaming parking area. Binuksan niya ang sasakyan at pinapasok ako.

"Get in, we