After Betrayal: Mr. Billionaire helped me take my revenge

"NAKU! Ma'am, ang ganda-ganda niyo po. Bagay na bagay sa inyo ang gown na ito. Tiyak na mapapaluha ang groom niyo sa tuwa kapag nagmartsa na kayo sa altar," iyon ang turan ng babaeng nag-a-assists kay Alyana Maurice.

Hindi naman kaagad nakasagot si Alyana, nanatili siyang nakatitig sa malaking salaming nasa harapan niya sinisipat ang magandang repleksyong mayro'n siya.

Maliit na mukha, magagandang mga mata, perpektong hulma ng ilong at ang pa-coca-cola shape na katawan niya.

"Tingin mo?" Walang ka-amor-amor na tanong niya. Naging malamlam ang mga mata ni Alyana, walang masayang emosyong makikita sa kaniyang mukha.

Siguro dahil ay alam niyang hindi mangyayari ang senaryong tinuran ng babae kanina. Hindi mapapaiyak sa tuwa si River, baka ang siste ay maburyo pa ito kapag nakita siya.

"Puwede niyo bang iksi-an ang laylayan ng gown na 'to? Masyadong old fashioned, hindi pasok sa style ko."

Napangiwi ng bahagya ang babae. Nagulat sa request ng kliyente niya. "Ah, s-sigurado ka ba riyan ma'am?"

"Oo, yung lagpas tuhod lang sana, tipong hindi naman ako masisita ng pari sa sobrang iksi."

"Ah." Medyo napatawa ng peke ang babae. "Titignan namin kung ano pong magagawa namin, ma'am."

"Good." Muling ibinalik ni Alyana ang mga mata sa repleksyon. Sa isip niya'y, hindi maikakaila na mas maganda siya kay Briana, mas mahaba ang malaman niyang legs dito at isa pa mas malaki naman ang hinaharap niya kaysa roon na mukhang dalawa ang likuran.

Napa-igik siya na ikinagulat ng staff na kasama niya. Magre-react pa nga sana siya kung hindi lang tumunog ang cellphone niya.

Incoming Call Steph. . .

"Hmm. . . Hello?" Bungad niya.

"Hello, Yana. Nasa boutique ka pa ba ngayon?" tanong ng matalik nitong kaibigang si Stephanie na nagta-trabaho bilang isang anesthesiologist sa isang makaling Hospital sa Manila lang din.

"Oo, bakit ba?" kalmadong sagot ni Alyana, naupo na siya't sabay na hinilot-hilot ang kaliwang binti niya.

"Well, gusto ko lang ipaalam sa 'yo na nakita ko ang fiancé mo at ang bruha mong kapatid, dito sa Ospital. At alam mo ba kung saan sila pumunta? Aba! Sa gyneologist? Sh@t right? Ano namang gagawin nila doon?"

"Really?" Naitigil ni Alyana ng ginagawang paghilot sa sumasakit na binti. "You mean, bumalik na ang babaeng 'yon?"

"Siyang-siya yung nakita ko, so super yes! Bumalik na siya."

Napapikit na lang si Alyana, dalawang taon ang lumipas na naging tahimik ang buhay niya. Naging maayos rin ang pakikitungo ni River sa kaniya kahit papaano. Nangako pa ang lalaki na susubukin nitong magkaroon sila ng mas maayos na ugnayan, na siyang ginagawa naman nito.

Ngunit mukhang ang pagbabalik ni Briana ang muling sisira niyon.

Sa katunayan ay pinalayas na niya ang babaeng 'yon, tinakot niyang sasabihin sa magulnag nila na gumamit siya ng bawal na gamot noong nag-night party ito kasama ng mga kaibigan niya. Pero ngayo'y takang-taka ito kung bakit may balita na kasama nito ang fiancé niya sa Ospital? Sa gyneologist pa?

Tsk. Buntis ba siya? Nabuntis o binuntis?

"Hello? Yana? Nandiyan ka ba pa?"

"Yeah. Pero ibababa ko na." Senyales ng pagpapaalam ni Alyana sa kaibigan.

"Saglit, anong binabalak mo?"

"Well, mayro'ng nagpapapansin 'di ba? Edi bibigyan ko ng pansin. Sige bye na." Hindi na naghintay pa ng sagot si Alyana mula sa kaibigan.

Matapos ibaba ang tawag ay tumayo siya't pinagmasdan na naman ang sariling repleksyon sa salamin. Isang nakakalokong ngiti ang sumilay sa kaniyang labi.

Walang balak na patahimikin ng tadhana ang buhay niya!

Kinuha ni Alyana ang gunting na nakapatong lang sa side table. Agad niyang ginupit ang laylayan ng gown hanggang sa magutay-gutay iyon dahil sa inis niya. Maging ang bandang manggas ay tahasan din niyang hinila ng malakas.

Wala na siya sa kaniyang tamang pag-iisip ngayon, lahat ng anxiety at traumang nakuha niya sa pamilya Maristela ay muling bumalik. At mukhang ang pagiging ill-tempered niya'y hindi na naman niya maiiwasan

Ang totoo kasi'y ang labing walong taon niyang buhay ay hindi niya ginugol sa piling ng pamilya Maristela. Kung hindi pa na-aksidente ang katulong na kasabay ng kaniyang ina na nanganak noon ay hindi pa lalabas ang katotohanang ipinagpalit siya. Ibang bata ang nagtamo ng karangyaan na dapat ay sa kaniya. At ang masakit pa roon ay kahit nakabalik na siya sa tunay na pamilya ay mas pabor pa rin sila sa anak ng katulong na si Briana

Ngayon maging ang pagpili sa wedding gown niya ay kailangan pang idaan sa ina. Nakatakda siyang kasal sa isa sa Salvador Brothers. Si River Salvador ang kaniyang fiancé, ang ikalawa mula sa apat na magkakapatid. Ngunit ang kasalan na idadaos ay hindi dahil sa mutual love. Nabuo lang iyon dahil sa pangako ng kanilang mga lolo na sa pagdating ng tamang panahon ay kailangang magsama ang kanilang mga pamilya sa pamamagitan ng kasal.

Hindi niya nagawang tumutol dahil hindi pa man siya nakakabalik sa buhay na dapat ay para sa kaniya talaga'y, nakatali na siya sa planong iyon.

Hindi siya nagkaroon ng sariling boses o desisyon pagkabalik. Kung impyerno na ang buhay niya sa piling ng mga kumupkop sa kaniyang mas malala pa ang dinanas niya ngayon. Parating ang impostor na anak ang nakakuha ng atensyon ng magulang niya, na kahit siya naman ang 'with high honors' noong nag-aaral sila'y si Briana pa rin ang sinasamahan ng mga ito, kahit na wala naman itong nakuhang award.

At ang pinakamalala pa'y sinimulang lasunin ni Briana ang utak ng mga magulang niya at ng Fiancé niya. Gusto nitong pati si River ay hindi magkaroon ng maayos na pakikitungo kay Alyana, kahit kaunti man lang.

"Ma'am? Ano pong nangyari?" Gulat na tanong ng isa sa dalawang staff na pumasok sa silid na kinaroroonan niya.

"Don't mind it, take my card. Babayaran ko ang gown na 'to."

Naging helpless ang hitsura ni Alyana, sa oras na 'yon isa lang ang gusto niyang gawin. Ikansela ang kasal niya na dapat ay sa susunod na buwan na.

Matapos makapagbihis ng kaniyang orihinal na damit, makuha ang card niya'y isang tawag na naman ang kaniyang natanggap. Ngayon ay ang pangalan na ni River ang lumabas aa screen ng cellphone niya.

"Alyana. Tapos ka na sa pagsusukat ng wedding gown? Kung oo, dumiretso ka sa Opisina. Nandito ang mom mo, hinahanap ka." Matigas ang boses ni River, hindi katulad sa sweet and caring voice na ginagamit nito bago pa man niya narinig ang balita tungkol kay Briana.

He even called him by her first , imbes na sa pinaikling second name niya na 'Mau'.

Hindi na siya sumagot. Mas lalo lang nanunuot ang inis sa kaniyang ulo. "I-deretso mo sa Kumpaniya," utos niya sa kaniyang driver.

...

NAABUTAN ni Alyana sa Opisina si River, ngunit hindi siya kaagad pumasok. Pinagmasdan niya kung papaanong tumama ang sikat ng araw sa lalaking kaniyang mapapangasawa.

Nasalo nito halos lahat ng pagpapala ng kagwapuhan at kakisigan mula sa Diyos.

Hindi nga lang nito nakuha ang 'loyalty at honesty award'.

1 message received.

Isang litrato ang nag-pop-up sa group message inbox ni Alyana.

Nangunot ang noo nito.

"How immature," bulong niya.

'Good thing, I am cancelling the wedding.'- message sent to group chat.