Chapter 03

NAGISING si Gracie na nasa banyagang silid siya. Pupungas-pungas na bumangon siya pero nanatiling nakaupo sa malambot na kama. Napansin niya na iba na rin ang suot niyang damit, isang plain t-shirt at short na lang. Hindi na niya malinaw na matandaan ang mga nangyari sa nagdaang gabi.

“Teka, nasaan ba ako ngayon?” maang na tanong niya sa sarili.

Bago pa niya mailinga ang tingin sa apat na sulod ng silid ay bumukas ang pinto n’on. Iniluwa n’on ang isang babae na kilala pa rin niya.

“N- Narita?” usal niya sa pangalan nito.

Ngumiti ito. “Gising ka na pala Gracie. You were so drunk last night at dahil hindi ko naman alam ang address mo ay iniuwi na muna kita dito sa town house ko.”

Nakadama siya ng hiya. “Pasensya na kung naabala kita. Feeling strong kasi ako kahit alam ko na mahina ako sa inuman.”

“It’s alright, remember my unfinish business pa tayo,” anito.

“Ano ‘yun?” nagtatakang tanong niya sa babae.

“Ikaw talaga, iyong pagganti na gagawin natin sa half-sister mo. Ngayon ay hindi na usapang lasing napagkwentuhan natin kagabi. Ang mabuti pa ay ayusin mo muna sarili mo, may sariling banyo at naka-ready na rin ang damit mo. Iyong damit na suot mo ay ipinalaba ko muna sa maid ko dito.”

“Grabe ang laki na pala ng utang ko sa’yo,” lalo pang nahiyang saad niya.

“Don’t be,” tugon nito. “Maiwan muna kita para makapag-ayos ka at itutuloy natin ang usapan natin sa breakfast.”

Bago siya makapagsalita ay tinalikuran na siya ni Narita saka lumabas na sa silid na kinaroroonan niya.

Tumayo na siya para magtungo sa banyo. Pasalamat siya na wala siyang hang-over sa dami ng nainom niyang alak kagabi.

“HUWAG na lang kaya natin ituloy ang plano natin. For sure may karma rin si Tatiana. Hindi ko kaya ang ipapagawa mo sa akin,” nag-aalinlangang sabi ni Gracie kay Narita nang malaman ang plano nitong gawin. Naroon sila sa dining table at katatapos lang kumain ng breakfast.

“Alam mo Gracie, minsan ay kailangang lumabas tayo sa comfort zone natin para mabigyan ng justice ang sarili natin. Saka once mo lang gagawin ang ipinapagwa ko sa’yo,” pag-kumbinse nito sa kanya.

Alanganing umiling siya. “Ngunit hindi ako maatim na gawin ‘yun at ako ang nahihiya sa sarili ko. Baka may pwedeng iba na lang na gumawa n’on para sa ating dalawa.”

“Mahirap ang gusto mong mangyari, hindi natin masasabi ang loyalty ng naiisip mong iba na pwedeng gumawa ng plano natin. Kung hindi nga lang ako kilala ni Oliver ay willing sana ako na ang gumawa,” dagdag pa nito.

Saglit nawala ang atensyon niya kay Narita nang makatanggap siya ng message mula sa assistant niya sa office na si Rhona.

Ma’am Gracie, nagpunta po dito sa office mo si Ma’am Tatiana saka siniraan ka po sa amin. Ipinagkakalat niya na ninakaw mo raw po ang business proposal na ginawa niya. totoo ba ‘yun?

Umahon na naman ang dugot sa ulo niya at nabuhay ang galit sa half-sister niya. naikuyom niya ang kamao ng isang malayang kamay niya.

“Kung patuloy kang magiging mahina Gracie ay lalo ka lang mamaliitin ng mga taong walang bilib sa’yo. Kapag nagawa natin ang plano ay dapat na maging masaya ka na ikaw ang nagbigay gn karma sa kapatid mo,” sabi pa ni Narita na sinadya siyang untagin dahil sa pananahimik niya.

Hindi totoo ‘yun. Siya pa nga ang nagnakaw ng pinaghirapan nating proposal. Ipinadala niya ang nasabing reply sa assistant saka muling binalingan siya ni Narita.

“Sige pumapayag na ako sa plano natin,” diretsong sabi niya sa babae. “Sumusobra na si Tatiana at gust kong ipalasap sa kanya ang karma niya. Kailan ng apala natin gagawin?”

May kakaibang ngiti ang gumuhit sa labi ni Narita. “Mamaya na Gracie at tamang-tama dahil birthday ni Oliver ngayon kung saan madali nating magagawa ang plano natin. Salamat sa pagpayag mo na maging partner in crime kita.” bahagya itong napatawa.

“This time ay kailangan ko naman na ilaban ang sarili ko,” puno ng tapang at paghihiganting sabi niya.

NAKAMULAT ang mga mata ni Gracie pero tanging dilim ang nakikita niya sa kinaroroonan. Nakaupo siya sa alam niyang pinaka-relak na posisyon. Pansamantala lang naman siya sa sitwasyong kinalalagyan niya ngayong gabi. May nauulinigan siyang mga tinig pero hindi niya malinaw na marinig. Mga ilang minute na rin siya doon.

Nagulat siya nang awtomatikong gumalaw sa pwesto niya. ramdam niya na umaandar na siya na patungo kung saan. Narinig niya ang pag-igik ng bumukas na pinto.

Lalong lumakas ang naririnig niyang ingay at usapan sa labas. Sa pagkakataong iyon ay may halo na rin ng musika. Ingay ng mga nagkakasiyahan.

Napatingala siya sa pagkakaupo nang marinig ang marahang pagkatok. Ang hinihintayn niyang hudyat para lumabas na sa pinagkukublihan sa mga sandaling iyon.

Bumuntong-hininga siya na tila humuhugot ng lakas ng loob. Nakainom na rin siya ng alak kanina para mabawasan ang reserbasyon sa sarili lalo na ang pagkailang.

This is it!

Sa pagtaas ng kamay niya ay tumayo na siya. Ganap niyang nailabas ang sarili sa malaking kahon na pinagtaguan niya na nakalagay sa isang trolley para madali siyang maipasok sa loob ng isang bachelor’s pad.

“Enjoy our gift birthday boy!” sabi ng isang lalaki. Natutuwang nagpalakpakan at sumipol ang mga kasamahan nito. Nasa anim na kalalakihan ang nakita niya sa lugar na iyon.

“You guys are crazy!” naiiling na sabi ng isang lalaki at kita ang pagka-disgusto sa mukha nito. Suot nito ang isang red polo at cream slack. At marahil ito na nga ang pakay niyang lalaki ngayong gabi- ang fiancée niya si Tatiana.

“Just enjoy the night Oliver.” Tinapik ito ng isang lalaki at nakumpirma nga ang hinala niya.

Pumailanlang sa paligid ang isang isang tugtugin na sinabayan niya ng pagsayaw ng may pagkaharot. Isang sexy tube at short ang suot niya. sa paggiling ng katawan niya ay hinuli niya ang tingin ni Oliver.

Nagtagumpay naman siya dahil nagtama ang kanilang mga mata. Umalis na siya sa nasirang malaking kahon saka mas lumapit pa kay Oliver.

Oliver has styled neatly hair with an intense gaze. He has a sharp cheekbones na nagpadagdag appeal sa kagwapuhang taglay nito. Matangkad ito at masasabing hanggang balikat lang siya nito. He’s so hot.

May kung anong kakaibang attraction ang lumukob sa kanya. Gusto niya na maakit ang fiancée ng half-sister niya sa gabing iyon.