Chapter 05

NATIGILAN sa paglalakad ng isang mall si Gracie nang may mamataan siyang dalawang pamilyar na nilalang. Ilang metro na lang ang layo nito sa kanya at makakasalubong niya. Sa pagiging alerto niya ay lumiko siya papasok sa loob ng isang bookstore. Ang lakas ng kabog ng dibdib niya ng mga sandaling iyon.

Mula sa glass wall ng kinaroroonan niya ay nakita niya pagdaan nina Oliver at Tatiana. Magka-holding hand ang mga ito at sweet na sweet sa isa’t isa.

Mabuti na lang at nakaiwas agad ako sa kanila. Nakahinga nang malalim na saad niya sa sarili. Naningin na rin siya ng book kahit wala talaga siyang balak bumili. Isang fictional book ang napili niya na kaagad niyang binayaran sa counter.

Lumabas siya ng counter para ganap nang lumabas sa mall na iyon. Babalik na muna siya ng opisina. Few days ago ay nakiusap ang step-father niya na bumalik siya sa trabaho at ito na mismo ang humingi ng paumanhin sa ginawa ng half-sister niya.

Bago pa siya tuluyang makarating sa exit door, biglang nag-ring ang cellphone niya. Rumehistro sa screen ang pangalan ni Narita na kaagad niyang sinagot. Nagpunta muna siya sa isang sulok na malayo sa karamihan ng mga nagdaraang tao.

“Mabuti naman at naalala mo pa ako,” may himig pagtatampong sabi niya sa babae sa kabilang linya.

“I’m sorry naman Gracie, kinailangan kong bumalik ng province dahil nagkaroon ng problema ang family business naming doon,” sagot ni Narita. “Congrats ah, for a job well done.”

“Mabuti nga at tumawag ka ngayon sa akin at muntikan kong makasalubong sila kanina dito sa mall. Paano ba naman kasi after ko magawa ang plano natin ay halos three days kang hindi nagparamdam d’yan.”

Mahina itong tumawa. “Sorry na okay, don’t worry Gracie, hindi masasayang ang mga pinagpaguran mo ng gabing iyon. Hayaan mo na maging masaya ngayon ang half-sister at si Oliver at soon ay sila naman ang masasaktan. Malapit ka nang makaganti sa kapatid mong mang- aagaw.”

“Pero ano ba talaga ang plano mo? Baka naman pwede kong malaman?” tanong niya sa kabilang linyan na luminga-linga ang tingin niya sa paligid. Siya lang naman ang tao sa bahaging iyon.

“Just relax lang Gracie, ginawa mo naman ang part mo then ako naman this time. Magugulat ka na lang na nakaganti ka na pala sa kapatid mo. Basta abangan mo na lang dahail malapit na. sige, I have to go muna at may pupuntahan pa ako.”

“Wait lang Narita, may ita-” subalit nawala na sa linya ang babae. Tanging end-tone na lang ang narinig niya sa cellphone niyang nakatapat sa tainga niya.

Bigala tuloy siyang nakadama ng kakaibang kaba. Ano nga ang pina-planong gawin ni Narita para makaganti siya kay Tatiana?

After ng gabing iyon ay nahiya siya sa sarili dahil sa pinaggagawa niya kay Oliver Wright. Alam niya na liliit ang mundo para sa kanilang dalawa ng lalaki kapag naging ganap na itong asawa ni Tatiana.

Just trust Narita. Kailangan na magtagumpay ang plano niyang revenge at kapag nangyari iyon ay hindi na mangyayari ang kinatatakutan mo. Assurance na sabi ng isang bahagi ng utak niya.

LATE nang nakarating ng reception hall ng isang malaking hotel si Gracie dahil sa matinding traffic. Isang evening dress ang suot niya na ibinagay sa nagaganap na okasyon. Inihatid siya ng isang waiter patungo sa table na nakalaan para sa kanya.

Ngayong gabi ay magarbong celebration ng fifty birthday ni Don Armand Luistro. Sa mga bisita pa lang na naroroon ay bakas na ng karangyaan. Mga business partner and friends ng amain. May mga imbitadong politician at mga may impluwnesyang tao sa lipunan.

May pumapailanlang na musika mula sa arkiladong sikat na orchestra sa Piilpinas.

Nakadama ng insecurity at self-pity si Gracie nang makitang nakaupo sa presidential table ang kanyang inang si Lucia, ang kapatid niyang si Tatiana kung saan napapagitnaan ng mga ito ang birthday celebrant.

Kahit kailan ay hindi niya naranasan na kabilang siya sa pamilyang iyon. Heto nga ay iniupo siya sa iba pang mga bisitang naroroon at mga hindi pa niya kilala.

“Good evening ladies and gentlemen, and now we start the program for the golden birthday celebration of Don Armand Luistro. Let’s give him a big round of applause.”

Natigil sa paglipad ang isip niya nang marinig ang sinabing iyon ng male program host na sinundan ng masigabong palakpakan ng mga bisita. Nakisabay rin siya ng pagpalakpak sa mga ito. Tumayo naman ang step-father niya saka kumaway sa mga crowd.

Sa sumunod na sandali ay nagkaroon muna ng sumptuous dinner para sa lahat ng bisita. Umaapaw sa maraming pagkaing masasarap at mga inumin. Lahat ay tinitiyak na mabubusog.

Nang matapos kumain ang lahat ay nagbalik sa stage ang male host. “This time may we call on our celebrant for his birthday message.”

Pumalakpak muli ang mga bisita sa pagtayo ni Armand at sa pag-akyat ntio sa stage. Kaagad na tinanggap nito ang microphone mula sa host. Masaya itong tumingin sa mga bisitang naroroon.

“First of all, ang aking pasasalamat sa Diyos at sa pamilya ko na kasama ko sa mahalagang araw na ito ng aking  buhay.” Itinuro pa ni Armand sina Lucia at Tatiana na proud na naka-pwesto sa presidential table. “Of course, I want to thank everyone who came here tonight to join me in this special celebration. Maraming Salamat sa inyo.”

Nagpalakpakan muli ang mga bisita.

“But tonight, I have very special announcement,” pagpapatuloy na mensahe ni Armand. “After my birthday celebration ay muli tayong magkasama-sama sa isa pang malaking okasyon. Tonight, I formally annoucing the engagement of my dear daughter Tatiana Luistro to Mr. Oliver Wright.”

Muling nagpalakpakan ang mga bisita. Tinawag ni Armand ang magkasintahan para samahan ito sa stage. Nabuhay kay Gracie ang kakaibang attraction nang masilayan muli si Oliver. Napaka-gwapo nito sa suot na long-sleeves na pinatungan ng coat na may katernong slack.

Nagkaroon ng warning sa isip niya. kailangan na umalis siya agad sa party na iyon para hindi magtagpo ang landas nil ani Oliver.

Subalit naagaw ang atensyon sa hindi inaasahang anasan ng mga bisita. Isang komosyon ang nagaganap sa reception hall. Sa sumunod na sandali ay lahat ng mata ng mga naroroon ay tumutok sa kanyang lahat.

Maging siya ay nagulat sa video na biglang nag-play sa led screen. Pinagpawisan siya ng malamig at nanginig ang kalamnan niya nang mapagtanto na ang scandalous video ay napapanood na mga bisita sa party na iyon ni Armand. Ang video na kung saan kasama niya si Oliver at ang eksena ay mga naganap sa pagitan nilang dalawa sa loob ng bachelor’s pad nito!