Chapter 45

Tinadtad ako ng text at call ni Cadence noong uwian. Pero hanggang sa makauwi ako ng bahay, hindi ko siya pinansin. Hindi rin muna ako kinausap ni Carol. Nang ikwento niya kila Hannie at Mia ang nangyari, hinayaan din muna nila ako na palipasin ang galit ko. Kung galit ako kay Cadence, mas galit ako sa sarili ko. Ako ang naging puno’t dulo ng lahat. Ako ang nagsimula. Kaya tama lang na magdusa ako ngayon.

“Hindi ko siya kayang harapin, ma. Pauwiin mo na po.”

Alas-otso na. Kasalukuyan akong gumagawa ng assignment ko pero naantala dahil dumating si mama para sabihin sa akin na nasa labas daw si Cadence. Gusto niya daw ako maka-usap. Pero pinili kong ipagpatuloy ang ginagawa ko.

“Layla.”

Huminga ako nang malalim at muling tumingin sa kaniya. Nasa gilid siya ng pinto ko.

“Ma, please.”

Ilang segundo siyang nakatitig sa akin bago bumuntong hininga.

“Kung ano mang ‘yang problema niyo, ayu